ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಕ್ಯಾಷಿಯರ್ ಒಬ್ಬ ಸುಮಾರು 52 ಲಕ್ಷ ರೂಪಾಯಿಗಳನ್ನ ಎತ್ತಿಕೊಂಡು ಪಾಕಿಸ್ತಾನಕ್ಕೆ ಪರಾರಿಯಾಗಿರುವ ಘಟನೆ ಬೆಂಗಳೂರಲ್ಲಿ ನಡೆದಿದೆ. ಮುಂಬೈ ಮೂಲದ ಫಾರೂಕ್ ಬ್ಯಾಟರಾಯನಪುರದ ಯುನೈಟೆಡ್ ಡಿಸ್ಟ್ರಿಬ್ಯೂಟರ್ಸ್ ಕಂಪನಿಯಲ್ಲಿ ಕ್ಯಾಷಿಯರ್ ಆಗಿದ್ದ. ಕಂಪನಿ ನೀಡಿದ್ದ ಕ್ವಾಟ್ರಸ್`ನಲ್ಲಿ ವಾಸವಿದ್ದ ಫಾರೂಕ್ ಇಬ್ರಾಹಿಂ 2 ದಿನದ ಕಲೆಕ್ಷನ್ ಹಣವನ್ನ ಹೊತ್ತೊಯ್ದಿದ್ದಾನೆ.
ಕರಾಚಿಗೆ ತೆರಳುವ ಮುನ್ನ ಮುಂಬೈಗೆ ತೆರಳಿ ಮಗನಿಗೆ 30 ಲಕ್ಷ ರೂಪಾಯಿ ನೀಡಿದ್ದಾನೆ. ಫಾರೂಕ್ ಜಾಡು ಹಿಡಿದ ಬ್ಯಾಟರಾಯನಪುರ ಪೊಲೀಸರು ಪಾರೂಕ್ ಪುತ್ರ ಇರ್ಫಾನ್`ನನ್ನ ಬಂಧಿಸಿದ್ದಾರೆ. ಫಾರೂಕ್ ವಿರುದ್ಧ ಲುಕೌಟ್ ನೋಟಿಸ್ ಜಾರಿ ಮಾಡಲಾಗಿದೆ. ಫಾರೂಕ್`ಗೆ ಮೂವರು ಮಕ್ಕಳಿದ್ದು, ಅವರ ಮೇಲೂ ನಿಗಾ ಇಡಲಾಗಿದೆ.
ಲುಕೌಟ್ ನೋಟಿಸ್ ಹಿನ್ನೆಲೆಯಲ್ಲಿ ವಿಮಾನ, ರೈಲು, ಬಸ್ ನಿಲ್ದಾಣಗಳಲ್ಲೂ ತಪಾಸಣೆ ನಡೆಸಲಾಗುತ್ತೆ. ಪಾಕಿಸ್ತಾನದ ರಾಯಭಾರ ಕಚೇರಿಗೂ ಮಾಹಿತಿ ನೀಡಲಾಗಿದೆ.
Comments are closed.