ಜಾಗ್ವಾರ್ ಕಾರು ಎಂದರೆ ಅದೇನೋ ಕುತೂಹಲ. ಕೊಳ್ಳಲಾಗದಿದ್ದರೂ ನೋಡಲು ಸಿಕ್ಕಿದರೂ ಸಾಕು ಎಂಬ ಭಾವನೆ ಹಲವರದ್ದು. ಇಂತಹ ದುಬಾರಿ ಕಾರಿಗೆ ಬೆಂಕಿ ಬಿದ್ದರೆ…? ತಮಾಷೆ ಮಾಡ್ಬೇಡಿ ಅಂತೀರಾ …? ಈ ಸ್ಟೋರಿ ಓದಿ.
ಹೌದು. ಇತ್ತೀಚೆಗಷ್ಟೇ ಚೀನಾದ ಟಿಯಾಂಜಿನ್ನಲ್ಲಿ ನಡೆದ ಸರಣಿ ಸ್ಪೋಟದಲ್ಲಿ 5,800 ಕ್ಕೂ ಹೆಚ್ಚು ಕಾರುಗಳು ಸುಟ್ಟು ಕರಕಲಾಗಿದ್ದು ಎಲ್ಲರಿಗೂ ತಿಳಿದಿದೆ. ಆದರೆ ಈ ಅವಘಡದಲ್ಲಿ ಸುಟ್ಟು ಕರಕಲಾಗಿರುವ ಎಲ್ಲಾ ಕಾರುಗಳೂ ಜಾಗ್ವರ್ ಲ್ಯಾಂಡ್ ರೋವರ್ ಗಳಾಗಿವೆ ಎಂದು ಟಾಟಾ ಮೊಟಾರ್ಸ್ ತಿಳಿಸಿದೆ.
ದುರದೃಷ್ಟವೆಂದರೆ ಸ್ಫೋಟ ಸಂಭವಿಸಿದ ಸ್ಥಳಕ್ಕೆ ಹತ್ತಿರದಲ್ಲಿ ಇತ್ತೀಚೆಗಷ್ಟೇ ಈ ಎಲ್ಲಾ ಕಾರುಗಳನ್ನು ಬೇರೆ ಕಡೆಯಿಂದ ತಂದು ಇರಿಸಲಾಗಿತ್ತು. ಘಟನೆಯಲ್ಲಿ ಇವೆಲ್ಲವೂ ಬೆಂಕಿ ಹೊತ್ತಿಕೊಂಡು ಸುಟ್ಟು ಕರಕಲಾಗಿದ್ದು ಸಾಕಷ್ಟು ನಷ್ಟವಾಗಿದೆ ಎಂದು ಕಂಪನಿ ತಿಳಿಸಿದೆ.
