ಕ್ರೀಡೆ

ಕೊಹ್ಲಿ ಅಸಾಧಾರಣ ಪ್ರತಿಭೆ, ವಿಶ್ವಶ್ರೇಷ್ಠ: ಮಿಯಾಂದಾದ್

Pinterest LinkedIn Tumblr


ಹೊಸದಿಲ್ಲಿ: ಸಮಕಾಲೀನ ಕ್ರಿಕೆಟ್ ಲೋಕದಲ್ಲಿ ಅಮೋಘ ಪ್ರದರ್ಶನ ನೀಡುತ್ತಿರುವ ಭಾರತೀಯ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಸಾಧನೆಯನ್ನು ಪಾಕಿಸ್ತಾನದ ಮಾಜಿ ನಾಯಕ ಜಾವೇದ್ ಮಿಯಾಂದಾದ್ ಪ್ರಶಂಸಿಸಿದ್ದಾರೆ.

80ರ ದಶಕದಲ್ಲಿ ಕ್ರಿಕೆಟ್ ಲೋಕವನ್ನು ಆಳಿರುವ ಮಿಯಾಂದಾದ್, ಕೊಹ್ಲಿ ಅಸಾಧಾರಣ ಪ್ರತಿಭೆಯನ್ನು ಹೊಗಳಿದ್ದು, ವಿಶ್ವಶ್ರೇಷ್ಠ ಬ್ಯಾಟ್ಸ್‌ಮನ್ ಎಂದು ಬನ್ನಿಸಿದ್ದಾರೆ.

ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಮ್ಯಾಚ್ ವಿನ್ನಿಂಗ್ ಅಜೇಯ 160 ರನ್ ಗಳಿಸಿರುವ ಕೊಹ್ಲಿ ಏಕದಿನದಲ್ಲಿ 34ನೇ ಶತಕದ ಸಾಧನೆ ಮಾಡಿದ್ದರು.

ಕೊಹ್ಲಿ ತಾಂತ್ರಿಕ ಕೌಶಲ್ಯವನ್ನು ಉಲ್ಲೇಖಿಸಿರುವ ಮಿಯಾಂದಾದ್, ಬ್ಯಾಟಿಂಗ್ ವೇಳೆ ಕೊಹ್ಲಿ ಅನುಸರಿಸಿರುವ ನೀತಿಯಿಂದಾಗಿ ಒಂದು ಬಾರಿಯಲ್ಲ, ಬದಲಾಗಿ ಪ್ರತಿ ಬಾರಿಯೂ ರನ್ ಗಳಿಸಲು ಸಾಧ್ಯವಾಗಿದೆ ಎಂದಿದ್ದರೆ.

ಬ್ಯಾಟ್ಸ್‌ಮನ್ ತಾಂತ್ರಿಕತೆ ಕೆಟ್ಟದಾಗಿದ್ದರೆ ಸ್ವಲ್ಪ ಸಮಯ ರನ್ ಗಳಿಸಬಹುದು. ಆದರೆ ಸ್ಥಿರವಾಗಿ ರನ್ ಗಳಿಸುವುದು ಅಸಾಧ್ಯ. ಇದು ಕೊಹ್ಲಿ ವಿಷಯದಲ್ಲಿ ಅಕ್ಷರಶ: ನಿಜವೆನಿಸಿದೆ. ಅವರೊಬ್ಬ ವಿಶ್ವ ಶ್ರೇಷ್ಟ ಬ್ಯಾಟ್ಸ್‌ಮನ್ ಆಗಿದ್ದು, ಬಹುಬೇಗನೇ ಬೌಲರ್‌ಗಳ ಬಲ ಹಾಗೂ ವೀಕ್‌ನೆಸ್ ಅರಿತುಕೊಳ್ಳುತ್ತಾರೆ ಎಂದರು.

Comments are closed.