ನವದೆಹಲಿ : ಕೆಲವು ತಿಂಗಳುಗಳ ಹಿಂದೆ ಇಂಧನ ದರ ದಿನದಿಂದ ದಿನಕ್ಕೆ ಏರಿದಂತೆ ಕಳೆದ ಕೆಲವು ದಿನಗಳಿಂದ ಅಷ್ಟೇ ವೇಗವಾಗಿ ಇಳಿಮುಖವಾಗುತ್ತಿದೆ. ಕಳೆದ 18 ದಿನಗಳಲ್ಲಿ ಪೆಟ್ರೋಲ್ ದರ 4.05 ರೂ. ಹಾಗೂ ಡೀಸೆಲ್ ದರದಲ್ಲಿ 2.33 ರೂ. ಇಳಿಕೆಯಾಗಿದೆ.
ಭಾನುವಾರ ಪೆಟ್ರೋಲ್ ದರ 21 ಪೈಸೆ ಹಾಗೂ ಡೀಸೆಲ್ ದರ 17 ಪೈಸೆ ಇಳಿಕೆಯಾಗಿದೆ. ಪ್ರಸ್ತುತ ದೆಹಲಿಯಲ್ಲಿ ಲೀಟರ್ ಪೆಟ್ರೋಲ್ಗೆ 78.78 ರೂ. ಹಾಗೂ ಡೀಸೆಲ್ಗೆ 73.36 ರೂ. ಇಳಿಕೆಯಾಗಿದೆ. ಮುಂಬೈನಲ್ಲಿ ಲೀಟರ್ ಪೆಟ್ರೋಲ್ಗೆ 82.28 ರೂ., ಡೀಸೆಲ್ಗೆ 76.88 ರೂಪಾಯಿ ಇದೆ. ರಿಟೈಲ್ ದರದಲ್ಲಿ ಕಳೆದ ಅಕ್ಟೋಬರ್ 18ರಿಂದ ಇಂಧನ ತೈಲ ದರದಲ್ಲಿ ಇಳಿಕೆ ಆರಂಭವಾಗಿದೆ.
ಆಕ್ಟೋಬರ್ 4ರಂದು ಪೆಟ್ರೋಲ್ ದರ ದೆಹಲಿಯಲ್ಲಿ 84 ರೂ. ಹಾಗೂ ಮುಂಬೈನಲ್ಲಿ 91.34 ರೂ. ದಾಟಿತ್ತು. ಡೀಸೆಲ್ಗೆ 75.45 ಹಾಗೂ 80.10 ರೂ. ಆಗಿತ್ತು. ಆಗಸ್ಟ್ 16ರ ನಂತರ ತೈಲ ದರ ಏರಿಕೆ ಆರಂಭವಾಗಿತ್ತು.
ಆಗಸ್ಟ್ 15ರಲ್ಲಿ ಪೆಟ್ರೋಲ್ ದರ ದೆಹಲಿಯಲ್ಲಿ ಲೀಟರ್ಗೆ 77.14 ರೂ. ಹಾಗೂ ಮುಂಬೈನಲ್ಲಿ 84.58 ರೂ, ಇತ್ತು. ಅದೇ ದಿನ ದೆಹಲಿಯಲ್ಲಿ ಡೀಸೆಲ್ ದರ ಲೀಟರ್ಗೆ 68.72 ಹಾಗೂ ಮುಂಬೈನಲ್ಲಿ 72.96 ರೂ. ಇತ್ತು. ಆಗಸ್ಟ್ 16ರಿಂದ ಅಕ್ಟೋಬರ್ 4 ರವರೆಗೆ ಪೆಟ್ರೋಲ್ ದರದಲ್ಲಿ ಬರೋಬ್ಬರಿ 6.86 ರೂ. ಡೀಸೆಲ್ಗೆ 6.73 ರೂ. ಏರಿಕೆಯಾಗಿತ್ತು.
ಇಂಧನ ತೈಲ ದರ ಏರಿಕೆ ಖಂಡಿಸಿ, ಕಾಂಗ್ರೆಸ್ ದೇಶವ್ಯಾಪಿ ಪ್ರತಿಭಟನೆಯನ್ನು ಕೈಗೊಂಡಿತ್ತು. ಆನಂತರ ಕೇಂದ್ರ ಸರ್ಕಾರ ಪೆಟ್ರೋಲ್, ಡೀಸೆಲ್ ಮೇಲಿನ ಅಬಕಾರಿ ಸುಂಕದ ಮೇಲೆ 1.50 ರೂ. ಇಳಿಕೆ ಮಾಡಿತ್ತು. ರಾಜ್ಯ ಸರ್ಕಾರಗಳು ಕೂಡ ಇಂಧನದ ಮೇಲೆ ಸಬ್ಸಿಡಿ ನೀಡುವಂತೆ ಸೂಚನೆ ನೀಡಿತ್ತು. ಅದರಂತೆ ಹಲವು ರಾಜ್ಯ ಸರ್ಕಾರಗಳು ಲೀಟರ್ಗೆ 1 ರೂ. ಇಳಿಕೆ ಮಾಡಿದ್ದವು.
Comments are closed.