ಹೈದರಾಬಾದಿನಲ್ಲಿ ಹೈಟೆಕ್​ ವೇಶ್ಯಾವಾಟಿಕೆ: ಬಾಲಿವುಡ್​ನ ಸ್ಟಾರ್​ ನಟಿ ಬಂಧನ!

ದೇಶದಲ್ಲಿ ಹೈದರಾಬಾದಿಗೆ ತನ್ನದೇ ಆದ ಒಂದು ಗುರುತು ಹಾಗೂ ಸ್ಥಾನ ಇದೆ. ಇಂತಹ ನಗರದಲ್ಲಿ ಆಗಾಗ ಕೆಲ ಕಹಿ ಗಟನೆಗಳೂ ನಡೆಯುತ್ತಿರುತ್ತವೆ. ಅವುಗಳಲ್ಲಿ ವೇಶ್ಯಾವಾಟಿಕೆ ಜಾಲಗಳು ಮಾಡುವ ಕೆಟ್ಟ ಕೆಲಸವೂ ಒಂದು.

ಹೌದು, ಹೈದರಾಬಾದಿನಲ್ಲಿ ಹೈಟೆಕ್​ ವೇಶ್ಯಾವಾಟಿಕೆ ಜಾಲಪೊಂದು ಪತ್ತೆಯಾಗಿದೆ. ಇತ್ತೀಚೆಗಷ್ಟೆ ಬೇಗಂಪೇಟೆಯಲ್ಲಿ ಇಂತಹದ್ದೇ ಒಂದು ಜಾಲವನ್ನು ಪೊಲೀಸರು ಭೇದಿಸಿದ್ದರು.

ಬೇಗಂ ಪೇಟೆಯ ಒಂದು ಪಬ್​ನಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದ ಜಾಲವನ್ನು ಪೊಲೀಸರು ಪತ್ತೆ ಮಾಡಿ, ಬಂಧಿಸಿದ್ದರು. ಈಗ ಬಂಜಾರಹಿಲ್ಸ್​ನಲ್ಲಿರುವ ಹೋಟೆಲ್​ ಒಂದರಲ್ಲಿ ಈ ಜಾಲ ಪತ್ತೆಯಾಗಿದೆ.

ಹೋಟೆಲ್​ನಲ್ಲಿ ಸ್ಟಾರ್​ ನಟಿಯೊಬ್ಬರನ್ನು ಬಳಸಿಕೊಂಡು ವೇಶ್ಯಾವಾಟಿಕೆ ನಡೆಸಲಾಗುತ್ತಿದೆ ಎಂಬ ಮಾಹಿತಿ ಪಡೆದ ಪೊಲೀಸರು ದಾಳಿ ನಡೆಸಿದ್ದಾರೆ. ದಾಳಿಯಲ್ಲಿ ನಟಿಯನ್ನೂ ವಶಕ್ಕೆ ತೆಗೆದುಕೊಂಡಿದ್ದಾರೆ.

ಬಾಲಿವುಡ್​ನ ಕೆಲವು ದೊಡ್ಡ ಸಿನಿಮಾಗಳಲ್ಲಿ ಅಭಿನಯಿಸಿರುವ ಈ ನಟಿಯೊಂದಿಗೆ ಧಾರಾವಾಹಿಗಳಲ್ಲಿ ನಟಿಸುವ ಕಲಾವಿದೆ ಹಾಗೂ ಇವೆಂಟ್​ ಮ್ಯಾನೇಜರನ್ನೂ ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ ಎನ್ನಲಾಗುತ್ತಿದೆ.

ಈ ಹಿಂದೆ ಇದೇ ರೀತಿಯ ಜಾಲ ನಡೆಸುತ್ತಿದ್ದ ಟಾಲಿವುಡ್​ ನಟಿಯನ್ನೂ ಪೊಲೀಸರು ಬಂಧಿಸಿದ್ದರು. ಸಿನಿಮಾಗಳಲ್ಲಿ ಮಿಂಚಲು ಬರುವ ಉದಯೋನ್ಮುಖ ನಟಿಯರಿಗೆ ಬಲೆ ಬೀಸಿ ಈ ರೀತಿಯ ಕೆಲಸಗಳನ್ನು ಮಾಡಿಸಿಕೊಳ್ಳಲಾಗುತ್ತದೆಯಂತೆ. ಸದ್ಯ ವಶಕ್ಕೆ ತೆಗೆದುಕೊಂಡಿರುವ ನಟಿಯ ಹೆಸರನ್ನು ಪೊಲೀಸರು ಬಹಿರಂಗಪಡಿಸಿಲ್ಲ.