ಕರ್ನಾಟಕ

ರಾಜ್ಯದಲ್ಲಿ ವಿವಿಧ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಗೆ ಚಾಲನೆ ನೀಡಿದ ಗಡ್ಕರಿ

Pinterest LinkedIn Tumblr


ಹಾಸನ: ನಗರದ ಹೊಸ ಬಸ್‍ನಿಲ್ದಾಣ ಬಳಿ 1865 ಕೋಟಿಗಳ ಮೊತ್ತದ ವಿವಿಧ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಗೆ ಇಂದು ಕೇಂದ್ರ ಸಾರಿಗೆ ಸಚಿವ ನಿತಿನ್​ ಗಡ್ಕರಿ ಹಾಗೂ ಸಿಎಂ ಕುಮಾರಸ್ವಾಮಿ ಶಂಕುಸ್ಥಾಪನೆ ನೆರವೇರಿಸಿದರು.

ಕಾರ್ಯಕ್ರಮದಲ್ಲಿ ಬಿಳಿಕೆರೆ-ಹಾಸನ-ಬೇಲೂರು ಮೂರು ರಸ್ತೆಗಳ ಮೂರು ಪ್ಯಾಕೇಜ್‍ಗಳಿಗೆ ಶಂಕುಸ್ಥಾಪನೆ ನಡೆಯಿತು. ಅರಸೀಕೆರೆ- ಹುಳಿಯಾರು- ಬಾಣವಾರ ರಸ್ತೆಯ ತುಮಕೂರು ರಸ್ತೆ, ಕದಬಳಿಯಿಂದ ಚನ್ನರಾಯ ಪಟ್ಟಣ ಬೈಪಾಸ್ ಮತ್ತು ಹಾಸನ್ ಬೈಪಾಸ್ ರಸ್ತೆ ನಿರ್ಮಾಣ ಕಾಮಗಾರಿಗೆ ಒಟ್ಟಿಗೆ ಚಾಲನೆ ನೀಡಿದರು.

ಈ ವೇಳೆ ಮಾತನಾಡಿದ ಅವರು, ಹಲವು ದಿನಗಳ ಬಳಿಕ ಹಾಸನಕ್ಕೆ ಬಂದಿದ್ದೇನೆ. ದೇವೇಗೌಡರು ಹಾಸನಕ್ಕೆ ಬರುವಂತೆ ಆಹ್ವಾನಿಸಿದ್ದರು. ಅದಕ್ಕೆ ಈಗ ಸಮಯ ಒದಗಿದೆ. ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆ ಯೋಜನೆಗಳಲ್ಲಿ ಇದು ಕೂಡ ಒಂದಾಗಿದೆ. ದಿನಕ್ಕೆ 2 ಕಿ.ಮೀ.ನಷ್ಟು ಹೆದ್ದಾರಿ ಕೆಲಸ ಮುಗಿಸಿ, ಮಾರ್ಚ್​ ಕೊನೆಗೆ ಹಾಸನದ ಎಲ್ಲ ಕಾಮಗಾರಿ ಮುಗಿಸುವುದಾಗಿ ಭರವಸೆ ನೀಡಿದರು.

ಮೈಸೂರು-ಬೆಂಗಳೂರು ಹೆದ್ದಾರಿ ರಸ್ತೆ ಕಾಮಗಾರಿಗೆ ಜನವರಿಯಲ್ಲಿ ಪ್ರಾರಂಭ ಮಾಡಲಾಗುವುದು. ಇದಕ್ಕಾಗಿ ಸಿಎಂ ನಮಗೆ ಸಂಪೂರ್ಣ ಸಹಕಾರ ನೀಡಿದ್ದಾರೆ. ಇನ್ನು ಬೆಂ-ಚೆನ್ನೈ ಕೈಗಾರಿಕಾ ಹೆದ್ದಾರಿ ಶೀಘ್ರ ಆರಂಭವಾಗಲಿದ್ದು, ಚೆನ್ನೈ- ಬೆಂಗಳೂರು ವರ್ತುಲ ರಿಂಗ್ ರಸ್ತೆಗೆ ಚಿಂತನೆ ನಡೆದಿದೆ ಎಂದರು.

ಬೆಂಗಳೂರು-ಮಂಗಳೂರು ಎಕ್ಸ್​ಪ್ರೆಸ್​ ಕಾರಿಡಾರ್​, ಬೆಂಗಳೂರು-ಮೈಸೂರು ಷಟ್ಪಥ ರಸ್ತೆ ಸೇರಿದಂತೆ ನಾಲ್ಕು ರಾಜ್ಯದ ರಸ್ತೆಗಳನ್ನು ಈ ಹಿಂದೆ ಕೇಂದ್ರ ಸರ್ಕಾರ ರಾಷ್ಟ್ರೀಯ ಹೆದ್ದಾರಿ ಮಟ್ಟಕ್ಕೆ ಏರಿಸಿತು.

ಗಡ್ಕರಿ ಹೊಗಳಿದ ರೇವಣ್ಣ

ವಿವಿಧ ಕಾಮಗಾರಿಗೆ ಚಾಲನೆ ನೀಡಿದ ಕೇಂದ್ರ ಸಚಿವರನ್ನು ಲೋಕೋಪಯೋಗಿ ಸಚಿವ ನಿತ್​ ಗಡ್ಕರಿ ವೇದಿಕೆಯಲ್ಲಿ ಹಾಡಿ ಹೊಗಳಿದರು. ನಮ್ಮೆಲ್ಲಾ ಕೆಲಸಕ್ಕೆ ಗಡ್ಕರಿ ಸ್ಪಂದಿಸಿದ್ದಾರೆ. ಅವರೊಬ್ಬರು ಪಕ್ಷಾತೀತ ನಾಯಕರು. ಯಾವುದೇ ಕೆಲಸ ಕೇಳಿದ್ರೂ ಇಲ್ಲ ಎನ್ನುವುದಿಲ್ಲ ಎಂದು ಶ್ಲಾಘಿಸಿದರು.

Comments are closed.