ಹೊಸದಿಲ್ಲಿ: ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಹಾಗೂ ಹಿರಿಯ ಅನುಭವಿ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಮಹೇಂದ್ರ ಸಿಂಗ್ ಧೋನಿ ಮೂರು ವರ್ಷಗಳ ಬಳಿಕ ಟ್ವೀಟ್ವೊಂದನ್ನು ಲೈಕ್ ಮಾಡಿದ್ದಾರೆ. ಎಂಎಸ್ ಧೋನಿ ಇಷ್ಟಪಟ್ಟಿರುವ ಈ ಟ್ವೀಟ್ ಯಾವುದು ಎಂಬುದನ್ನು ತಿಳಿದುಕೊಂಡರೆ ನೀವು ಕೂಡಾ ಅಚ್ಚರಿಗೊಳಗಾಗುವಿರಿ.
ಹೌದು, 2019ನೇ ಐಸಿಸಿ ಏಕದಿನ ವಿಶ್ವಕಪ್ ವಿರಾಟ್ ಕೊಹ್ಲಿ ನೇತೃತ್ವದ ಟೀಮ್ ಇಂಡಿಯಾ ಗೆಲ್ಲಲಿದೆಯಂತೆ! ಇಂತಹದೊಂದು ವಾರ್ತೆಯನ್ನು ಇನ್ ಖಬರ್ ಡಾಟ್ ಕಾಮ್ ಸತ್ಯಾಂಶಗಳ ಸಹಿತ ವರದಿ ಮಾಡಿದೆ.
ಟ್ವಿಟರ್ನಲ್ಲಿ 6.7 ದಶಲಕ್ಷಗಳಷ್ಟು ಅನುಯಾಯಿಗಳನ್ನು ಹೊಂದಿರುವ ಧೋನಿ ಟ್ವಿಟರ್ಗೆ ಸೇರ್ಪಡೆಯಾಗಿ ಒಂಬತ್ತು ವರ್ಷಗಳ ಅವಧಿಯಲ್ಲಿ ಮಾಡಿರುವ ಮೂರನೇ ಲೈಕ್ ಇದಾಗಿದೆ.
ಪ್ರಸ್ತುತ ಟ್ವೀಟ್ನಲ್ಲಿ ಧೋನಿ ಜತೆಗೆ ವಿರಾಟ್ ಕೊಹ್ಲಿ, ಕೋಚ್ ರವಿಶಾಸ್ತ್ರಿ, ಬಿಸಿಸಿಐ, ಸೌರವ್ ಗಂಗೂಲಿ, ಸಚಿನ್ ತೆಂಡೂಲ್ಕರ್, ಕಪಿಲ್ ದೇವ್, ಮೊಹಮ್ಮದ್ ಅಜರುದ್ದೀನ್, ರಾಜೀವ್ ಶುಕ್ಲಾ, ಅನುರಾಗ್ ಠಾಕೂರ್, ಶರಾದ್ ಪವರ್, ಗೌತಮ್ ಗಂಭೀರ್ ಮತ್ತು ಅಜಯ್ ಜಡೇಜಾ ಅವರನ್ನು ಟ್ಯಾಗ್ ಮಾಡಲಾಗಿದೆ.
ಧೋನಿ ಕೊನೆಯ ಬಾರಿ 2014 ಡಿಸೆಂಬರ್ 31ರಂದು ಟ್ವೀಟ್ವೊಂದನ್ನು ಲೈಕ್ ಮಾಡಿದ್ದರು. ಇದಕ್ಕೂ ಮೊದಲು 2013 ಮಾರ್ಚ್ 10ರಂದು ಟಿವಿ ನಿರೂಪಕ ರಾಜ್ದೀಪ್ ಸರ್ದೇಸಾಯಿ ಅವರ ಟ್ವೀಟ್ ಲೈಕ್ ಮಾಡಿದ್ದರು.
ಈ ಲೇಖನದಲ್ಲಿ ಈಗಷ್ಟೇ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಅವರನ್ನು ವಿವಾಹಿತರಾಗಿರುವ ವಿರಾಟ್ ಕೊಹ್ಲಿ ಅವರಿಗೆ ಅದೃಷ್ಟ ಖುಲಾಯಿಸಲಿದೆ. ಅಲ್ಲದೆ 2019 ವಿಶ್ವಕಪ್ ಗೆಲ್ಲಲಿದ್ದಾರೆ ಎಂದು ವಿವರಿಸಿದೆ.
ಮದುವೆಯಾಗಿ ಭಾಗವಹಿಸಿದ ಮೊದಲ ವಿಶ್ವಕಪ್ ಅನ್ನು 1983ರಲ್ಲಿ ಕಪಿಲ್ ದೇವ್ ಮತ್ತು 2011ರಲ್ಲಿ ಧೋನಿ ಗೆದ್ದುಕೊಂಡಿದ್ದರು. ಅದೇ ರೀತಿ ವಿರಾಟ್ ಕೊಹ್ಲಿ ಸಹ 2019ರಲ್ಲಿ ವಿಶ್ವಕಪ್ ಗೆಲ್ಲಲಿದ್ದಾರೆ ಎಂದು ಹೇಳಿದೆ.
36ರ ಹರೆಯದ ಧೋನಿ 2019ರಲ್ಲಿ ಇಂಗ್ಲೆಂಡ್ನಲ್ಲಿ ನಡೆಯಲಿರುವ ವಿಶ್ವಕಪ್ನಲ್ಲಿ ಭಾಗವಹಿಸಬೇಕೇ? ಅಲ್ಲಿಯ ವರೆಗೂ ಫಿಟ್ನೆಸ್ ಹಾಗೂ ಶ್ರೇಷ್ಠ ಪ್ರದರ್ಶನ ಕಾಯ್ದುಕೊಳ್ಳಲು ಸಾಧ್ಯವೇ ಎಂಬುದು ಸಾಕಷ್ಟು ಚರ್ಚೆಗೀಡು ಮಾಡಿದೆ. ಈ ಬಗ್ಗೆ ಸಾಕಷ್ಟು ಟೀಕೆಗಳು ಬಂದಿರುವಂತೆಯೇ ಮಾಜಿ ನಾಯಕನ ಬೆನ್ನಿಗೆ ನಾಯಕ ಕೊಹ್ಲಿ ಹಾಗೂ ಕೋಚ್ ರವಿಶಾಸ್ತ್ರಿ ನಿಂತಿದ್ದರು.
Comments are closed.