ವರದಿ : ಈಶ್ವರ ಎಂ. ಐಲ್
ಚಿತ್ರ,: ದಿನೇಶ್ ಕುಲಾಲ್
ಮುಂಬಯಿ : ಶ್ರೀ ಅಯ್ಯಪ್ಪ ಭಕ್ತವೃಂದ, ರಾಜನ್ ಪಾಡ ಇದರ ವತಿಯಿಂದ 21ನೇ ವಾರ್ಷಿಕ ಶ್ರೀ ಹರಿಹರ ಪುತ್ರ ಅಯ್ಯಪ್ಪ ಸ್ವಾಮಿಯ ಮಹಾಪೂಜೆ ಅನ್ನ ಸಂತರ್ಪಣೆಯು ಜ. 7ರಂದು ಮಲಾಡ್ ಪಶ್ಚಿಮದ ಯುನಿಟಿ ಕಾಂಪ್ಲೇಕ್ಸ್ ನಲ್ಲಿ ನೆರವೇರಿತು.
ಗುರುಸ್ವಾಮಿ ಸದಾನಂದ ಕೋಟ್ಯಾನ್ ಇವರ ಮುಂದಾಳುತ್ವದಲ್ಲಿ ಜರಗಿದ ಈ ಮಹಾಪೂಜೆಯು ಅಂದು ಮಧ್ಯಾಹ್ನದಿಂದ ರಾತ್ರಿ 10.30 ರ ತನಕ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ಮಂಗಳಾರತಿ ಹಾಗೂ ಅನ್ನದಾನದೊಂದಿಗೆ ಸಂಪನ್ನಗೊಂಡಿತು. ಶಿಬಿರದ ವೃತಧಾರಿಗಳು ಹಾಗೂ ಭಕ್ತಾಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಉಪಸ್ಥಿತರಿದ್ದರು.
