ಪುಣೆ: ಬನೇರ್-ಪಶಾನ್ ರಸ್ತೆಯಲ್ಲಿ ಹೌಸಿಂಗ್ ಸೊಸೈಟಿಗೆ ಸೇರಿರುವ ಫ್ಲ್ಯಾಟ್ವೊಂದರಲ್ಲಿ ಸಾಫ್ಟ್ವೇರ್ ಎಂಜಿನಿಯರ್, ಅವರ ಪತ್ನಿ ಮತ್ತು ನಾಲ್ಕು ವರ್ಷದ ಮಗು ಸತ್ತ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ.
ಟೆಕ್ಕಿ ಜಯೇಶ್ ಪಟೇಲ್ ಮತ್ತು ಪತ್ನಿ ಭೂಮಿಕಾ ನೇಣು ಬಿಗಿದುಕೊಂಡಿದ್ದು, ಬಳಿಕ ಮಗು ನಕ್ಷ್ ಮೃತಪಟ್ಟಿದೆ. ಆದರೆ ಮಗು ಹೇಗೆ ಮೃತಪಟ್ಟಿತು ಎಂಬುದು ಮರಣೋತ್ತರ ಪರೀಕ್ಷೆಯಲ್ಲಿ ದೃಢಪಟ್ಟಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ಜಯೇಶ್ ಪಟೇಲ್ ಮೂಲತಃ ಅಹಮದಾಬಾದ್ನವರು. ಎರಡು ವರ್ಷದಿಂದ ಯೆರವಾಡದಲ್ಲಿರುವ ಸಾಫ್ಟ್ವೇರ್ ಕಂಪೆನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಕಳೆದೆರಡು ದಿನಗಳಿಂದ ಅವರು ಕೆಲಸಕ್ಕೆ ಹೋಗಿರಲಿಲ್ಲ. ಸಹೋದ್ಯೋಗಿಗಳು, ಸ್ನೇಹಿತರು ಮಾಡಿದ್ದ ಕರೆಗೂ ಸ್ಪಂದಿಸಿರಲಿಲ್ಲ. ಬಳಿಕ ಸ್ನೇಹಿತರು ಮನೆ ಬಳಿ ಬಂದು ಕರೆಗಂಟೆ ಮಾಡಿದರೂ ಸಂಜೆಯವರೆಗೂ ಬಾಗಿಲು ತೆರೆಯದ ಕಾರಣ ಸೊಸೈಟಿಯ ಮುಖ್ಯಸ್ಥರಿಗೆ ವಿಷಯ ತಿಳಿಸಿದ್ದಾರೆ. ಎರಡು ದಿನದ ಪತ್ರಿಕೆ ಕೂಡ ಕಾರಿಡಾರ್ನಲ್ಲೇ ಬಿದ್ದಿತ್ತು.
ಸ್ವಂತ ಫ್ಲ್ಯಾಟ್ ಖರೀದಿಸುವಾಗ ಇವರು ಖಾಸಗಿ ಫೈನಾನ್ಶಿಯರ್ ಬಳಿ ಸಾಲ ಪಡೆದಿದ್ದರು ಎನ್ನಲಾಗಿದೆ. ಆದರೆ ದಂಪತಿ ಡೆತ್ ನೋಟ್ ಬರೆದಿಟ್ಟಿಲ್ಲ.
Comments are closed.