ಹೊಸದಿಲ್ಲಿ: ವಿವಾಹಿತ ಮಹಿಳೆಯನ್ನು ನಡು ರಸ್ತೆಯಲ್ಲೇ ಗಂಡ ಮತ್ತು ಮಗುವಿನ ಮುಂದೆಯೇ ಗುಂಡಿಕ್ಕಿ ಕೊಂದ ಪ್ರಕರಣಕ್ಕೆ ಟ್ವಿಸ್ಟ್ ದೊರಕಿದ್ದು ಮಹಿಳೆಯ ಗಂಡನನ್ನೇ ಪೊಲೀಸರು ಬಂಧಿಸಿದ್ದಾರೆ.
ಬುಧವಾರದಂದು ತನ್ನ ಹೆಂಡತಿಗೆ ಯಾರೋ ಗುಂಡಿಟ್ಟು ಕೊಂದರು ಎಂದಿದ್ದ ಪತಿರಾಯ ಗುರುವಾರ ಪೊಲೀಸರ ಎದುರು ತಾನೇ ಗುಂಡಿಕ್ಕಿ ಕೊಂದಿರುವುದಾಗಿ ಒಪ್ಪಿಕೊಂಡಿದ್ದಾನೆ.
34 ವರ್ಷದ ಪ್ರಿಯಾ ಮೆಹ್ತಾರನ್ನು ಆಕೆಯ ಮುಖದ ಮತ್ತು ತಲೆಗೆ ಗುಂಡು ಹಾರಿಸಿ ಹತ್ಯೆಗೈಯಲಾಗಿತ್ತು. ಆರಂಭದಲ್ಲಿ ಯಾರೋ ಆಗಂತುಕರು ತನ್ನ ಹೆಂಡತಿಯನ್ನು ಗುಂಡಿಕ್ಕಿ ಹತ್ಯೆಗೈದಿದ್ದಾರೆ ಎಂದು ಗಂಡ ಪಂಕಜ್ ಮೆಹ್ತಾ ಆರೋಪಿಸಿದ್ದರು
ತಾನು ಕೆಲವರಿಂದ 40 ಲಕ್ಷ ರೂಪಾಯಿ ಸಾಲ ಪಡೆದಿದ್ದು, ಅವರು ಹಣ ವಾಪಸ್ ನೀಡುವಂತೆ ತಮ್ಮನ್ನು ಹೆದರಿಸುತ್ತಿದ್ದಾರೆ, ಹೀಗಾಗಿ ಅವರು ನಮ್ಮ ಮೇಲೆ ದಾಳಿ ಮಾಡಿರಬಹುದು ಎಂದು ಪಂಕಜ್ ಹೇಳಿಕೊಂಡಿದ್ದರು. ಆದರೆ ಇದು ಪೊಲೀಸರಿಗೆ ಸಂಶಯವನ್ನುಂಟು ಮಾಡಿತ್ತು.
ಪೊಲೀಸರು ಮತ್ತೆ ಒತ್ತಾಯ ಮಾಡಿದಾಗ ತನ್ನ ಹೆಂಡತಿ ಮೇಲೆ ಗುಂಡು ಹಾರಿಸಿದ್ದ ತಾನೇ ಎಂದು ಪಂಕಜ್ ಒಪ್ಪಿಕೊಂಡಿದ್ದಾನೆ. ತನ್ನ ಪತ್ನಿಗೆ ತಿಳಿಯದಂತೆ ಪತಿ ಪಂಕಜ್ ಮೆಹ್ರಾ ಇನ್ನೊಂದು ಮದುವೆಯಾಗಿದ್ದು, ಆಕೆಯೊಂದಿಗೆ ಇರಲು ಆತನೇ ಗುಂಡಿಟ್ಟು ಕೊಲೆ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಹೋಟೆಲ್ವೊಂದರ ಮಾಲೀಕನಾಗಿದ್ದ ಪಂಕಜ್ ಶರ್ಮಾ, 11 ವರ್ಷದ ಹಿಂದೆ ಪ್ರಿಯಾಳನ್ನು ಮದುವೆಯಾಗಿದ್ದ. ಕಳೆದ ವಾರವಷ್ಟೇ ದಂಪತಿ ಮಗನ ಹುಟ್ಟುಹಬ್ಬವನ್ನು ಆಚರಿಸಿದ್ದರು. ಇತ್ತೀಚೆಗೆ ಆತನ ಒಂದು ಹೋಟೆಲ್ ಲಾಸ್ನಿಂದಾಗಿ ಮುಚ್ಚಿತ್ತು.
ಆದರೆ ವಿಪರ್ಯಾಸವೆಂದರೆ ತನ್ನ ಪತ್ನಿಯ ಹತ್ಯೆಯ ವೇಳೆ, ದಂಪತಿಯ ಮಗು ಕಾರಿನಲ್ಲಿ ಮಲಗಿತ್ತು. ಹತ್ಯೆ ಮಾಡಲು ಬಳಸಿದ್ದ ಪಿಸ್ತೂಸ್ ಇನ್ನೂ ಪತ್ತೆಯಾಗಿಲ್ಲ. ಪೊಲೀಸರು ಪಂಕಜ್ ಶರ್ಮಾನನ್ನು ವಶಕ್ಕೆ ಪಡೆದಿದ್ದು, ಹೆಚ್ಚಿನ ವಿಚಾರಣೆಗೆ ಒಳಪಡಿಸಿದ್ದಾರೆ.
Comments are closed.