ಕೋಹ್ಲಿ ಯಶಸ್ಸಿನ ಹಿಂದಿರುವ ಗುಟ್ಟೇನು?

ಹೊಸದಿಲ್ಲಿ: ಟೀಮ್ ಇಂಡಿಯಾ ಆಟಗಾರರು ಕ್ರಿಕೆಟ್ ಬಿಟ್ಟರೆ ಫುಟ್ಬಾಲ್ ಆಡುವುದನ್ನು ಅಭಿಮಾನಿಗಳು ನೋಡಿರುತ್ತಾರೆ. ಆದರೆ ಇವೆರಡರಕ್ಕಿಂತ ವಿಭಿನ್ನವಾಗಿ ಇತರೆ ಕ್ರೀಡೆಗಳಲ್ಲಿ ಭಾಗವಹಿಸುವುದನ್ನು ನೋಡಿರುವೀರಾ?

ಕಾನ್ಪುರದಲ್ಲಿ ಭಾನುವಾರ ನಡೆಯಲಿರುವ ನಿರ್ಣಾಯಕ ಹಾಗೂ ಮೂರನೇ ಏಕದಿನ ಪಂದ್ಯಕ್ಕೂ ಮುನ್ನ ಲಭಿಸಿದ ಬಿಡುವಿನ ವೇಳೆಯಲ್ಲಿ ಟೀಮ್ ಇಂಡಿಯಾ ಆಟಗಾರರು ಇತರೆ ಕ್ರೀಡೆಗಳಲ್ಲಿ ಮಗ್ನವಾಗಿದ್ದರು.

ಬಿಲಿಯಡ್ಸ್, ಸ್ನೂಕರ್ ಸೇರಿದಂತೆ ಇಂದೋರ್ ಕ್ರೀಡೆಗಳಲ್ಲಿ ಪಾಲ್ಗೊಂಡ ನಾಯಕ ವಿರಾಟ್ ಕೋಹ್ಲಿ, ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಮತ್ತು ಇತರೆ ಆಟಗಾರರು ತಾಜಾತನವನ್ನು ಕಂಡುಕೊಂಡರು.

ಯಾವುದೇ ಪಂದ್ಯಕ್ಕೂ ಮುನ್ನ ಮಾನಸಿಕ ಸಿದ್ಧತೆ ಅತ್ಯಂತ ಮಹತ್ವದ್ದಾಗಿರುತ್ತದೆ. ಇದೀಗ ಗ್ರೀನ್ ಪಾರ್ಕ್‌ನಲ್ಲಿ ನಡೆಯಲಿರುವ ರೋಚಕ ಹಣಾಹಣಿಗೆ ಟೀಮ್ ಇಂಡಿಯಾ ಸಜ್ಜಾಗಿದೆ.

ಇನ್ನು ಸಂಪೂರ್ಣ ಮ್ಯಾಚ್ ಫಿಟ್ನೆಸ್ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ದೈನಂದಿನ ವ್ಯಾಯಾಮ ಕಸರತ್ತನ್ನು ನಡೆಸಿದರು .ಇಲ್ಲೂ ನಾಯಕ ವಿರಾಟ್ ಕೋಹ್ಲಿ ಪ್ರಮುಖ ಆಕರ್ಷಣೆಯಾಗಿದ್ದರು.

ಕಠಿಣ ತರಬೇತಿಯೇ ವಿರಾಟ್ ಕೋಹ್ಲಿ ಯಶಸ್ಸಿನ ರಹಸ್ಯವಾಗಿದ್ದು, ಮೈದಾನದಲ್ಲಿ ಇದನ್ನು ಯಶಸ್ವಿಯಾಗಿ ಕಾರ್ಯಗತಗೊಳಿಸುತ್ತಿದ್ದಾರೆ.