ಕೊಟಾ: ಆಸ್ತಿ ವಿವಾದದಲ್ಲಿ ಉಂಟಾದ ಜಗಳದಲ್ಲಿ ಪತಿಯೊಬ್ಬ ಆತನ ಪತ್ನಿಯ ಮೂಗು ಹಾಗೂ ನಾಲ್ಕು ಕೈ ಬೆರಳುಗಳನ್ನು ಕತ್ತರಿಸಿದ್ದಾನೆ.
ರಾಜಸ್ಥಾನದ ಕೊಟಾ ನಗರ ಸಮೀಪದ ಬೊರ್ಖೆಡಾ ಎಂಬಲ್ಲಿ ಶುಕ್ರವಾರ ಈ ಘಟನೆ ನಡೆದಿದೆ. ನಂದ್ ಸಿಂಗ್ (40) ಆರೋಪಿ. ಶಿಮ್ಲಾ ಕಣ್ವಾ (35) ಗಾಯಗೊಂಡಿರುವ ಮಹಿಳೆ.
ದಂಪತಿಯು ಕಳೆದ ಹಲವು ವರ್ಷಗಳಿಂದ ಪ್ರತ್ಯೇಕವಾಗಿ ಜೀವನ ನಡೆಸುತ್ತಿದ್ದರು. ಆದರೆ, ತನಗೆ ಸೇರಬೇಕಾಗಿರುವ ಆಸ್ತಿ ಸಂಬಂಧ ಕಣ್ವಾ ಅವರು ತನ್ನ ಪತಿ ಮನೆಗೆ ಆಗಾಗ್ಗೆ ಭೇಟಿ ನೀಡುತ್ತಿದ್ದರು.
ಶುಕ್ರವಾರ ನಡೆದ ಜಗಳವು ತಾರಕಕ್ಕೇರಿ ನಂದ್‌ಸಿಂಗ್ ಮತ್ತು ಆತನ ಸಹೋದರ ಇಬ್ಬರೂ ಸೇರಿ ಕಣ್ವಾ ಅವರ ಮೂಗು ಮತ್ತು ಬೆರಳುಗಳನ್ನು ಕತ್ತರಿಸಿದ್ದಾರೆ. ನಂತರ ಆಕೆಯನ್ನು ಒಂದು ಕೋಣೆಯಲ್ಲಿ ಕೂಡಿಹಾಕಿದ್ದಾರೆ. ವಿಷಯ ತಿಳಿದು ಸ್ಥಳಕ್ಕಾಗಮಿಸಿದ ಪೊಲೀಸರು ಆಕೆಯನ್ನು ಆಸ್ಪತ್ರೆಗೆ ಸೇರಿಸಿದರು ಎಂದು ಮೂಲಗಳು ತಿಳಿಸಿವೆ.
ಭಾರತೀಯ ದಂಡ ಸಂಹಿತೆಯ ಅನ್ವಯ ನಂದ್‌ಸಿಂಗ್ ಹಾಗೂ ಆತನ ಕಿರಿಯ ಸಹೋದರನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಗಾಯಗೊಂಡಿರುವ ಮಹಿಳೆಯು ಚೇತರಿಸಿಕೊಳ್ಳುತ್ತಿದ್ದಾರೆ.
