ನಟಿ ರಮ್ಯಾಗೆ ಮದರ್ ಥೆರೇಸಾ ಅವಾರ್ಡ್

ನವದೆಹಲಿ: ನಟಿ ರಮ್ಯಾ ಸಮಾಜಸೇವೆ ಪರಿಗಣಿಸಿ ಪ್ರತಿಷ್ಠಿತಿ ಮದರ್ ಥೆರೇಸಾ ಅವಾರ್ಡ್ ನೀಡಿ ಗೌರವಿಸಲಾಗಿದೆ. ಆದರೆ ಗೊಂದಲ ಮಾಡಿಕೊಳ್ಳಬೇಡಿ. ಇದು ಸ್ಯಾಂಡಲ್ ವುಡ್ ರಮ್ಯಾಅಲ್ಲ.

ತೆಲುಗು ಸಿನಿಮಾ ರಂಗದ ಪ್ರತಿಭಾವಂತ ನಟಿ, ನಿರ್ದೇಶಕಿ ರಮ್ಯಾ ಶ್ರೀ ಪ್ರಶಸ್ತಿ ಪುರಸ್ಕೃತರು. ವಿಶಾಖಪಟ್ಟಣದಲ್ಲಿ ವೃದ್ಧರು, ಅನಾಥ ಮಕ್ಕಳಿಗಾಗಿ ಅನಾಥಾಲಯ ತೆರೆದು ಅವರ ಸೇವೆಯಲ್ಲಿ ತೊಡಗಿರುವ ನಟಿಗೆ ಈ ಪ್ರಶಸ್ತಿ ಲಭ್ಯವಾಗಿದೆ.

ನಟಿ ಮಾತ್ರವಲ್ಲದೆ, ಒಂದು ಸಿನಿಮಾವನ್ನೂ ನಿರ್ದೇಶಿಸಿರುವ ರಮ್ಯಾ ಸಮಾಜ ಸೇವೆಯಿಂದಲೇ ಗುರುತಿಸಿಕೊಂಡವರು. ತೆಲುಗು ಮಾತ್ರವಲ್ಲದೆ, ಸುಮಾರು 8 ಭಾಷೆಯ 300 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಇವರು ಅಭಿನಯಿಸಿದ್ದಾರೆ.