ಆಕರ್ಷಕ, ಆರೋಗ್ಯಕರ ಉಗುರು ನಿಮ್ಮದಾಗಬೇಕೆ?

ಸೌಂದರ್ಯ ಎಂದ ಮೇಲೆ ಬರೀ ತ್ವಚೆ, ಕೂದಲಿನ ಸೌಂದರ್ಯ ಮಾತ್ರವಲ್ಲ, ಉಗುರಿನ ಸೌಂದರ್ಯ ಪ್ರಮುಖವಾಗಿರುತ್ತದೆ. ಆಕರ್ಷಕ ಉಗುರುಗಳು ನಮ್ಮ ಲುಕ್‌ ಮತ್ತಷ್ಟು ಹೆಚ್ಚಿಸುವುದರಲ್ಲಿ ನೋ ಡೌಟ್‌.

ಇಲ್ಲಿ ನಾವು ಉಗುರಿನ ಸೌಂದರ್ಯ ಹೆಚ್ಚಿಸುವ ಟಿಪ್ಸ್ ನೀಡಿದ್ದೇವೆ ನೋಡಿ:

ಚಳಿಗಾಲದಲ್ಲಿ ತ್ವಚೆಯಂತೆಯೇ ಉಗುರಿನ ಸೌಂದರ್ಯ ಮಂಕಾಗುವುದು. ಉಗುರು ಆಕರ್ಷಕವಾಗಿ ಕಾಣಲು ಉಗುರನ್ನು ಮಾಯಿಶ್ಚರೈಸರ್‌ ಮಾಡುವುದು ಒಳ್ಳೆಯದು. ಸ್ನಾನದ ಬಳಿಕ ಮಾಯಿಶ್ಚರೈಸರ್‌ ಅಥವಾ ಆಲೀವ್‌ ಎಣ್ಣೆ/ತೆಂಗಿನೆಣ್ಣೆಯಿಂದ ಮಸಾಜ್‌ ಮಾಡಿ.

ವಾರಕೊಮ್ಮೆ ಉಗುರು ಬೆಚ್ಚಗಿನ ನೀರಿನಲ್ಲಿ ಕೈ ಹಾಗೂ ಕಾಲುಗಳನ್ನು 10 ನಿಮಿಷ ಇರಿಸಿ, ನಂತರ ಉಗುರುಗಳನ್ನು ನಿಂಬೆ ಹಣ್ಣಿನ ಚಿಕ್ಕ ತುಂಡಿನಿಂದ ಉಜ್ಜಿ, ನಂತರ ಕೈ ಕಾಲು ತೊಳೆದು ಉಗುರಿಗೆ ಮಾಯಿಶ್ಚರೈಸರ್‌ ಮಾಡಿ.

ಈ ರೀತಿ ಮಾಡುವುದರಿಂದ ಉಗುರಿನ ಸೌಂದರ್ಯ ಹೆಚ್ಚುವುದಲ್ಲದೆ, ಉಗುರು ಬೇಗನೆ ಮುರಿಯುವುದನ್ನು ತಡೆಯಬಹುದು.

ಚಳಿಯಲ್ಲಿ ಹೋಗುವಾಗ ಗ್ಲೌಸ್‌ ಬಳಸಿ. ಉಗುರನ್ನು ಕತ್ತರಿಸಿ, ಆಕರ್ಷಕವಾಗಿ ಕಾಣುವಂತೆ ಮಾಡಿ.

ಇವುಗಳಲ್ಲದೆ ಉಗುರಿನ ಆರೋಗ್ಯಕ್ಕೆ ವಿಟಮಿನ್ಸ್‌ ಅಗತ್ಯವಾಗಿರುವುದರಿಂದ ಪ್ರೊಟೀನ್‌, ಕ್ಯಾಲ್ಸಿಯಂ, ವಿಟಮಿನ್ಸ್ ಇರುವ ಆಹಾರ ಸೇವನೆ ಮಾಡಿ.