ಪ್ರಧಾನಿ ಮೋದಿಯವರ ‘ರಾಖಿ ಸಹೋದರಿ’ ಇನ್ನಿಲ್ಲ

ಧನ್ಬಾದ್‌: ಪ್ರಧಾನಿ ನರೇಂದ್ರ ಮೋದಿಯವರ ರಾಖಿ ಸಹೋದರಿ ಶರ್ಬತಿ ದೇವಿ (103) ಶನಿವಾರ ಜಾರ್ಖಂಡ್‌ನ ಧನ್ಬಾದ್‌ನಲ್ಲಿ ನಿಧನರಾಗಿದ್ದು, ಭಾನುವಾರ ಅಂತ್ಯಸಂಸ್ಕಾರ ನೆರವೇರಲಿದೆ.

ಕಳೆದ ವರ್ಷ ರಕ್ಷಾ ಬಂಧನದಂದು ದಿಲ್ಲಿಯ ಲೋಕ್ ಕಲ್ಯಾಣ್ ಮಾರ್ಗ್‌ನಲ್ಲಿರುವ ಪ್ರಧಾನಿಯವರ ಅಧಿಕೃತ ನಿವಾಸದಲ್ಲಿ ಶರ್ಬತಿ ದೇವಿಯವರು ಮೋದಿಯವರನ್ನು ಭೇಟಿ ಮಾಡುವ ಮೂಲಕ ಸುದ್ದಿಯಾಗಿದ್ದರು. ಪ್ರಧಾನಿಯವರ ಆಹ್ವಾನದ ಮೇಲೆ ಶರ್ಬತಿ ದೇವಿಯವರು ಮೋದಿ ನಿವಾಸಕ್ಕೆ ಆಗಮಿಸಿ ರಾಖಿ ಕಟ್ಟಿ ಸಂಭ್ರವಿಸಿದ್ದರು.

ಕಳೆದ ಕೆಲ ವರ್ಷಗಳ ಹಿಂದೆ ಸಹೋದರನನ್ನು ಕಳೆದುಕೊಂಡಿದ್ದ ಶರ್ಬತಿ ದೇವಿಯವರು, ಪ್ರಧಾನಿಯವರ ಜತೆ ರಕ್ಷಾ ಬಂಧನ ಆಚರಿಸಲು ಇಚ್ಛಿಸಿದ್ದರು. ಈ ಕುರಿತು ಅವರ ಪುತ್ರ ಪತ್ರದ ಮೂಲಕ ಪ್ರಧಾನಿಯವರ ಗಮನಕ್ಕೆ ತಂದಿದ್ದರು.