ಅಮ್ಮನಾಗುತ್ತಿರುವ ಸುಳಿವು ಕೊಟ್ಟ ದೀಪಿಕಾ ಪಡುಕೋಣೆ?

ದೀಪಿಕಾ ಪಡುಕೋಣೆಗೆ ಈಗಾಗಲೇ ಇನ್‌ಸ್ಟಾಗ್ರಾಮ್‌ನಲ್ಲಿ 40.3 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ರವಿವಾರ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಹಾಕಿರುವ ಪೋಸ್ಟ್ ಅತಿಹೆಚ್ಚು ಚರ್ಚೆಗೆ ಒಳಗಾಗಿವೆ. ಹಾಗಾದರೆ ಆ ಪೋಸ್ಟ್‌ನಲ್ಲಿ ಏನಿದೆ?

ಮಗುವಿನ ಫೋಟೋ ಹಾಕಿರುವ ದೀಪಿಕಾ ಪಡುಕೋಣೆ ” ದೀಪಾವಳಿ ನಂತರದ ಆಚರಣೆ” ಎಂದು ಬರೆದುಕೊಂಡಿದ್ದಾರೆ. ಅಲ್ಲದೆ ಮಗುವಿನ ಒಂದಷ್ಟು ಫೋಟೋಗಳನ್ನು ಕೂಡ ಶೇರ್ ಮಾಡಿದ್ದಾರೆ. ಈ ಫೋಟೋಗಳು ದೀಪಿಕಾರದ್ದೋ ಅಥವಾ ಅವರು ಗರ್ಭಿಣಿಯಾಗಿರೋದಿಕ್ಕೆ ಮುನ್ಸೂಚನೆ ನೀಡುತ್ತಿದ್ದಾರೋ ತಿಳಿಯುತ್ತಿಲ್ಲ. ದೀಪಿಕಾ ತಾಯಿಯಾಗುತ್ತಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳ ಬಳಕೆದಾರರು ಕಾಮೆಂಟ್ ಮಾಡುತ್ತಿದ್ದಾರೆ. ಇದನ್ನೆಲ್ಲ ನೋಡಿದರೆ ಶುಭ ಸುದ್ದಿ ಕೊಡುತ್ತಿದ್ದಾರಾ ದೀಪಿಕಾ ಎಂಬ ಮಾತು ಕೂಡ ಕೇಳಿಬರುತ್ತಿದೆ. ಕೆಲವರು ‘ಶುಭಾಶಯಗಳು’ ಎಂದೂ ಕೂಡ ಹೇಳುತ್ತಿದ್ದಾರೆ.

‘ಚಾಪಕ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆ್ಯಸಿಡ್ ದಾಳಿಗೆ ತುತ್ತಾದ ಸಂತ್ರಸ್ತೆಯ ಕುರಿತಾದ ಸಿನಿಮಾವಿದು. ಮೇಘನಾ ಗುಲ್ಜಾರ್ ಈ ಸಿನಿಮಾ ನಿರ್ದೇಶಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ವಿಕ್ರಾಂತ್‌ ಮಸ್ಸಿ ನಟಿಸುತ್ತಿದ್ದಾರೆ. ಈ ಸಿನಿಮಾ 2020 ಜನವರಿ 10ರಂದು ತೆರೆ ಕಾಣಲಿದೆ. ‘ತನ್ಹಾಜಿ-ದಿ ಅನ್‌ಸಂಗ್ ವಾರಿಯರ್’ ಸಿನಿಮಾ ಕೂಡ ಇದೇ ಸಂದರ್ಭದಲ್ಲಿ ತೆರೆ ಕಾಣುತ್ತಿದೆ. ಈ ಸಿನಿಮಾದಲ್ಲಿ ಅಜಯ್ ದೇವಗನ್, ಸೈಫ್ ಅಲಿ ಖಾನ್ ನಟಿಸಿದ್ದು ಇದೊಂದು ಪೀರಿಯಡ್ ಡ್ರಾಮಾ ಆಗಿದೆ. ಹೀಗಾಗಿ ದೀಪಿಕಾ ಮತ್ತು ಅಜಯ್ ದೇವಗನ್ ಸಿನಿಮಾ ನಡುವೆ ಬಾಕ್ಸ್ ಆಫೀಸ್ ವಾರ್ ನಡೆಯುವ ಸಾಧ್ಯತೆ ಹೆಚ್ಚಿದೆ.

‘ಮಹಾಭಾರತ’ ಸಿನಿಮಾದಲ್ಲಿ ದ್ರೌಪದಿ ಪಾತ್ರವನ್ನು ಮಾಡುತ್ತಿರುವುದಾಗಿ ದೀಪಿಕಾ ಇತ್ತೀಚೆಗಷ್ಟೇ ಹೇಳಿದ್ದರು. ಮಧು ಮಂಟೆನಾ ಜೊತೆಗೂಡಿ ದೀಪಿಕಾ ಈ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. 2021ರ ದೀಪಾವಳಿ ವೇಳೆಗೆ ಸಿನಿಮಾ ರಿಲೀಸ್ ಆಗುವ ಸಾಧ್ಯತೆ ಹೆಚ್ಚಿದೆ. “ನಾನು ಈ ಪಾತ್ರ ಮಾಡಲು ತುಂಬ ಉತ್ಸುಕಳಾಗಿದ್ದೇನೆ. ದ್ರೌಪದಿ ಪಾತ್ರ ಮಾಡಲು ತುಂಬ ಖುಷಿಯಿದೆ. ಇದೊಂದು ಜೀವಮಾನದ ಪಾತ್ರ ಎಂಬುದು ನನ್ನ ನಂಬಿಕೆ” ಎಂದಿದ್ದಾರೆ ನಟಿ ದೀಪಿಕಾ ಪಡುಕೋಣೆ