ಅಂತರಾಷ್ಟ್ರೀಯ

ಮ್ಯಾಂಗೋ ಚಿಕನ್‌ ಕರಿ ಜತೆ ವ್ಯಕ್ತಿಯ ಮದುವೆಗೆ ತಯಾರಿ!

Pinterest LinkedIn Tumblr


ಯು.ಕೆ.ಯ ನಾರ್ತ್‌ ಆ್ಯಂಪ್ಟನ್‌ನಲ್ಲಿರುವ “ಸ್ಯಾಫ್ರನ್‌’ ಎಂಬ ರೆಸ್ಟೋರೆಂಟ್‌ನ ಆಡಳಿತ ಮಂಡಳಿ ಲ್ಯೂಕ್‌ ಎಂಬ ಅಜ್ಞಾತ ವ್ಯಕ್ತಿಯೊಬ್ಬನ ಹಿಂದೆ ಬಿದ್ದಿದೆ. ಹೀಗೆಂದ ಕೂಡಲೇ, ತಿಂದು ಬಿಲ್‌ ಕೊಡದೇ ಓಡಿದ ಗಿರಾಕಿ ಕತೆ ಎಂದುಕೊಳ್ಳಬೇಡಿ. ಸ್ವಾರಸ್ಯ ಇಲ್ಲಿದೆ. ಕೆಲ ದಿನಗಳ ಹಿಂದೆ ಈ ಹೋಟೆಲಿಗೆ ಬಂದಿದ್ದ ಲ್ಯೂಕ್‌ ಎಂಬ ಆಸಾಮಿ, ಈ ಮ್ಯಾಂಗೋ ಚಿಕನ್‌ ಕರಿ ತಿಂದು ಫಿದಾ ಆಗ್ಬಿಟ್ಟಿದ್ದಾನೆ.

ಒಂದೆರಡು ದಿನವಾದ ನಂತರ, “ನಾನು ಮದುವೆಯಾದ್ರೆ ಈ ಮ್ಯಾಂಗೋ ಚಿಕನ್‌ ಕರಿಯನ್ನೇ ಮದುವೆ ಆಗ್ತಿನಿ’ ಅಂತ ಟ್ವೀಟ್‌ ಮಾಡಿದ್ದಾನೆ. ಆ ಟ್ವೀಟ್‌ ಈಗ ವೈರಲ್‌ ಆಗಿ, ಸ್ಯಾಫ್ರನ್‌ ಹೋಟೆಲಿನ ಈ ಖಾದ್ಯಕ್ಕೆ ಭಾರೀ ಭಾರೀ ಬೇಡಿಕೆ ಬಂದುಬಿಟ್ಟಿದೆ. ಇದರಿಂದ ಖುಷಿಯಾಗಿರುವ ಆ ಹೋಟೆಲ್‌ನವರು, ಆ ವ್ಯಕ್ತಿಯನ್ನು ಹುಡುಕಿ ಅವನಿಚ್ಛೆಯಂತೆ ಮ್ಯಾಂಗೋ ಚಿಕನ್‌ ಕರಿ ಜತೆ ವಿವಾಹ ನಡೆಸಲು ನಿರ್ಧರಿಸಿಬಿಟ್ಟಿದ್ದಾರೆ. ತುಂಬಾನೇ ಸೀರಿಯಸ್ಸಾಗಿ ಈ ವ್ಯಕ್ತಿಯ ಹುಡುಕಾಟದಲ್ಲಿದ್ದಾರಂತೆ ಅವರು!

-ಉದಯವಾಣಿ

Comments are closed.