ದೀರ್ಘ ಕಾಲದ ಗೆಳತಿ ಸೋನಂ ವರಿಸಿದ ಸುನಿಲ್ ಛೆಟ್ರಿ

ಕೋಲ್ಕತ್ತಾ: ಭಾರತ ಫುಟ್ಬಾಲ್ ತಂಡದ ನಾಯಕ ಹಾಗೂ ಬೆಂಗಳೂರು ಎಫ್‌ಸಿ ಮುನ್ನಡೆಯ ಆಟಗಾರನಾಗಿರುವ ಸುನಿಲ್ ಛೆಟ್ರಿ ತಮ್ಮ ದೀರ್ಘ ಕಾಲದ ಗೆಳತಿ ಸೋನಂ ಭಟ್ಟಚಾರ್ಯ ಅವರನ್ನು ವಿವಾಹಿತರಾಗಿದ್ದಾರೆ.

ಸೋನಂ ಅವರು ಮೊಹನ್ ಬಗಾನ್ ತಂಡದ ದಿಗ್ಗಜ ಆಟಗಾರ ಸುಬ್ರಟಾ ಭಟ್ಟಚಾರ್ಯ ಅವರ ಪುತ್ರಿಯಾಗಿದ್ದಾರೆ.

ಭಾನುವಾರದಂದು ನಡೆದ ವಿವಾಹದಲ್ಲಿ ಛೆಟ್ರಿ ಸಂಪ್ರದಾಯಿಕ ನೇಪಾಳಿ ಹಾಗೂ ಬಂಗಾಳ ಶೈಲಿಯ ಉಡುಪನ್ನು ಧರಿಸಿದ್ದರು.

ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸೇರಿದಂತೆ ಅನೇಕ ಗಣ್ಯ ಆತಿಥಿಗಳು ಮದುವೆ ಸಮಾರಂಭದಲ್ಲಿ ಭಾಗವಹಿಸಿ ಶುಭ ಹಾರೈಸಿದರು.

33ರ ಹರೆಯದ ಛೆಟ್ರಿ ಪ್ರಸ್ತುತ ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಬೆಂಗಳೂರು ಎಫ್‌ಸಿ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ. ಇತ್ತೀಚೆಗಷ್ಟೇ ಸೋನಂ ಜತೆಗಿನ ನಿಶ್ಚಿತಾರ್ಥ ನೆರವೇರಿತ್ತು.