ಮುಂಬಯಿ: ಇಟಲಿಯ ಸೂಪರ್ ಕಾರು ನಿರ್ಮಾಣ ಸಂಸ್ಥೆಯಾಗಿರುವ ಲ್ಯಾಂಬೊರ್ಗಿನಿ, ಬಹುನಿರೀಕ್ಷಿತ ಯುರಸ್ (Lamborghini Urus) ಐಷಾರಾಮಿ ಕ್ರೀಡಾ ಬಳಕೆಯ ವಾಹನವನ್ನು (ಎಸ್ಯುವಿ) ಭರ್ಜರಿ ಬಿಡುಗಡೆಗೊಳಿಸಿದೆ.
ಬೆಲೆ: 3 ಕೋಟಿ ರೂ. (ಎಕ್ಸ್ ಶೋ ರೂಂ)
ಎಲ್ಎಲ್ಬಿ ಇವೊ ತಳಹದಿಯಲ್ಲಿ ನಿರ್ಮಾಣವಾಗಿರುವ ಲ್ಯಾಂಬೊರ್ಗಿನಿ ಯುರಸ್ ಹೈ ಎಂಡ್ ಎಸ್ಯುವಿ, ಐದು ವೀಟರ್ಗಿಂತಲೂ ಹೆಚ್ಚು ಉದ್ದವನ್ನು ಪಡೆದಿದೆ.
ಫೋಕ್ಸ್ವ್ಯಾಗನ್ ಸಂಸ್ಥೆಯ ಬೆಂಟ್ಲಿ ಬೆನ್ಟೈಗಾ, ಪೋರ್ಷ್ ಕೆಯನ್, ಆಡಿ ಕ್ಯೂ7 ಇತ್ಯಾದಿ ಎಸ್ಯುವಿಗಳು ಇದೇ ತಳಹದಿಯಲ್ಲಿ ನಿರ್ಮಾಣಗೊಂಡಿತ್ತು ಎಂಬುದು ಅಷ್ಟೇ ಮಹತ್ವ ವಹಿಸುತ್ತದೆ. ಹಾಗೆೇ ಸಂಸ್ಥೆಯ ಮೊದಲ ಎಸ್ಯುವಿ LM002 ಸ್ಪೂರ್ತಿ ಪಡೆದು ವಿನ್ಯಾಸ ರಚಿಸಲಾಗಿದೆ.
ಲ್ಯಾಂಬೊರ್ಗಿನಿ ಯುರಸ್ನಲ್ಲಿ ಹೆಚ್ಚಿನ ಅಲ್ಯೂಮಿನಿಯಂ ಬಳಕೆ ಮಾಡುವ ಮೂಲಕ ಭಾರ ಗಣನೀಯ ಕಡಿತವಾಗಿದ್ದು, 2.2 ಟನ್ ತೂಕವನ್ನು ಹೊಂದಿರಲಿದೆ.
ಕಾರಿನೊಳಗೆ ಅಲ್ಟ್ರಾ-ಲಗ್ಷುರಿ ಸ್ಪರ್ಶತೆಯನ್ನು ನೀಡಲಾಗಿದೆ. ಲೆಥರ್ ಹೋದಿಕೆ, ಕಾರ್ಬನ್ ಫೈಬರ್ ಡ್ಯಾಶ್ ಜತೆಗೆ ಹಿಂದುಗಡೆ 616 ಲೀಟರ್ಗಳ ಬೃಹತ್ ಲಗ್ಗೇಜ್ ಜಾಗವನ್ನು ನೀಡಲಾಗಿದೆ. ಅಂತೆಯೇ ಜೆಟ್ ಫೈಟರ್ ಶೈಲಿಯ ಎಂಜಿನ್ ಸ್ಟ್ಯಾರ್ಟ್ ಬಟನ್ ನೀಡಲಾಗಿದೆ.
4.0 ಲೀಟರ್ ವಿ8 ಎಂಜಿನ್ನಿಂದ ನಿಯಂತ್ರಿಸ್ಪಡಲಿರುವ ಲ್ಯಾಂಬೊರ್ಗಿನಿ ಯುರಸ್ ಎಂಟು ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಹೊಂದಿರಲಿದೆ. ಇದರ ಟರ್ಬೊ ಮೋಟಾರು 850 ಎನ್ಎಂ ತಿರುಗುಬಲದಲ್ಲಿ 650 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.
ಅಂದ ಹಾಗೆ ಲ್ಯಾಂಬೊರ್ಗಿನಿ ಯುರಸ್ ಕಾರು 3.6 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ಮತ್ತು ಗಂಟೆಗೆ ಗರಿಷ್ಠ 305 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯವನ್ನು ಹೊಂದಿರಲಿದೆ.
ಅವೆಂಟಡಾರ್ ಎಸ್ ಮಾದರಿಯ ರಿಯರ್ ವೀಲ್ ಸ್ಟೀರಿಂಗ್ ಸಿಸ್ಟಂ ಹಾಗೂ ಮುಂಭಾಗದಲ್ಲಿ 440 ಎಂಎಂ ಕಾರ್ಬನ್ ಸೆರಾಮಿಕ್ ಡಿಸ್ಕ್ ಬ್ರೇಕ್ ಪ್ರಮುಖ ಆಕರ್ಷಣೆಯಾಗಿದೆ.
ಆರು ಚಾಲನಾ ವಿಧಗಳು: ನೆವ್ (ಸ್ನೊ), ಟೆರ್ರಾ (ಆಫ್-ರೋಡ್), ಸಬ್ಬಿಯ (ಸ್ಯಾಂಡ್), ಸ್ಟ್ರಾಡಾ, ಸ್ಪೋರ್ಟ್, ಕೋರ್ಸಾ ಮತ್ತು ಇಗೊ.
ದೇಶದಲ್ಲಿ ಮಸೆರಟಿ ಲೆವೆಂಟ್ಗೆ ಪ್ರತಿಸ್ಪರ್ಧಿಯಾಗಲಿರುವ ನೂತನ ಲ್ಯಾಂಬೊರ್ಗಿನಿ ಯುರಸ್ ಮುಂಗಡ ಬುಕ್ಕಿಂಗ್ಗೆ ಅನುಗುಣವಾಗಿ ಸೀಮಿತ ಸಂಖ್ಯೆಯಲ್ಲಿ ಮಾತ್ರ ಮಾರಾಟವಾಗಲಿದೆ.
Comments are closed.