ಮಂಗಳೂರು,ಡಿ.23: ಕ್ರಿಸ್ಮಸ್, ಕ್ರಿಸ್ಮಸ್, ಕ್ರಿಸ್ಮಸ್ . ಈ ಬಾರಿಯ ಕ್ರಿಸ್‍ಮಸ್‌ನ್ನು ಭರ್ಜರಿಯಾಗಿ ಸ್ವಾಗತ ಮಾಡಲು ಮಂಗಳೂರು ನಗರ ಸಂಪೂರ್ಣ ಸಜ್ಜಾಗಿದೆ. ಕ್ರಿಸ್ಮಸ್ ಗೆ ಕುಟುಂಬದವರೆಲ್ಲರೂ ಸಂತೋಷ ಪಡೆಯಲು ನಗರ‍ದ ಎಲ್ಲಾ ಕಡೆ ಅದ್ದೂರಿಯ ಸಿದ್ಧತೆ ನಡೆಯುತ್ತಿದೆ.
ಕ್ರಿಸ್ಮಸ್ ಗಾಗಿ ಸಾಂತಾ ಕ್ಲಾಸ್, ಸ್ನೋಮ್ಯಾನ್ ಕ್ಯಾರಕ್ಟರ್ ಮತ್ತು ಕ್ರಿಸ್ಮಸ್ ಕ್ಯಾರೋಲ್ಸ್ ಮುಂತಾದ ವಿಭಿನ್ನ ಕಾನ್ಸೆಪ್ಟ್ ಗಳಿಂದ ಕ್ರಿಸ್ಮಸ್ ಆಚರಣೆಯನ್ನು ಅನನ್ಯವಾಗಿಸಲು ತಯಾರಿಸಲು ಚರ್ಚ್ ಗಳು ಸಿದ್ದತೆ ನಡೆಸುತ್ತಿದೆ.
ಪ್ರತಿಯೊಂದು ಮನೆ , ಚರ್ಚ್ ಗಳಲ್ಲಿ ಹಬ್ಬದೊಂದಿಗಿನ ಮೋಜು ಹಾಗೂ ಹುರುಪಿನೊಂದಿಗೆ ಕ್ರಿಸ್ಮಸ್ ಆಚರಣೆಗಾಗಿ ಎಲ್ಲಾ ರೀತಿಯ ಪ್ರಯತ್ನಗಳು ನಡೆಯುತ್ತಿವೆ. ವಿವಿಧ ರೀತಿಯ ಅಲಂಕಾರ ಮತ್ತು ಜನಪ್ರಿಯ ಕ್ರಿಸ್ಮಸ್ ಸಂಕೇತಗಳಾದ ದೊಡ್ಡ ಹಸಿರು ಬೆಲ್, ಒಂದು ದೊಡ್ಡ ಕೆಂಪು ಸ್ಟಾಕಿಂಗ್, ಥ್ರೋನ್ ಹಾಗೂ ಸಾಂತಾಗಾಗಿ ಒಂದು ಕೆಂಪು ಮೇಲ್ ಬಾಕ್ಸ್ ಹೀಗೆ ಕ್ರಿಸ್ಮಸ್ ಗಾಗಿ ಬೇಕಾದ ವಿವಿಧ ರೀತಿಯ ಅಲಂಕಾರಿಕಾ ವಸ್ತುಗಳನ್ನು ಈಗಾಗಲೇ ಮಾರುಕಟ್ಟೆಯ ಪ್ರತಿಯೊಂದು ಮಳಿಗೆಯಲ್ಲೂ ಕಾಣಬಹುದು.
