ನವದೆಹಲಿ: ಪಾಕಿಸ್ತಾನದ ಎಫ್-16 ಯುದ್ಧವಿಮಾನವನ್ನು ಫೆಬ್ರವರಿ 27ರಂದು ಭಾರತದ ವಾಯುಪಡೆ ಹೊಡೆದುರುಳಿಸಿದ್ದಕ್ಕೆ ನಮ್ಮ ಬಳಿ ನಿರಾಕರಿಸಲಾಗದ ಸಾಕ್ಷ್ಯಗಳಿವೆ ಎಂದು ಭಾರತ ವಾಯುಪಡೆ ಸೋಮವಾರ ಹೇಳಿದೆ.
ಮೂಲಗಳ ಖಚಿತಪಡಿಸಿರುವ ಪ್ರಕಾರ, ಪಾಕಿಸ್ತಾನದ ಎಫ್-16 ಯುದ್ಧ ವಿಮಾನವನ್ನು ವಿಂಗ್ ಕಮಾಂಡರ್ ಅಭಿನಂದನ್ ವರ್ತಮಾನ್ ಅವರು ಹೊಡೆದುರುಳಿಸಿದ್ದಾರೆ. ಇದಕ್ಕೆ ಸಾಕಷ್ಟು ತಾಂತ್ರಿಕ ಸಾಕ್ಷ್ಯಗಳಿವೆ ಎನ್ನಲಾಗಿದೆ.
ಫೆಬ್ರವರಿ 27ರಂದು ಎಂಟತ್ತು ಕಿ.ಮೀ. ಅಂತರದಲ್ಲಿ ಎರಡು ಯುದ್ಧವಿಮಾನಗಳು ಪತನವಾಗಿವೆ. ಅದರಲ್ಲಿ ಒಂದು ವಿಮಾನದ ಭಾರತ ವಾಯುಸೇನೆಯ ಮಿಗ್-21 ಮತ್ತು ಮತ್ತೊಂದು ಪಾಕಿಸ್ತಾನ ವಾಯುಸೇನೆಯ ವಿಮಾನ ಎಂದು ಭಾರತ ವಾಯುಪಡೆ ಹೇಳಿದೆ.
ಇತ್ತೀಚೆಗೆ ಅಮೆರಿಕ ನಿಯತಕಾಲಿಕೆಯೊಂದು ಪಾಕಿಸ್ತಾನದಲ್ಲಿ ಯಾವೊಂದು ಎಫ್-16 ಯುದ್ಧ ವಿಮಾನಗಳು ಕಾಣೆಯಾಗಿಲ್ಲ ಎಂದು ವರದಿ ಮಾಡಿತ್ತು.
Comments are closed.