ಪುತ್ರನ ಚಿತ್ರದ ಪ್ರೀಮಿಯರ್ ಶೋಗಾಗಿ ತರಾತುರಿ ಸಮನ್ವಯ ಸಮಿತಿ ಸಭೆ ನಡೆಸಿದ ಕುಮಾರಸ್ವಾಮಿ!

ಬೆಂಗಳೂರು: ಮುಂದಿನ ಲೋಕಸಭಾ ಚುನಾವಣೆ ತಯಾರಿ ಹಾಗೂ ಪ್ರಸ್ತುತ ರಾಜಕೀಯ ವಿದ್ಯಮಾನಗಳ ಕುರಿತು ಚರ್ಚೆ ಮಾಡಲು ಆಯೋಜಿಸಲಾಗಿರುವ ಸಮನ್ವಯ ಸಮಿತಿ ಸಭೆಗೆ ಆಗಮಿಸಿದ ಸಿಎಂ ಎಚ್.ಡಿ.ಕುಮಾರಸ್ವಾಮಿ ಸಭೆಯ ಆರಂಭಕ್ಕೂ ಮುನ್ನವೇ ತರಾತುರಿ ಮಾಡಿದ್ದಾರೆ.

ಕಾಂಗ್ರೆಸ್​ ರಾಜ್ಯ ಉಸ್ತುವಾರಿ ಕೆ.ಸಿ.ವೇಣುಗೋಪಾಲ್, ಮುಖ್ಯಮಂತ್ರಿ ಸಿದ್ದರಾಮಯ್ಯ, ಜೆಡಿಎಸ್​ನ ಡ್ಯಾನೀಶ್ ಅಲಿ ಸೇರಿದಂತೆ ಸಮನ್ವಯ ಸಮಿತಿ ಸದಸ್ಯರು ಇಂದು ಕೆ.ಕೆ.ಗೆಸ್ಟ್​ಹೌಸ್​ನಲ್ಲಿ ಆಯೋಜಿಸಲಾಗಿದ್ದ ಸಭೆಯಲ್ಲಿ ಭಾಗವಹಿಸಿದ್ದರು. ಸಭೆಗೆ ತಡವಾಗಿ ಆಗಮಿಸಿದ ಸಿಎಂ ಕುಮಾರಸ್ವಾಮಿ, ಸಭೆ ಆರಂಭಕ್ಕೂ ಮುನ್ನ “ನನ್ನ ಮಗನ ಸಿನಿಮಾ, ನಮ್ದೇ ಬ್ಯಾನರ್ ನಿರ್ಮಿಸಲಾಗಿದೆ. ಇಂದು ಒರಾಯನ್​ ಮಾಲ್​ನಲ್ಲಿ ಪ್ರಿಮಿಯರ್ ಷೋ ಇದೆ. ಹಾಗಾಗಿ ನಾನು ಅಲ್ಲಿಗೆ ಬೇಗ ಹೋಗಬೇಕು, ಹೆಚ್ಚು ಹೊತ್ತು ಇರಲ್ಲ. ನೀವು ಪ್ರಿಮಿಯರ್ ಷೋಗೆ ಬನ್ನಿ. ಸಮನ್ವಯ ಸಮಿತಿ ನಿರ್ಧಾರಕ್ಕೆ ಬದ್ಧವಾಗಿರ್ತೀನಿ. ನಮ್ ಪಕ್ಷದ ಪರವಾಗಿ ಡ್ಯಾನಿಶ್ ಅಲಿ ಇರ್ತಾರೆ,” ಎಂದು ಹೇಳಿದ್ದಾರೆ.