ಡಿಎಂಕೆ ಅಧ್ಯಕ್ಷ ಎಂ ಕೆ ಸ್ಟಾಲಿನ್‌ ಅವರ ತಾಯಿ ದಯಾಳು ಅಮ್ಮಾಳ್‌ ಆಸ್ಪತ್ರೆಗೆ ದಾಖಲು

ಚೆನ್ನೈ: ಡಿಎಂಕೆ ಅಧ್ಯಕ್ಷ ಎಂ ಕೆ ಸ್ಟಾಲಿನ್‌ ಅವರ ತಾಯಿ ದಯಾಳು ಅಮ್ಮಾಳ್‌ ಅನಾರೋಗ್ಯದ ಹಿನ್ನೆಲೆಯಲ್ಲಿ ಚೆನ್ನೈಯ ಅಪೋಲೋ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಆ.7ರಂದು ನಿಧನರಾದ ಡಿಎಂಕೆ ಮುಖ್ಯಸ್ಥರಾಗಿದ್ದ ಕರುಣಾನಿಧಿ 2ನೇ ಪತ್ನಿಯಾಗಿರುವ ದಯಾಲು ಅಮ್ಮಲ್‌ ವಯೋಸಹಜ ಕಾಯಿಲೆಗಳಿಂದ ಬಳಲುತ್ತಿದ್ದಾರೆ ಎನ್ನಲಾಗಿದೆ. ಅಪೋಲೋ ಆಸ್ಪತ್ರೆ ದಯಾಲು ಅಮ್ಮಲ್‌ ಆರೋಗ್ಯ ಸ್ಥಿತಿ ಬಗ್ಗೆ ಈ ವರೆಗೆ ಯಾವುದೇ ಮಾಹಿತಿ ಬಹಿರಂಗಪಡಿಸಿಲ್ಲ.

2015ರಲ್ಲಿ ನಡೆದ 2ಜಿ ಹಗರಣದಲ್ಲಿ ದಯಾಳು ಅಮ್ಮಾಳ್‌ ಭಾಗಿಯಾಗಿರುವ ಬಗ್ಗೆ ಜಾರಿ ನಿರ್ದೇಶನಾಲಯ ಆರೋಪ ಪಟ್ಟಿ ಸಲ್ಲಿಸಿತ್ತು. ಒಟ್ಟಾರೆ 18 ಮಂದಿಯ ಮೇಲೆ ಡಿಬಿ ಗ್ರೂಪ್‌ಗೆ ಟೆಲಿಕಾಂ ಲೈಸನ್ಸ್‌ ಪಡೆಯುವ ಸಂಬಂಧ ಲಂಚ ಪಡೆದ ಆರೋಪ ಕೇಳಿ ಬಂದಿತ್ತು. ಕಲೈನರ್‌ ಟಿವಿಗೆ 200 ಕೋಟಿ ರೂ. ಸಂದಾಯ ಮಾಡಿದ್ದಾರೆ ಎಂದು ಆರೋಪಿಸಲಾಗಿತ್ತು. 2015ರಲ್ಲಿಯೇ ವೈದ್ಯರು ಸಿಬಿಐ ವಿಶೇಷ ಕೋರ್ಟ್‌ಗೆ ದಯಾಳು ಅಮ್ಮಾಳ್‌ಗೆ ಮರೆವಿನ ಕಾಯಿಲೆ ಹಾಗೂ ವಯೋಸಹಜ ಕಾಯಿಲೆಗಳಿವೆ. ಅವರು ಈ ಹಗರಣದಲ್ಲಿ ಭಾಗಿಯಾಗಲು ಸಾಧ್ಯವಿಲ್ಲ ಎಂದು ಹೇಳಿಕೆ ಸಲ್ಲಿಸಿದ್ದರು.

ಎಂ.ಕೆ ಅಳಗಿರಿ, ಎಂ.ಕೆ ತಮಿಳರಸು ಹಾಗೂ ಎಂ.ಕೆ ಸೆಲ್ವಿ ಅವರು ದಯಾಳು ಅಮ್ಮಾಳ್‌ ಅವರ ಮಕ್ಕಳು. ಎಂ.ಕೆ ಸ್ಟಾಲಿನ್‌ ಮಂಗಳವಾರ ಡಿಎಂಕೆಯ ಅಧ್ಯಕ್ಷರಾಗಿ ಅವಿರೋಧ ಆಯ್ಕೆಯಾಗಿದ್ದರು.