ನ್ಯೂಯಾರ್ಕ್: ಇದು ವೇಗದ ದುನಿಯಾ. ಇಲ್ಲಿ ಎಲ್ಲವೂ ಅತಿ ವೇಗದಲ್ಲೇ ಅಗಿಬಿಡಬೇಕೆಂದು ಆಶಿಸುವವರೇ ಹೆಚ್ಚು. ಇಂಥ ಮನೋಭಾವದವರಿಗೆಂದೇ ಐಬಿಎಂ ವೇಗಕ್ಕೆ ಮತ್ತುಷ್ಟು ಆವೇಗ ನೀಡುವಂಥ ಚಿಪ್ ಅನ್ನು ಬಿಡುಗಡೆ ಮಾಡಿದೆ. ಐಬಿಎಂನ ಪ್ರಕಾರ ಈ ಚಿಪ್ ಬಳಕೆಯಿಂದ ಸ್ಮಾರ್ಟ್ಫೋನ್ನಿಂದ ಹಿಡಿದು ವಿಮಾನದವರೆಗೆ ಎಲ್ಲದರ ವೇಗಕ್ಕೆ ಮತ್ತಷ್ಟು ಆವೇಗ ತುಂಬಬಹುದಂತೆ! ಸ್ಯಾಮ್ಸಂಗ್ ಮತ್ತು ನ್ಯೂಯಾರ್ಕ್ ವಿಶ್ವವಿದ್ಯಾಲಯದ ಗ್ಲೋಬಲ್ಫೌಂಡ್ರೀಸ್ ಸಂಸ್ಥೆಯ ಸಹಯೋಗದಲ್ಲಿ ತಾನು ಕೈಗೊಂಡಿರುವ 3 ಶತಕೋಟಿ ಡಾಲರ್ ಮೊತ್ತದ ಸಂಶೋಧನಾ ಒಪ್ಪಂದದ ಭಾಗವಾಗಿ ಈ ಚಿಪ್ ಅನ್ನು ಸಂಶೋಧಿಸಿರುವುದಾಗಿ ಐಬಿಎಂ ಹೇಳಿಕೊಂಡಿದೆ.
ಈ ಚಿಪ್ಗೆ ಸೆವೆನ್ ನ್ಯಾನೋಮೀಟರ್ ಚಿಪ್ ಎಂದು ಐಬಿಎಂ ಹೆಸರು ನೀಡಿದೆ. ಈ ಚಿಪ್ನಲ್ಲಿ 20 ದಶಲಕ್ಷ ಸೂಕ್ಷಾ್ಮತಿಸೂಕ್ಷ್ಮ ಸ್ವಿಚ್ಗಳನ್ನು ಅಥವಾ ಟ್ರಾನ್ಸಿಸ್ಟರ್ಗಳನ್ನು ಅಳವಡಿಸಿ, ಕಂಪ್ಯೂಟಿಂಗ್ ಶಕ್ತಿಯನ್ನು ಮತ್ತುಷ್ಟು ಹೆಚ್ಚಿಸಬಹುದಂತೆ.
ಈ ಚಿಪ್ಗಳ ಸಹಾಯದಿಂದ ಭವಿಷ್ಯದ ಕ್ಲೌಡ್ ಕಂಪ್ಯೂಟಿಂಗ್ ಮತ್ತು ಬಿಗ್ ಡೇಟಾ ಸಿಸ್ಟಮ್್ಸ, ಕಾಗ್ನಿಟೀವ್ ಕಂಪ್ಯೂಟಿಂಗ್, ಮೊಬೈಲ್ ಫೋನ್ಗಳು ಮತ್ತಿತರ ಆಧುನಿಕ ತಂತ್ರಜ್ಞಾನಾಧಾರಿತ ಉತ್ಪನ್ನಗಳಿಗೆ ಹೆಚ್ಚಿನ ವೇಗ ನೀಡಬಹುದೆಂದು ಐಬಿಎಂ ಪ್ರತಿಪಾದಿಸಿದೆ.
