ಕಳ್ಳರ ಬಂಧನಕ್ಕೆ ಡ್ರೋನ್‌ ಬಳಸಿದ ತ.ನಾಡು ಪೊಲೀಸ್‌

ಚೆನ್ನೈ: ತಮಿಳುನಾಡಿನ ಪೊಲೀಸರು ಎಟಿಎಂ ಕಳ್ಳರನ್ನು ಬಂಧಿಸಲು ಕಣ್ಗಾವಲು ಕ್ಯಾಮೆರಾದ ನೆರವು ಪಡೆಯುವ ನಿಟ್ಟಿನಲ್ಲಿ ಡ್ರೋನ್‌ ಬಳಸಿಕೊಂಡಿದ್ದಾರೆ.

ಕೊಯಂಬತ್ತೂರಿನಲ್ಲಿ ಎಟಿಎಂನಿಂದ ಮೂವತ್ತು ಲಕ್ಷ ದೋಚಿದ್ದ ವರದಿಯನ್ನು ಆಧರಿಸಿ ಪೊಲೀಸರು ಎರಡು ಡ್ರೋನ್‌ ಬಳಸಿ ಹರಿಯಾಣಾದ ಐವರು ಕಳ್ಳರನ್ನು ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಹರಿಯಾಣಾದ ನೋಂದಣಿ ಸಂಖ್ಯೆ ಹೊಂದಿರುವ ಕಾರಿನಲ್ಲಿ ಈ ಕಳ್ಳರು ಪ್ರಯಾಣಿಸುತ್ತಿರುವುದನ್ನು ಗಮನಿಸಿ ತಡೆದು ವಿಚಾರಣೆ ನಡೆಸಿದಾಗ ಓಡಿದ್ದಾರೆ. ಪೊಲೀಸರು ಬೆನ್ನಟ್ಟಿದಾಗ ನಮಕ್ಕಲ್‌-ಸೇಲಂ ಹೆದ್ದಾರಿಯ ಬಳಿ ಜಮೀನೊಂದರಲ್ಲಿ ಅಡಗಿಕೊಂಡಿದ್ದರು. ಹುಡುಕಾಡಿದ ಪೊಲೀಸರು ಟೆರೇಸ್‌ನಲ್ಲಿ ಅಡಗಿಕೊಂಡಿದ್ದ ಇಬ್ಬರನ್ನು ಬಂಧಿಸಿದ್ದರು.

ಉಳಿದವರ ಪತ್ತೆ ಹಚ್ಚಲು ಪೊಲೀಸರು ಡ್ರೋನ್‌ ಬಳಸಲು ನಿರ್ಧರಿಸಿ ಎರಡು ಡ್ರೋನ್‌ ನಿಯೋಜಿಸಿದರು. ಅಷ್ಟರಲ್ಲಿ ಗ್ರಾಮಸ್ಥರು ನೀಡಿದ ಸುಳಿವು ಆಧರಿಸಿ ಪೊಲೀಸರು ಆ ಹಳ್ಳಿಯ ಮನೆ ಮನೆ ಬಾಗಿಲು ಹುಡುಕಾಡಿದ್ದಾಗ ವಾಟರ್‌ ಟ್ಯಾಂಕ್‌ನಲ್ಲಿ ಅಡಗಿಕೊಂಡಿದ್ದ ಇಬ್ಬರನ್ನು ಪತ್ತೆ ಹಚ್ಚಿದ್ದಾರೆ. ಒಟ್ಟಿನಲ್ಲಿ ಡ್ರೋನ್‌ ಕಾರ್ಯಚರಣೆ ಆರಂಭಿಸುವ ಮೊದಲೇ ಐವರನ್ನೂ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರು ಮೂವತ್ತು ಲಕ್ಷ ರೂ ಎಟಿಎಂನಿಂದ ದೋಚಿರುವುದಾಗಿ ವರದಿಯಾಗಿದ್ದು, ಪೊಲೀಸರು ಎರಡು ಲಕ್ಷ ರೂ. ವಶಕ್ಕೆ ಪಡೆದಿದ್ದಾರೆ.