ಇಡೀ ವಿಶ್ವಕ್ಕೆ ಚಾರು ನನ್ನ ಪ್ರೇಯಸಿ ಎಂದು ಹೇಳಲು ಬಯಸಿದ್ದೆ: ಕ್ರಿಕೆಟಿಗ ಸಂಜು ಸ್ಯಾಮ್ಸನ್

ಚೆನ್ನೈ: ಕ್ರಿಕೆಟಿಗ ಸಂಜು ಸ್ಯಾಮ್ಸನ್ ತಮ್ಮ ಪ್ರೀತಿಯ ಕುರಿತ ಗುಟ್ಟನ್ನು ಬಹಿರಂಗ ಪಡಿಸಿದ್ದು, ತಮ್ಮ ಗೆಳತಿ ಚಾರು ಕೈ ಹಿಡಿಯುತ್ತಿದ್ದಾಗಿ ತಿಳಿಸಿದ್ದಾರೆ.

ಈ ಕುರಿತು ತಮ್ಮ ಫೇಸ್ ಬುಕ್ ಖಾತೆಯಲ್ಲಿ ಗೆಳತಿಯೊಂದಿಗಿನ ಫೋಟೋ ಅಪ್ಲೋಡ್ ಮಾಡಿದ್ದಾರೆ. ಸಂಜು ಕಳೆದ 5 ವರ್ಷಗಳಿಂದ ಫೋಟೋ ಶೇರ್ ಮಾಡಲು ಕಾಯುತ್ತಿದ್ದಾಗಿ ತಿಳಿಸಿದ್ದಾರೆ.

2013 ಆಗಸ್ಟ್ 22 ರ 11:11 ಗಂಟೆಗೆ ನಾನು ಆಕೆಗೆ ಮೊದಲ ಬಾರಿಗೆ ಸಂದೇಶ ಮಾಡಿದ್ದು, ಇಲ್ಲಿಗೆ 5 ವರ್ಷ ಕಳೆದಿದೆ. ಅಂದಿನಿಂದ ಇಡೀ ವಿಶ್ವಕ್ಕೆ ಈಕೆ ನನ್ನ ಪ್ರೇಯಸಿ ಎಂದು ಹೇಳಲು ಬಯಸಿದ್ದೆ. ನಾವು ಒಟ್ಟಿಗೆ ಹಲವು ಬಾರಿ ಸಮಯ ಕಳೆದಿದ್ದರು, ಸಾರ್ವಜನಿಕವಾಗಿ ಓಡಾಡಲು ಸಾಧ್ಯವಾಗಿರಲಿಲ್ಲ. ಆದರೆ ಇಂದು ನಾನು ನಮ್ಮ ಪೋಷಕರಿಗೆ ಧನ್ಯವಾದ ತಿಳಿಸಲು ಬಯಸುತ್ತೇನೆ. ನೀವು ಕೂಡ ನಮ್ಮ ಜೋಡಿಗೆ ಶುಭ ಹಾರೈಸಿ ಎಂದು ತಿಳಿಸಿದ್ದಾರೆ.

ಸದ್ಯ ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಚಾರು ತಂದೆ ಡಿಸೆಂಬರ್ 22 ರಂದು ಇಬ್ಬರ ವಿಹಾರ ಸಮಾರಂಭ ನಡೆಯಲಿದೆ ಎಂದು ಖಚಿತ ಪಡಿಸಿದ್ದಾರೆ. ಅಂದಹಾಗೇ ಚಾರು, ಸಂಜು ಇಬ್ಬರು ಒಂದೇ ಕಾಲೇಜಿನಲ್ಲಿ ಓದಿದ ಸ್ನೇಹಿತರಾಗಿದ್ದು, ಸ್ನೇಹ ಬೆಳೆದಂತೆ ಇಬ್ಬರ ನಡುವೆ ಪ್ರೀತಿ ಆರಳಿದೆ. ಸದ್ಯ ಚಾರು ತನ್ನ ಸ್ನಾತಕೋತ್ತರ ಪದವಿ ಪಡೆಯುತ್ತಿದ್ದಾರೆ.

2005 ರಲ್ಲಿ ಟೀಂ ಇಂಡಿಯಾ ಟಿ20 ತಂಡಕ್ಕೆ ಆಯ್ಕೆ ಆಗಿ ಸ್ಯಾಮ್ಸನ್ ಒಂದು ಪಂದ್ಯವಾಡಿ 19 ರನ್ ಗಳಿಸಿದ್ದರು. 2013 ರಲ್ಲಿ ಐಪಿಎಲ್ ಗೆ ಪ್ರವೇಶ ಪಡೆದ ಸ್ಯಾಮ್ಸನ್ ತಮ್ಮ ಆಕರ್ಷಕ ಆಟದ ಮೂಲಕ ಗಮನ ಸೆಳೆದಿದ್ದರು. 2018 ರ ಐಪಿಎಲ್ ಟೂರ್ನಿಯಲ್ಲಿ ರಾಜಸ್ಥಾನ ರಾಯಲ್ ಪರ 15 ಪಂದ್ಯಗಳನ್ನಾಡಿದ್ದ ಸ್ಯಾಮ್ಸನ್ 441 ರನ್ ಗಳಿಸಿದ್ದರು. ಉಳಿದಂತೆ 44 ಪ್ರಥಮ ದರ್ಜೆ ಪಂದ್ಯಗಳಿಂದ 2,602 ರನ್ ಸಿಡಿಸಿದ್ದಾರೆ. ಇನ್ನು 130 ಟಿ20 ಪಂದ್ಯಗಳಲ್ಲಿ 20 ಅರ್ಧಶತಕ, ಏಕೈಕ ಶತಕದೊಂದಿಗೆ 3011 ರನ್ ಸಿಡಿಸಿದ್ದಾರೆ.