ಉತ್ತರ ಪ್ರದೇಶ(ಅ.27): ಹೆಂಡತಿಯ ಅಗಲಿಕೆ ನೋವು ಮರೆಯಲು ಕುಡಿತದ ಚಟ ಅಂಟಿಸಿಕೊಂಡಿದ್ದ ವ್ಯಕ್ತಿಯೊಬ್ಬ, ಕುಡಿದ ಅಮಲಿನಲ್ಲಿ ತನ್ನ 17 ವರ್ಷದ ಮಗಳನ್ನೇ ಕೊಲೆ ಮಾಡಿರುವ ಘಟನೆ ಉತ್ತರಪ್ರದೇಶದ ಸಂಭಾಲ್ ಜಿಲ್ಲೆಯಲ್ಲಿ ನಡೆದಿದೆ.
ನೇಮ್ ಸಿಂಗ್(52) ಕೊಲೆ ಮಾಡಿದ ಆರೋಪಿ. ಕುಡಿಯಬೇಡ ಎಂದು ಮಗಳು ನಿತೇಶ್ ಸಲಹೆ ನೀಡಿದ್ದರಿಂದ ಕೋಪಗೊಂಡ ಸಿಂಗ್ ಗುಂಡು ಹಾರಿಸಿ ಹತ್ಯೆ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಗುಂಡಿನ ಸದ್ದು ಕೇಳಿದ ನೆರೆ ಹೊರೆಯವರು ಸಿಂಗ್ ಮನೆಗೆ ಧಾವಿಸಿದ್ದಾರೆ. ಬಳಿಕ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸದ್ಯ ಪೊಲೀಸರ ವಶದದಲ್ಲಿರುವ ಆರೋಪಿ ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ರವಾನಿಸಲಾಗಿದೆ.
23ನೇ ದಿನಕ್ಕೆ ಕಾಲಿಟ್ಟ ತೆಲಂಗಾಣ ಸಾರಿಗೆ ನೌಕರರ ಮುಷ್ಕರ: ಇನ್ನೂ ಹೋರಾಟಗಾರರ ಬೇಡಿಕೆ ಈಡೇರಿಸದ ಸಿಎಂ ಕೆಸಿಆರ್
15 ವರ್ಷಗಳ ಹಿಂದೆ ನೇಮ್ ಸಿಂಗ್ ಹೆಂಡತಿ ಸಾವನ್ನಪ್ಪಿದ್ದರು. ಪತ್ನಿಯನ್ನು ಕಳೆದುಕೊಂಡ ನೋವಿನಲ್ಲಿ ಸಿಂಗ್ ಅಂದಿನಿಂದ ಮದ್ಯಪಾನ ಮಾಡಲು ಪ್ರಾರಂಭಿಸಿದ್ದರು. ಅದು ದಿನೇ ದಿನೇ ಹೆಚ್ಚಾಗಿತ್ತು.
ಸಿಂಗ್ಗೆ ಗೌರವ್ ಸಿಂಗ್, ಸೌರಬ್ ಸಿಂಗ್ ಮತ್ತು ಮಗಳು ನಿತೇಶ್ ಎಂಬ 3 ಜನ ಮಕ್ಕಳಿದ್ದರು. ಕುಡಿತದ ಚಟ ಹೆಚ್ಚಾಗಿ ಸಿಂಗ್ ದುಡ್ಡಿಗಾಗಿ ತನ್ನ ಹೆಸರಿನಲ್ಲಿದ್ದ ಬೆಲೆಬಾಳುವ ದೊಡ್ಡ ಮೊತ್ತದ ಜಮೀನನ್ನು ಮಾರಾಟ ಮಾಡಿದ್ದ. ಆತನ ಹಿರಿಯ ಮಗ ಗೌರವ್ ಸಿಂಗ್ ಮತ್ತು ಮಗಳು ನಿತೇಶ್ ಅಪ್ಪನ ಕುಡಿತದ ಚಟಕ್ಕೆ ವಿರೋಧ ವ್ಯಕ್ತಪಡಿಸಿದ್ದರು.
2 ವರ್ಷಗಳ ಹಿಂದೆ ಗೌರವ್ ಮದುವೆಯಾಗಿ ತನ್ನ ಹೆಂಡತಿ ಜೊತೆ ದೆಹಲಿಗೆ ತೆರಳಿ ಅಲ್ಲಿಯೇ ವಾಸವಿದ್ದ. ಇಲ್ಲಿ ಕಿರಿಯ ಮಗ ಸೌರಬ್ ಮತ್ತು ಮಗಳು ನಿತೇಶ್ ತಂದೆ ಸಿಂಗ್ ಜೊತೆ ಇದ್ದರು. ಈ ಘಟನೆ ನಡೆದಾಗ ಮಗ ಸೌರಬ್ ಮನೆಯಲ್ಲಿ ಇರಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ಆರೋಪಿ ಸಿಂಗ್ನನ್ನು ಬಂಧಿಸಿದ್ದೇವೆ. ಆತ ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಜೊತೆಗೆ ಆತ ಕೃತ್ಯಕ್ಕೆ ಬಳಸಿದ್ದ ದೇಶೀ ನಿರ್ಮಿತ ಪಿಸ್ತೂಲ್ನ್ನು ಕೂಡ ವಶಪಡಿಸಿಕೊಂಡಿದ್ದೇವೆ ಎಂದು ಪೊಲೀಸರು ಹೇಳಿದ್ದಾರೆ.
Comments are closed.