ನನ್ನ ತಂದೆ ನ್ಯಾ.ಲೋಯ ಸಾವು ಕುರಿತು ಅನುಮಾನ ಇಲ್ಲ, ರಾಜಕೀಯಗೊಳಿಸಬೇಡಿ ಎಂದ ಪುತ್ರ

ಹೊಸದಿಲ್ಲಿ: ಸಾಕಷ್ಟು ಅನುಮಾನಗಳಿಗೆ ಕಾರಣವಾಗಿದ್ದ ನ್ಯಾಯಮೂರ್ತಿ ಬಿ.ಎಚ್‌. ಲೋಯ ಸಾವಿನ ಕುರಿತು ಕುಟುಂಬ ಕೊನೆಗೂ ಪ್ರತಿಕ್ರಿಯೆ ನೀಡಿದೆ.

ಸಾಕಷ್ಟು ಬೆಳವಣಿಗೆಗಳಿಗೆ ಕಾರಣವಾಗಿದ್ದ ಭಾನುವಾರ ಮಾಧ್ಯಮ ಪ್ರತಿನಿಧಿಗಳ ಮುಂದೆ ಬಂದ ನ್ಯಾಯಮೂರ್ತಿ ಲೋಯ ಪುತ್ರ ಅನುಜ್‌, ಸ್ಪಷ್ಟನೆ ನೀಡಿದ್ದಾರೆ.

ಈಗಾಗಲೇ ಹಲವಾರು ದಿನಗಳಿಂದ ನಡೆದ ಬೆಳವಣಿಗೆಗಳು ನಮ್ಮ ಕುಟುಂಬದಲ್ಲಿ ಸಾಕಷ್ಟು ನೋವು ತಂದಿದೆ. ನಮ್ಮ ತಂದೆಯ ಸಾವಿನ ವಿಷಯವನ್ನು ರಾಜಕೀಯಗೊಳಿಸಬೇಡಿ ಎಂದು ಅನುಜ್‌ ತಿಳಿಸಿದ್ದಾರೆ.

ಈ ಮೊದಲು ನಮ್ಮ ತಂದೆಯ ಸಾವಿನ ಬಗ್ಗೆ ಸಾಕಷ್ಟು ಅನುಮಾನಗಳಿತ್ತು. ಆದರೆ ಈಗ ಎಲ್ಲವೂ ಪರಿಹಾರವಾಗಿದೆ ಎಂದು ಅನುಜ್‌ ಹೇಳಿದ್ದಾರೆ.

ಸೊಹ್ರಬುದ್ದೀನ್‌ ಶೇಖ್‌, ಪತ್ನಿ ಕೌಸರ್‌ ಬಿ, ಸಹವರ್ತಿ ತುಳಸಿ ಪ್ರಜಾಪತಿ ಅವರು 2005ರಲ್ಲಿ ನಡೆದ ಎನ್‌ಕೌಂಟರ್‌ನಲ್ಲಿ ಮೃತಪಟ್ಟ ಪ್ರಕರಣದ ವಿಚಾರಣೆಯನ್ನು ನಡೆಸುತ್ತಿದ್ದ ಸಿಬಿಐ ವಿಶೇಷ ನ್ಯಾಯಾಧೀಶ ಲೋಯ, 2014ರ ಡಿಸೆಂಬರ್‌ 1ರಂದು ಹೃದಯಾಘಾತಕ್ಕೀಡಾಗಿ ಮೃತಪಟ್ಟಿದ್ದರು.