ಕರ್ನಾಟಕ

ಕರ್ನಾಟಕದಲ್ಲಿ 20%ಕ್ಕಿಂತ ಹೆಚ್ಚು ಅನಕ್ಷರಸ್ಥರು!

Pinterest LinkedIn Tumblr


ಬೆಂಗಳೂರು: ಸಾಕ್ಷರತೆಯಲ್ಲಿ 15ನೇ ಸ್ಥಾನದಲ್ಲಿರುವ ಕರ್ನಾಟಕ ರಾಜ್ಯ ಮಾತ್ರ ಸಂಪೂರ್ಣ ಸಾಕ್ಷರತಾ ನಾಡಾಗಿ ಪರಿವರ್ತನೆಗೊಂಡಿಲ್ಲ. 2011ರ ಜನಗಣತಿ ಪ್ರಕಾರ ಶೇ. 75.60ರಷ್ಟಿದ್ದ ಸಾಕ್ಷರತಾ ಪ್ರಮಾಣ ಅಲ್ಲಲ್ಲೇ ತೆವಳುತ್ತಿದೆ. ಸಂಪೂರ್ಣ ಸಾಕ್ಷರತಾ ರಾಜ್ಯವನ್ನಾಗಿ ಮಾಡಬೇಕೆಂಬ ಉದಾತ್ತ ಆಸೆಯಿಂದ ಸರಕಾರ ಪ್ರತಿ ಕಲಿಕಾರ್ಥಿಗೆ 300 ರೂ. ವೆಚ್ಚದ ಕಲಿಕಾ ಸಾಮಾಗ್ರಿ ನೀಡುತ್ತಿದೆ. ಸ್ವಯಂ ಸೇವಾ ಸಂಸ್ಥೆಗಳು ಈ ಜವಾಬ್ದಾರಿ ನಿಭಾಯಿಸುತ್ತಿವೆ. ಮೇಲಾಗಿ ತಾಲೂಕಿಗೊಬ್ಬರಂತೆ ತಾಲೂಕು ಸಂಯೋಜಕರಿದ್ದಾರೆ. ಇನ್ನೊಂದೆಡೆ ಕೇಂದ್ರ ಸರಕಾರ ಕಳೆದೆರಡು ವರ್ಷಗಳಿಂದ ಅನುದಾನ ನಿಲ್ಲಿಸಿ ಬಿಟ್ಟಿದೆ.

ಮಂಗಳೂರು ಹೆಚ್ಚು, ಯಾದಗಿರಿ ಕಟ್ಟಕಡೆ

2011ರ ಜನಗಣತಿ ಪ್ರಕಾರ ಸಾಕ್ಷರತಾ ಪ್ರಮಾಣವನ್ನು ಶೇ. 90ಕ್ಕೆ ಹೆಚ್ಚಿಸುವ ಗುರಿ ಹಾಕಿಕೊಳ್ಳಲಾಗಿತ್ತು. ಈಗ ಮತ್ತೊಂದು ಜನಗಣತಿಗೆ ಸಿದ್ಧತೆ ನಡೆದಿದೆ. ಆದರೆ ಶೇ. 74.60ರಷ್ಟಿದ್ದ ಪ್ರಮಾಣವನ್ನು ಶೇ. 80 ಕ್ಕೂ ತಲುಪಿಲ್ಲ. ಹೀಗಾಗಿ ರಾಜ್ಯದಲ್ಲಿ ಶೇ. 20 ರಷ್ಟು ಜನರಿಗೆ ಇನ್ನೂ ಅಕ್ಷರ ಜ್ಞಾನವಿಲ್ಲ. ಈ ಅನಕ್ಷರಸ್ಥರಲ್ಲಿ ಹೆಚ್ಚಾಗಿ ವಯಸ್ಕ ಅನಕ್ಷರಸ್ಥರದ್ದೇ ಸಿಂಹಪಾಲು. ಇವರನ್ನು ಸಾಕ್ಷರರನ್ನಾಗಿಸಲು ಲೋಕ ಶಿಕ್ಷಣ ನಿರ್ದೇಶನಾಲಯ ಹಾಗೂ ರಾಜ್ಯ ಸಾಕ್ಷರತಾ ಮಿಷನ್‌ ಪ್ರಾಧಿಕಾರ 2018-19ನೇ ಸಾಲಿನಲ್ಲಿ 4 ಸಾಕ್ಷರತಾ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ. 2019-20ನೇ ಸಾಲಿನ ಜಿಲ್ಲಾವಾರು ಸಾಕ್ಷರತಾ ಕಾರ್ಯಕ್ರಮ ಅನ್ವಯ ಮಂಗಳೂರು ಜಿಲ್ಲೆಯಲ್ಲಿಸಾಕ್ಷರತೆ ಪ್ರಮಾಣ ಹೆಚ್ಚಿದ್ದರೆ, ದ್ವಿತೀಯ ಸ್ಥಾನದಲ್ಲಿ ಬೆಂಗಳೂರು ನಗರ ಜಿಲ್ಲೆ ಇದೆ. ಆದರೆ ಇತ್ತೀಚೆಗೆ ಅಸ್ತಿತ್ವಕ್ಕೆ ಬಂದಿರುವ ಯಾದಗಿರಿ ಜಿಲ್ಲೆಯಲ್ಲಿಅತೀ ಹೆಚ್ಚು ಅನಕ್ಷರಸ್ಥರಿದ್ದಾರೆ. ಸಾಕ್ಷರತೆ ಪ್ರಮಾಣ ಹೆಚ್ಚಿಸುವ ನಿಟ್ಟಿನಲ್ಲಿ 3 ಹಂತದ ಕಾರ್ಯಕ್ರಮಗಳು ಅಂತ್ಯಗೊಂಡರೂ ಯಾವ ಜಿಲ್ಲೆಯೂ ಸಂಪೂರ್ಣ ಸಾಕ್ಷರತಾ ಜಿಲ್ಲೆಯಾಗಿ ಹೊರಹೊಮ್ಮಿಲ್ಲ.

ಕಾರ್ಯಕ್ರಮಗಳೇನು?

ಡಾ. ಡಿ.ಎಂ. ನಂಜುಂಡಪ್ಪ ವರದಿಯನ್ವಯ ಹಿಂದುಳಿದ, ಅತೀ ಹಿಂದುಳಿದ ಅತ್ಯಂತ ಹಿಂದುಳಿದ 95 ತಾಲೂಕುಗಳ ಅತೀ ಕಡಿಮೆ ಸಾಕ್ಷರತೆ ಇರುವ ಗ್ರಾಪಂಗಳಲ್ಲಿ2.50 ಲಕ್ಷ ಅನಕ್ಷರಸ್ಥರನ್ನು ಸಾಕ್ಷರರನ್ನಾಗಿಸುವ ಕಾರ್ಯಕ್ರಮ ಹಮ್ಮಿಕೊಂಡಿದೆ. ಇದರೊಟ್ಟಿಗೆ ಸ್ತ್ರೀಶಕ್ತಿ ಸ್ವಸಹಾಯ ಗುಂಪುಗಳ ಮೂಲಕ ಅನಕ್ಷರಸ್ಥರನ್ನು ಸಾಕ್ಷರರನ್ನಾಗಿಸುವುದು ಹಾಗೂ ನಗರ ಕೊಳಗೇರಿಯಲ್ಲಿರುವ ಅನಕ್ಷಸ್ಥರನ್ನು ಸಾಕ್ಷರರನ್ನಾಗಿಸಲು ವಿನೂತನ ಕಾರ್ಯಕ್ರಮ ಹಮ್ಮಿಕೊಂಡಿವೆ.ಆದರೆ ಯೋಜನೆ ಸಾಕಾರಗೊಳ್ಳುತ್ತಿಲ್ಲ.

ಶಿಕ್ಷಕರಿಗೆ 6 ತಿಂಗಳಿಗೆ 900 ರೂ ಸಂಬಳ!

ಅತೀ ಹೆಚ್ಚು ಸಾಕ್ಷರರನ್ನು ಹೊಂದಿರುವ ಮಂಗಳೂರು ಸೇರಿದಂತೆ ರಾಜ್ಯದ ಯಾವ ಜಿಲ್ಲೆಯೂ ಸಂಪೂರ್ಣ ಸಾಕ್ಷರತೆ ಸಾಧಿಸಿಲ್ಲ. ಇದಕ್ಕೆ ಕಾರಣಗಳು ಹಲವು. ತಲಾ 10 ಅನಕ್ಷರಸ್ಥರಿಗೊಬ್ಬರಂತಿರುವ ಬೋಧಕರಿಗೆ 6 ತಿಂಗಳಿಗೆ ಕೇವಲ 900 ರೂ. ಸಂಬಳ ನೀಡಲಾಗುತ್ತಿದೆ. ಇದರಿಂದಾಗಿ ಬೋಧಕರ ನಿರಾಸಕ್ತಿ ತಳೆದರೆ, ಅನಕ್ಷರಸ್ಥರಿಗೆ ನಾವೂ ಸಾಕ್ಷರರಾಗಬೇಕೆಂಬ ಕಿಂಚಿತ್‌ ಆಸೆಯಿಲ್ಲ. ಅನಕ್ಷರಸ್ಥರನ್ನು ಸಾಕ್ಷರರನ್ನಾಗಿಸಲು ಗ್ರಾಪಂ ಮಟ್ಟದಲ್ಲಿಪ್ರೇರೆಪಿಸುತ್ತಿದ್ದ ಪ್ರೇರಕರು ಈಗಿಲ್ಲದಿರುವುದು. ಇನ್ನೊಂದೆಡೆ ಪ್ರತಿ ಜಿಲ್ಲಾಕೇಂದ್ರದಲ್ಲಿರುವ ವಯಸ್ಕರ ಶಿಕ್ಷಣ ಇಲಾಖೆಯನ್ನು ಬಲಪಡಿಸದೇ ಇರುವುದು ಹಾಗೂ ಜನಾಂದೋಲನ ಕಾರ್ಯಕ್ರಮಗಳಿಲ್ಲದಿರುವುದು’ ಎಂದು ಈ ಕಾರ‍್ಯಕ್ರಮದಲ್ಲಿಭಾಗಿಯಾದವರು ಪಟ್ಟಿ ಮಾಡುತ್ತಾರೆ.

ಯಾವ ಜಿಲ್ಲೆಯಲ್ಲಿಎಷ್ಟು ಅನಕ್ಷರಸ್ಥರು(ನಂಜುಂಡಪ್ಪ ವರದಿ ಅನ್ವಯ)

ಬೆಳಗಾವಿ 9,39,977

ವಿಜಯಪುರ 4,70,666

ಬಾಗಲಕೋಟೆ 3,89,936

ತುಮಕೂರು 3,79,751

ಮೈಸೂರು 3,79,677

ಬಳ್ಳಾರಿ 3,71,847

ಕಲಬುರಗಿ 3,67,245

ಬೀದರ್‌ 2,30,634

ಚಾಮರಾಜನಗರ 2,21,013

ಚಿಕ್ಕಬಳ್ಳಾಪುರ 2,14,519

ಚಿತ್ರದುರ್ಗ 2,62,255

ಗದಗ 1,44,160

ಹಾವೇರಿ 2,54,396

ಕೋಲಾರ 2,15,998

ಕೊಪ್ಪಳ 1,43,794

ಮಂಡ್ಯ 2,80,697

ರಾಯಚೂರು 2,76,157

ರಾಮನಗರ 1,22,988

Comments are closed.