ಮಂಗಳೂರು ನಗರ ಪೊಲೀಸ್ ಕಮೀಷನರೇಟ್ ವ್ಯಾಪ್ತಿಯಲ್ಲಿ‌ನ ಕ್ರೈಮ್ ಪತ್ತೆಗೆ ‘ಬಬ್ಲಿ’..!

ಮಂಗಳೂರು: ನಗರ ಪೊಲೀಸ್ ಕಮೀಷನರೇಟ್ ವ್ಯಾಪ್ತಿಯ ಶ್ವಾನದಳಕ್ಕೆ ‘ಬಬ್ಲಿ’ ಎಂಬ ಹೆಸರಿನ ಶ್ವಾನವು ಗುರುವಾರ ಸೇರ್ಪಡೆಯಾಗಿದೆ.

ಸುಮಾರು ಒಂದು ವರ್ಷ ಪ್ರಾಯದ ಈ ಶ್ಯಾನವು ಬೆಂಗಳೂರು ಸಿಎಆರ್‌ ಅಡುಗೋಡಿ ಶ್ವಾನದಳ ತರಬೇತಿ ಕೇಂದ್ರದಲ್ಲಿ ಅಪರಾಧ ಪತ್ತೆ ತರಬೇತಿ ಪಡೆದಿತ್ತು. ಪೊಲೀಸ್ ಸಿಬ್ಬಂದಿಗಳಾದ ಕುಶಾಲಪ್ಪಪೂಜಾರಿ ಮತ್ತು ರವಿಗೌಡ ಇದರ ಹ್ಯಾಂಡರ್ ಆಗಿದ್ದಾರೆ.

ಕಮಿಷನರೇಟ್ ಶ್ಯಾನದಳ ವಿಭಾಗದಲ್ಲಿ ನಾಲ್ಕು ಶ್ವಾನಗಳಿದೆ. ತಲಾ ಎರಡು ಶ್ವಾನಗಳು ಅಪರಾಧ ಹಾಗೂ ನಾರ್ಕೋಟಿಕ್ಸ್ ಪತ್ತೆಗೆ ಹಾಗೂ ಇನ್ನೊಂದನ್ನು ಸ್ಫೋಟಕ ಪತ್ತೆ ಕಾರ್ಯಕ್ಕೆ ನಿಯೋಜಿಸಲಾಗಿದೆ.

ಮಂಗಳೂರು ನಗರ ಪೊಲೀಸ್ ಇಲಾಖೆಯಲ್ಲಿನ ಅಪರಾಧ ಪತ್ತೆಯ ಕರ್ತವ್ಯಕ್ಕೆ ಈ ಶ್ವಾನವನ್ನು ನಿಯೋಜಿಸಲಾಗುವುದು ಎಂದು ಪೊಲೀಸ್ ಕಮಿಷನರ್ ಶಶಿಕುಮಾರ್ ತಿಳಿಸಿದ್ದಾರೆ.