ಎಮ್ಮೆ ಮೇಯಿಸುತ್ತಿರುವ ನಟಿ ಸಮಂತಾ

ಇತ್ತೀಚೆಗಷ್ಟೇ ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟ ನಟಿ ಸಮಂತಾ ಇದೀಗ ಎಮ್ಮೆ ಮೇಯಿಸುತ್ತಿರುವ ಚಿತ್ರ ಈಗ ಸಾಕಷ್ಟು ಹರಿದಾಡುತ್ತಿದೆ. ಇದೇನಿದು ಸಮಂತಾ ಎಮ್ಮೆ ಮೇಯಿಸುತ್ತಿದ್ದಾರೆ? ಎಂದರೆ ಇದು ತೆಲುಗಿನ ‘ರಂಗಸ್ಥಲಂ’ ಚಿತ್ರದ ದೃಶ್ಯ.

ಸದ್ಯಕ್ಕೆ ಈ ಸಿನಿಮಾದ ಶೂಟಿಂಗ್ ಕೊನೆಯ ಹಂತದಲ್ಲಿದೆ. ಈಗಾಗಲೆ ಚಿತ್ರದ ಪ್ರಚಾರಕಾರ್ಯ ಸಹ ಭರದಿಂದ ಸಾಗುತ್ತಿದೆ. ಈ ಚಿತ್ರಕ್ಕೆ ಸುಕುಮಾರ್ ಆಕ್ಷನ್ ಕಟ್ ಹೇಳುತ್ತಿದ್ದು, ಈಗಾಗಲೆ ಚಿತ್ರದ ಫಸ್ಟ್ ಲುಕ್ ಸಹ ಬಿಡುಗಡೆಯಾಗಿದೆ. ಸಿನಿಮಾದ ಫೋಟೋಗಳನ್ನು ನೋಡಿದರೆ ಇದೊಂದು ಪಕ್ಕಾ ಡಿಫರೆಂಟ್ ಸ್ಟೋರಿ ಅನ್ನಿಸುತ್ತದೆ.

ಸುಮಾರು 45 ಕೋಟಿ ಬಜೆಟ್‍ನಲ್ಲಿ ಈ ಸಿನಿಮಾ ನಿರ್ಮಿಸಲಾಗುತ್ತಿದೆ. ದೇವಿಶ್ರೀ ಪ್ರಸಾದ್ ಸಂಗೀತ ಚಿತ್ರಕ್ಕಿದ್ದು, ಪಾತ್ರವರ್ಗದಲ್ಲಿ ಜಗಪತಿ ಬಾಬು, ಪೂಜಾ ಹೆಗ್ಡೆ, ಗೌತಮಿ ಮುಂತಾದವರು ಇದ್ದಾರೆ. ಈಗಾಗಲೆ ಈ ಚಿತ್ರ ಟಾಲಿವುಡ್‍ನಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ.