ಕೊರೊನಾ ವೈರಸ್- ಸುಸಜ್ಜಿತ ತಾಂತ್ರಿಕ ಸೇವೆಯೊಳಗೊಂಡ 24*7 ಸಹಾಯವಾಣಿ

ಉಡುಪಿ: ಕೋವಿಡ್-19 ಕೊರೊನಾ ವೈರಸ್ ಬಗ್ಗೆ ಜಿಲ್ಲಾ ಮಟ್ಟದಲ್ಲಿ ಮೊದಲು ಇದ್ದಂತಹ ಸಹಾಯವಾಣಿಯನ್ನು ಮೇಲ್ದರ್ಜೆ ಮಾಡಲಾಗಿದ್ದು, ಸಾರ್ವಜನಿಕರ ಕರೆಗಳನ್ನು 24*7 ಗಂಟೆಗಳಲ್ಲಿ ಸ್ವೀಕರಿಸಿ, ಅಗತ್ಯವಾದ ಮಾಹಿತಿಗಳಾದ ಕೋವಿಡ್-19 ಸೋಂಕು, ಐಸೋಲೇಶನ್ ವಾರ್ಡ್, ಲ್ಯಾಬ್ ಮತ್ತು ಸೋಂಕಿತ ರೋಗಿಯ ಸ್ಥಳಾಂತರಿಸುವ ಬಗ್ಗೆ ಸುಸಜ್ಜಿತ ತಾಂತ್ರಿಕ ಸೇವೆಗಳನ್ನೊಳಗೊಂಡ ಸಹಾಯವಾಣಿಯನ್ನು ಉಡುಪಿ ಜಿಲ್ಲಾ ಕೇಂದ್ರದಲ್ಲಿ ಮೇಲ್ದರ್ಜೆಗೇರಿಸಲಾಗಿದೆ.

ಕೋವಿಡ್-19 ಕೊರೊನಾ ವೈರಸ್‍ಗೆ ಸಂಬಂಧಿಸಿದಂತೆ ಸಾರ್ವಜನಿಕರು ಸಹಾಯವಾಣಿ ಸಂಖ್ಯೆ: 9663957222 / 9663950222 ಗೆ ಕರೆ ಮಾಡಿ ಮಾಹಿತಿಯನ್ನು ಪಡೆಯಬಹುದಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳ ಪ್ರಕಟಣೆ ತಿಳಿಸಿದೆ.