ರಾಷ್ಟ್ರೀಯ

ಹಿಮಾಚಲ ಪ್ರದೇಶದಲ್ಲಿ ಹಿಮಪಾತ: ಇಲ್ಲಿಯ ತಾಪಮಾನ ಎಷ್ಟಿದೆ?

Pinterest LinkedIn Tumblr


ನವದೆಹಲಿ: ಚಳಿಗಾಲದ ಪ್ರಾರಂಭವಾಗುತ್ತಿದ್ದಂತೆ ಹಿಮಾಚಲ ಪ್ರದೇಶದ ಉನ್ನತ ಸ್ಥಳಗಳಲ್ಲಿ ಭಾರಿ ಹಿಮಪಾತ ಸಂಭವಿಸುತ್ತಿ.ದೆ. ಹಿಮಾಚಲ ಪ್ರದೇಶ ಮತ್ತು ಲಾಹೌಲ್ ಪ್ರದೇಶಗಳ ಉನ್ನತ ಸ್ಥಳಗಳಲ್ಲಿ ಗುರುವಾರ ವರ್ಷದ ಮೊದಲ ಹಿಮಪಾತ ಸಂಭವಿಸಿದೆ. ಈ ಭಾಗದಲ್ಲಿ ಹವಾಮಾನವು ತಂಪಾಗುತ್ತಿದ್ದರೆ, ಮತ್ತೊಂದೆಡೆ ಪ್ರವಾಸಿಗರು ಹಿಮಪಾತವನ್ನು ಅನುಭವಿಸುತ್ತಿದ್ದಾರೆ. ಆದರೆ ನೀವು ಈ ಸಮಯದಲ್ಲಿ ಹಿಮಾಚಲ ಪ್ರದೇಶದಲ್ಲಿ ಪ್ರಯಾಣಿಸಲು ಯೋಜಿಸುತ್ತಿದ್ದರೆ, ಇಲ್ಲಿನ ಪ್ರದೇಶಗಳ ತಾಪಮಾನವನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ.

ಹಿಮಾಚಲ ಪ್ರದೇಶದ ಹೆಚ್ಚಿನ ಸ್ಥಳಗಳಲ್ಲಿ ಹಿಮಪಾತ ಬಳಿಕ ಉಷ್ಣಾಂಶದಲ್ಲಿ ಭಾರಿ ಕುಸಿತ ಕಂಡಿದೆ.

ಮನಾಲಿಯಲ್ಲಿ ತಾಪಮಾನ -1.2 ಡಿಗ್ರಿ ಸೆಲ್ಸಿಯಸ್ ತಲುಪಿದೆ. ಕೆಲ್ಲಾಂಗ್ನಲ್ಲಿ 24 ಗಂಟೆಗಳ ಅವಧಿಯಲ್ಲಿ -3.3 ಡಿಗ್ರಿ ಸೆಲ್ಷಿಯಸ್ ತಾಪಮಾನ ದಾಖಲಾಗಿದೆ ಎಂದು ಭಾರತದ ಹವಾಮಾನ ಇಲಾಖೆಯ (ಐಎಂಡಿ) ತಿಳಿಸಿದೆ.

ಇದಲ್ಲದೆ, ಕಳೆದ 24 ಗಂಟೆಗಳಲ್ಲಿ ಕಲ್ಪಾದಲ್ಲಿ, ತಾಪಮಾನವು -0.8 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ. ಕುಫ್ರಿದಲ್ಲಿನ ತಾಪಮಾನವು -0.3 ಸೆಲ್ಸಿಯಸ್ ತಲುಪಿದೆ.

ಹಿಮಪಾತದ ನಂತರ, ಶಿಮ್ಲಾ ನಗರದಲ್ಲಿ 3.3 ಡಿಗ್ರಿ ಸೆಲ್ಷಿಯಸ್ ತಾಪಮಾನ ದಾಖಲಾಗಿದೆ. ಧರ್ಮಶಾಲಾದಲ್ಲಿ ತಾಪಮಾನವು 8.8 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ.

Comments are closed.