ನವದೆಹಲಿ: ಅಮೆರಿಕದಿಂದ 72,400 ಅತ್ಯಾಧುನಿಕ ಅಸ್ಸಾಲ್ಟ್ ರೈಫಲ್ ಹಾಗೂ ಯುಎಇಯಿಂದ 93,895 ಸಿಕ್ಯೂಬಿ ಕಾರ್ಬೈನ್ ರೈಫಲ್ಗಳನ್ನ ಕೊಳ್ಳಲು ಭಾರತ ಮುಂದಾಗಿದೆ. ಟೆಂಡರ್ ಪ್ರಕ್ರಿಯೆ ಇಲ್ಲದೆ ಸರಕಾರಗಳ ಮಧ್ಯೆ ನಡೆಯುತ್ತಿರುವ ಒಪ್ಪಂದ ಇದಾಗಿರುವುದರಿಂದ ಈ ಶಕ್ತಿಶಾಲಿ ರೈಫಲ್ಗಳು ಶೀಘ್ರದಲ್ಲೇ ಸೇನೆಗೆ ಸೇರ್ಪಡೆಯಾಗಲಿವೆ. ಒಂದು ಅಂದಾಜಿನಂತೆ ಒಂದು ವರ್ಷದೊಳಗೆ ಅಷ್ಟೂ ರೈಫಲ್ಗಳು ತಯಾರಾಗಿ ಭಾರತಕ್ಕೆ ಡೆಲಿವರಿ ಆಗಲಿವೆ. ತಿಂಗಳುಗಟ್ಟಲೆ ಯುದ್ಧ ಮಾಡಲು ಭಾರತಕ್ಕೆ ಸಾಮರ್ಥ್ಯವಿಲ್ಲ, ಸಾಮಗ್ರಿಗಳಿಲ್ಲ ಎಂಬ ಆರೋಪಗಳು ಕೇಳಿಬರುತ್ತಿರುವ ಹೊತ್ತಲ್ಲೇ ಈ ಯೋಜನೆ ಹೊರಬಂದಿದೆ.
ಭಾರತದ ಪಾಲಿಗೆ ಬಹಳ ಆಯಕಟ್ಟಿನ ಜಾಗವೆನಿಸಿರುವ ಪಾಕಿಸ್ತಾನ ಮತ್ತು ಚೀನಾದ ಗಡಿಭಾಗಗಳಲ್ಲಿ ಕಾರ್ಯನಿರ್ವಹಿಸುವ ಸೈನಿಕರಿಗಾಗಿ ಈ ರೈಫಲ್ಗಳ ಖರೀದಿ ಮಾಡಲಾಗುತ್ತಿದೆ. 7.62 ಎಂಎಂ ಅಸ್ಸಾಲ್ಟ್ ರೈಫಲ್ಗಳನ್ನು ಅಮೆರಿಕದ ಸಿಐಜಿ ಸಾಯರ್ ಎಂಬ ಸಂಸದ್ಥೆಯು ತಯಾರಿಸಿಕೊಡಲಿದೆ. ಇದಕ್ಕೆ 700 ಕೋಟಿ ರೂ ವೆಚ್ಚವಾಗಲಿದೆ. ಇನ್ನು, 93,895 ಸಿಕ್ಯೂಬಿ ಕಾರ್ಬೈನ್ ರೈಫಲ್ಗಳ ತಯಾರಿಕೆಯನ್ನು ಯುಎಇ ದೇಶದ ಕಾರಾಕಾಲ್(Caracal) ಎಂಬ ಸಂಸ್ಥೆಯು ಮಾಡಲಿದೆ.
ಭಾರತೀಯ ಸೇನೆಯಲ್ಲಿ 13 ಲಕ್ಷ ಸೈನಿಕರಿದ್ಧಾರೆ. ಅಷ್ಟೂ ಯೋಧರಿಗೂ ಇಂಥ ಅತ್ಯಾಧುನಿಕ ರೈಫಲ್ಗಳನ್ನು ಕೊಡಬೇಕೆಂಬ ಮಹತ್ವಾಕಾಂಕ್ಷಿ ಕೋರಿಕೆ ಇದೆ. 8.16 ಲಕ್ಷ ಯೋಧರಿಗೆ ರೈಫಲ್ಗಳನ್ನ ಒದಗಿಸಲು ನಿರ್ಧರಿಸಲಾಗಿದೆ. ಆದರೆ ಅಷ್ಟು ಪ್ರಮಾಣದ ಅತ್ಯಾಧುನಿಕ ರೈಫಲ್ಗಳ ಖರೀದಿಗೆ ಬಜೆಟ್ನಲ್ಲಿ ಅವಕಾಶ ಇಲ್ಲವಾದ್ದರಿಂದ 72,400 ಅಸ್ಸಾಲ್ಟ್ ರೈಫಲ್ಗಳನ್ನ ಆಮದು ಮಾಡಿಕೊಳ್ಳಲು ಸರಕಾರ ನಿರ್ಧರಿಸಿದೆ. ಇನ್ನುಳಿದ ರೈಫಲ್ಗಳನ್ನು ಮೇಡ್ ಇನ್ ಇಂಡಿಯಾ ಯೋಜನೆಯಂತೆ ದೇಶೀಯವಾಗಿಯೇ ತಯಾರಿಸುವುದು ಸರಕಾರದ ಉದ್ದೇಶವಾಗಿದೆ.
ಗಡಿಭಾಗದಲ್ಲಿ ಶತ್ತುಗಳೊಂದಿಗೆ ಮೊದಲು ಇದಿರಾಗುವ ಫ್ರಂಟ್ಲೈನ್ ಸೈನಿಕರಿಗೆ ಆಮದು ರೈಫಲ್ಗಳನ್ನು ನೀಡಲಾಗುತ್ತದೆ.
Comments are closed.