ಜಗತ್ತಿನಲ್ಲಿ ಅತಿ ಹೆಚ್ಚು ಸೇವಿಸಲ್ಪಡುವ ಮಾಂಸಾಹಾರವೆಂದರೆ ಮೀನು. ಇದರ ಬಳಿಕ ಅತಿ ಹೆಚ್ಚು ಸೇವಿಸಲ್ಪಡುವ ಮಾಂಸಾಹಾರವೆಂದರೆ ಕೋಳಿಮಾಂಸ. ಜಗತ್ತಿನಾದ್ಯಂತ ಅತಿ ಹೆಚ್ಚು ಜನರು ಇಷ್ಟಪಡುವ ಈ ಬಿಳಿಮಾಂಸ ಕೇವಲ ರುಚಿಕರ ಮಾತ್ರವಲ್ಲ, ಆರೋಗ್ಯಕರವೂ ಹೌದು, ಪೌಷ್ಟಿಕವೂ ಹೌದು. ಈ ಮಾಂಸದ ಬೇಡಿಕೆಯನ್ನು ಪೂರೈಸಲೆಂದೇ ಜಗತ್ತಿನಾದ್ಯಂತ ಲಕ್ಷಾಂತರ ಕೋಳಿ ಫಾರ್ಮುಗಳಿದ್ದು ಕುಕ್ಕುಟ ಉದ್ಯಮ ಕೋಟ್ಯಂತರ ರೂಪಾಯಿಯ ವ್ಯವಹಾರವಾಗಿದೆ.
ಶೀಘ್ರ ಹಣಮಾಡುವ ಉದ್ದೇಶದಿಂದ ಕೃತಕವಾಗಿ ಕೋಳಿಗಳನ್ನು ಬೆಳೆಸುವ ಉದ್ಯಮಗಳೂ ಇಲ್ಲದಿಲ್ಲ. ಇದಕ್ಕಾಗಿ ಬಳಸುವ ರಾಸಾಯನಿಕಗಳು ಈ ಮಾಂಸದ ಮೂಲಕ ಸೇವಿಸುವವರ ದೇಹವನ್ನು ಸೇರಿ ಆರೋಗ್ಯ ಕೆಡಿಸಬಹುದು. ಉಳಿದಂತೆ ನೈಸರ್ಗಿಕ ವಿಧಾನದಿಂದ ಬೆಳೆಸಲಾದ ಅಥವಾ ನೈಸರ್ಗಿಕ ಪರಿಸರದಲ್ಲಿ ಬೆಳೆದ ನಾಟಿಕೋಳಿಗಳು ಅತ್ಯಂತ ಆರೋಗ್ಯಕರವಾಗಿವೆ. ಬನ್ನಿ, ಕೋಳಿಮಾಂಸದ ಸೇವನೆಯಿಂದ ಪಡೆಯಬಹುದಾದ ಪ್ರಯೋಜನಗಳ ಬಗ್ಗೆ ಅರಿಯೋಣ….
ಚೆನ್ನಾಗಿ ಇಡ್ಲಿ ತಿನ್ನಿ, ಖಂಡಿತ ದೇಹದ ತೂಕ ಕಡಿಮೆ ಆಗುತ್ತದೆ!
ಸಮೃದ್ಧ ಪ್ರೋಟೀನ್
ಕೋಳಿಮಾಂಸದಲ್ಲಿ ಬಹುತೇಕ ಅಂಶ ಪ್ರೋಟೀನ್ ಆಗಿದ್ದು ಸ್ನಾಯುಗಳನ್ನು ಬೆಳೆಸಲು ನೆರವಾಗುತ್ತದೆ. ದೇಹದಾರ್ಢ್ಯ ಹೆಚ್ಚಿಸಬಯಸುವ ಯಾವುದೇ ವ್ಯಕ್ತಿಗೆ ಕೋಳಿಮಾಂಸ ನೀಡುವಷ್ಟು ಪ್ರೋಟೀನ್ ಮತ್ತು ಪೋಷಣೆಯನ್ನು ಬೇರಾವುದೇ ಆಹಾರ ಒದಗಿಸಲಾರದು.
ತೂಕ ಇಳಿಕೆಗೆ ಸೂಕ್ತ ಆಹಾರಗಳು
ಸಾಮಾನ್ಯವಾಗಿ ಮಾಂಸಾಹಾರದಿಂದಲೇ ತೂಕ ಏರುತ್ತದೆ ಎಂದು ನಾವೆಲ್ಲಾ ಅಂದುಕೊಂಡಿದ್ದೇವೆ. ವಾಸ್ತವದಲ್ಲಿ ಕೋಳಿಮಾಂಸದಿಂದ ಸ್ನಾಯುಗಳು ಬೆಳೆಯುತ್ತವೆಯೇ ಹೊರತು ಕೊಬ್ಬಿನ ಸಂಗ್ರಹವಾಗುವುದು ಕಡಿಮೆ. ಇದೇ ಕಾರಣಕ್ಕೆ ಬಿಳಿಮಾಂಸವನ್ನು ಕೆಂಪು ಮಾಂಸಕ್ಕಿಂತಲೂ ಆರೋಗ್ಯಕರ ಎಂದು ಪರಿಗಣಿಸಲಾಗುತ್ತದೆ. ಹಾಗಾಗಿ, ತೂಕ ಇಳಿಸುವ ಪ್ರಯತ್ನದಲ್ಲಿರುವ ವ್ಯಕ್ತಿಗಳ ವ್ಯಾಯಾಮಗಳಿಗೆ ಹೆಚ್ಚಿನ ಶಕ್ತಿ ಒದಗಿಸುತ್ತದೆ ಹಾಗೂ ಕೊಬ್ಬನ್ನು ಕರಗಿಸಲು ನೆರವಾಗುತ್ತದೆ. ಹಾಗಾಗಿ ತೂಕ ಇಳಿಸುವ ಇರಾದೆಯುಳ್ಳವರು ನಿಯಮಿತವಾಗಿ ಕೋಳಿಮಾಂಸ ಸೇವಿಸುವುದು ಉತ್ತಮ.
ಆರೋಗ್ಯಕರ ಮೂಳೆಗಳು
ಕೋಳಿಮಾಂಸದಲ್ಲಿ ಕ್ಯಾಲ್ಸಿಯಂ ಹಾಗೂ ಗಂಧಕಗಳೂ ಇವೆ. ಇವೆರಡೂ ಮೂಳೆಗಳ ದೃಢತೆಗೆ ನೆರವಾಗುತ್ತದೆ ಹಾಗೂ ಸಂಧಿವಾತ, ಓಸ್ಟಿಯೋಪೋರೋಸಿಸ್ ಮೊದಲಾದ ತೊಂದರೆಗಳು ಎದುರಾಗುವ ಸಾಧ್ಯತೆಗಳೂ ಇಲ್ಲವಾಗುತ್ತವೆ.
ಒತ್ತಡನಿವಾರಕ
ಕೋಳಿಮಾಂಸದ ಸೇವನೆಯಿಂದ ಮಾನಸಿಕ ಒತ್ತಡವೂ ನಿವಾರಣೆಯಾಗುತ್ತದೆ ಎಂಬುದು ಹೆಚ್ಚಿನವರಿಗೆ ತಿಳಿದಿಲ್ಲದ ಸಂಗತಿ. ಏಕೆಂದರೆ ಕೋಳಿಮಾಂಸದಲ್ಲಿ ವಿಟಮಿನ್ ಬಿ5 ಹಾಗೂ ಟ್ರಿಪ್ಟೋಫ್ಯಾನ್ ಎಂಬ ಪೋಷಕಾಂಶಗಳಿದ್ದು ಮೆದುಳಿನಲ್ಲಿ ಮುದನೀಡುವ ರಸದೂತಗಳನ್ನು ಸ್ರವಿಸಲು ನೆರವಾಗುತ್ತದೆ. ವಿಶೇಷವಾಗಿ ಮಾಸಿಕ ದಿನಗಳ ಬಳಿಕ ಎದುರಾಗುವ ಮಾನಸಿಕ ಒತ್ತಡದಿಂದ ನಿವಾರಿಸಲು ನೆರವಾಗುತ್ತದೆ.
ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ
ಶೀತ ಕೆಮ್ಮು ಮೊದಲಾದ ಸಮಾನ್ಯ ತೊಂದರೆಗಳೆಲ್ಲಾ ನಮ್ಮ ರೋಗ ನಿರೋಧಕ ಶಕ್ತಿ ಹೊಸ ಬಗೆಯ ಬ್ಯಾಕ್ಟೀರಿಯಾ ಮತ್ತು ವೈರಸ್ಸುಗಳನ್ನು ಎದುರಿಸಲು ಸಕ್ಷಮವಾಗಿಲ್ಲ ಎಂಬುದನ್ನು ತೋರಿಸುತ್ತದೆ. ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಕೋಳಿಮಾಂಸದ ಸೂಪ್ ಅತ್ಯುತ್ತಮವಾಗಿದೆ. ಈ ಸೂಪ್ ನಲ್ಲಿರುವ ಮಾಂಸದ ಅಂಶ ರೋಗ ನಿರೋಧಕ ಶಕ್ತಿಗೆ ಅಗತ್ಯವಿರುವ ಪೋಷಕಾಂಶಗಳನ್ನು ಒದಗಿಸಿದರೆ ಇದರ ಹಬೆ ಶ್ವಾಸನಾಳವನ್ನು ತೆರವುಗೊಳಿಸಿ ಉಸಿರಾಟವನ್ನು ಸುಗಮಗೊಳಿಸುತ್ತದೆ.
ವಿಟಮಿನ್ನುಗಳು ಮತ್ತು ಖನಿಜಗಳಿಂದ ಸಮೃದ್ಧ
ಕೋಳಿಮಾಂಸದಲ್ಲಿ ಹಲವು ಬಗೆಯ ವಿಟಮಿನ್ನುಗಳು ಮತ್ತು ಖನಿಜಗಳಿವೆ. ವಿಶೇಷವಾಗಿ ವಿಟಮಿನ್ ಬಿ ಚರ್ಮದ ತೊಂದರೆಗಳಿಂದ ರಕ್ಷಿಸಿ, ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿ ನಿಃಶಕ್ತಿಯಿಂದ ಕಾಪಾಡುತ್ತದೆ. ಹಲವು ಬಗೆಯ ಪೋಷಕಾಂಶಗಳಿರುವ ಕಾರಣ ಇದೊಂದು ಪರಿಪೂರ್ಣ ಆಹಾರವೆಂದು ಪರಿಗಣಿಸಲಾಗಿದ್ದು ಮೈಗ್ರೇನ್, ಹೃದಯಸಂಬಂಧಿ ತೊಂದರೆ, ಕೂದಲು ನೆರೆಯುವಿಕೆ, ಅಧಿಕ ಕೊಲೆಸ್ಟ್ರಾಲ್, ಮಧುಮೇಹ ಮೊದಲಾದ ಅನಾರೋಗ್ಯಗಳಿಂದ ಕಾಪಾಡುತ್ತದೆ. ವಿಟಮಿನ್ ಎ ಕಣ್ಣಿನ ಆರೋಗ್ಯ ವೃದ್ದಿಸಿದರೆ ಪೊಟ್ಯಾಶಿಯಂ ಕೆಂಪುರಕ್ತಕಣಗಳನ್ನು ವೃದ್ದಿಸುತ್ತದೆ ಹಾಗೂ ರಕ್ತಹೀನತೆಯಿಂದ ಕಾಪಾಡುತ್ತದೆ.
ಕಡಿಮೆಯಾಗುವ ಕೊಲೆಸ್ಟ್ರಾಲ್
ಬಿಳಿಮಾಂಸ ಅತಿ ಆರೋಗ್ಯಕರವೆನ್ನಲು ಈ ಅಂಶವೇ ಕಾರಣ. ಏಕೆಂದರೆ ಯಾವುದೇ ಕೆಂಪುಮಾಂಸದ ಸೇವನೆಯಿಂದ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟ ಏರುತ್ತದೆ. ಆದರೆ ಕೋಳಿಮಾಂಸ, ಮೀನು, ತರಕಾರಿಗಳಲ್ಲಿರುವ ಕೊಬ್ಬುಗಳು ಸಂತೃಪ್ತ ಕೊಬ್ಬುಗಳಾಗಿದ್ದು ರಕ್ತದಲ್ಲಿ ಆರೋಗ್ಯಕರ ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುತ್ತವೆ. ಆದರೆ ಅತಿಯಾದರೆ ಅಮೃತವೂ ವಿಷವೆಂಬಂತೆ ಮೀನಾಗಲೀ, ಕೋಳಿಮಾಂಸವಾಗಲೀ ಅತಿಹೆಚ್ಚು ತಿನ್ನಬಾರದು. ಮಿತಪ್ರಮಾಣದಲ್ಲಿ ನಿಯಮಿತವಾಗಿ ಸೇವಿಸುತ್ತಾ ಬಂದರೆ ಆರೋಗ್ಯ ಉತ್ತಮವಾಗಿರುತ್ತದೆ.
ರಕ್ತದೊತ್ತಡ ನಿಯಂತ್ರಿಸುತ್ತದೆ
ನಿಯಮಿತವಾಗಿ ಕೋಳಿಮಾಂಸವನ್ನು ಸೇವಿಸುತ್ತಾ ಬರುವವರ ಆರೋಗ್ಯ ಉತ್ತಮವಾಗಿದ್ದು ಹೃದಯದ ಒತ್ತಡ ಉತ್ತಮ ಮಟ್ಟಗಳಲ್ಲಿರುತ್ತದೆ. ಅಧಿಕ ರಕ್ತದೊತ್ತಡದ ವ್ಯಕ್ತಿಗಳಿಗೆ ಕೆಂಪು ಮಾಂಸದ ಬದಲಿಗೆ ಕೋಳಿಮಾಂಸ ಮತ್ತು ಒಣಫಲಗಳನ್ನು ಹಾಗೂ ಕಡಿಮೆ ಕೊಬ್ಬಿನ ಆಹಾರಗಳ ಮೂಲಕ ಆಹಾರಕ್ರಮ ಬದಲಿಸಿಕೊಳ್ಳಲು ಸಲಹೆ ಮಾಡಿದ ಬಳಿಕ ಅಧಿಕ ರಕ್ತದೊತ್ತಡ ನಿಯಂತ್ರಣಕ್ಕೆ ಬಂದಿರುವುದು ಅಧ್ಯಯನಗಳಲ್ಲಿ ಕಂಡುಕೊಳ್ಳಲಾಗಿದೆ.
ಅಧಿಕ ಕೊಬ್ಬಿನ ಪ್ರಮಾಣ
ಮಾಂಸಾಹಾರದಲ್ಲಿಯೇ ಅತಿ ಕಡಿಮೆ ಕೊಬ್ಬು ಮೀನು ಮತ್ತು ಕೋಳಿಮಾಂಸದಲ್ಲಿದೆ. ಅದರಲ್ಲೂ ಕೋಳಿಯ ಚರ್ಮ ಮತ್ತು ಮಾಂಸಕ್ಕಂಟಿಕೊಂಡಿದ್ದ ಕೊಬ್ಬಿನ ಭಾಗದಲ್ಲಿರುವ ಕಾರಣ ಸ್ವಚ್ಛಗೊಳಿಸುವಾಗ ಇವನ್ನು ನಿವಾರಿಸಿಬಿಟ್ಟರೆ ಮಾಂಸದಲ್ಲಿ ಅತಿ ಕಡಿಮೆ ಕೊಬ್ಬು ಇರುವಂತೆ ಮಾಡಬಹುದು. ಮಾಂಸದ ಎದೆಭಾಗ ಮತ್ತು ತೊಡೆಯ ಭಾಗದಲ್ಲಿ ಅತಿ ಕಡಿಮೆ ಕೊಬ್ಬು ಇರುತ್ತದೆ. ಅಂದರೆ ಒಂದು ಗ್ರಾಂ ನಲ್ಲಿ ಕೇವಲ ಅರವತ್ತು ಮಿಲಿಗ್ರಾಂ ಮಾತ್ರ.
ಸುಲಭವಾಗಿ ಜೀರ್ಣವಾಗುವ ಆಹಾರಗಳು
ಕೆಲವು ಆಹಾರಗಳು, ವಿಶೇಷವಾಗಿ ಕೆಂಪು ಮಾಂಸಗಳು ಜೀರ್ಣಗೊಳ್ಳಲು ಹೆಚ್ಚಿನ ಶ್ರಮ ತೆಗೆದುಕೊಳ್ಳುತ್ತವೆ. ಆದರೆ ಕೋಳಿಮಾಂಸ ಅತಿ ಸುಲಭವಾಗಿ ಮತ್ತು ಪೂರ್ಣವಾಗಿ ಜೀರ್ಣವಾಗುವ ಆಹಾರವಾಗಿದ್ದು ಅತಿ ರುಚಿಕರವೂ ಆಗಿದೆ. ಹಾಗಾಗಿ ಈ ಮಾಂಸವನ್ನು ಜೀರ್ಣಶಕ್ತಿಯ ತೊಂದರೆ ಇರುವ ವ್ಯಕ್ತಿಗಳೂ, ಅನಾರೋಗ್ಯದಿಂದ ಚೇತರಿಸಿಕೊಳ್ಳುತ್ತಿರುವವರು, ಬಾಣಂತಿಯರು ಮತ್ತು ಮಕ್ಕಳೂ ಸುರಕ್ಷಿತವಾಗಿ ಸೇವಿಸಬಹುದು.
ಅತಿ ರುಚಿಕರ
ರುಚಿಯ ವಿಷಯ ಬಂದಾಗ ಮಾಂಸಾಹಾರಗಳಲ್ಲೇ ಅತಿ ರುಚಿಕರವದುದು ಕೋಳಿಮಾಂಸ. ಈ ಮಾಂಸವನ್ನು ಬಳಸಿ ಮಾಡಬಹುದಾದ ಖಾದ್ಯಗಳ ಸಂಖ್ಯೆ ಅಗಣಿತ! ಬೇಯಿಸಿ, ಸಾರು ಮಾಡಿ, ಹುರಿದು, ಉಪ್ಪಿನಕಾಯಿ ಹಾಕಿ, ಕರಿದು, ಹಬೆಯಲ್ಲಿ ಬೇಯಿಸಿ, ರೊಟ್ಟಿಯನ್ನಾಗಿಸಿ, ಒಟ್ಟಾರೆ ನಿಮಗಿಷ್ಟ ಬಂದ ರೂಪದಲ್ಲಿ ಸೇವಿಸಬಹುದು, ಯಾವುದೇ ಬಗೆಯ ಖಾದ್ಯವಾಗಲಿ, ಇದರ ರುಚಿಗೆ ಮಾತ್ರ ಸಾಟಿಯಿಲ್ಲ!
Comments are closed.