ದಕ್ಷಿಣ ಭಾರತದ ಪ್ರತಿಭಾವಂತ ತಾರೆಗಳಲ್ಲಿ ನಿತ್ಯಾ ಮೆನನ್ ಸಹ ಒಬ್ಬರು. ಎತ್ತರ ಸ್ವಲ್ಪ ಕಡಿಮೆ ಇರುವ ಕಾರಣ ಅವಕಾಶಗಳು ಅಷ್ಟಾಗಿ ಹುಡುಕಿಕೊಂಡು ಬರಲಿಲ್ಲ, ಇಲ್ಲದಿದ್ದರೆ ದಕ್ಷಿಣ ಚಿತ್ರರಂಗದಲ್ಲಿ ಸ್ಟಾರ್ ಹೀರೋಯಿನ್ ಎಂಬ ಖ್ಯಾತಿಗೆ ಪಾತ್ರರಾಗುತ್ತಿದ್ದರು ಎಂಬ ಮಾತುಗಳೂ ಕೇಳಿಬರುತ್ತಿರುತ್ತವೆ.
ಆದರೂ ನಿತ್ಯಾ ಮೆನನ್ ಅವರಿಗೇನು ಫ್ಯಾನ್ ಫಾಲೋಯಿಂಗ್ ಕಡಿಮೆ ಇಲ್ಲ. ಕನ್ನಡ ಸೇರಿದಂತೆ ಹಲವಾರು ಭಾಷೆಗಳಲ್ಲಿ ಅವರದೇ ಆದಂತಹ ಅಭಿಮಾನಿ ಬಳಗವಿದೆ. ಗ್ಲಾಮರ್ ಪಾತ್ರಗಳಷ್ಟೇ ಅಲ್ಲದೆ ಅಭಿನಯಕ್ಕೆ ಒತ್ತು ನೀಡುವ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಹಾಗಾಗಿಯೇ ಗೀತ ಗೋವಿಂದಂ, ಎನ್‍ಟಿಆರ್ ಕಥಾನಾಯಕುಡು ರೀತಿಯ ಚಿತ್ರಗಳಲ್ಲೂ ಕಾಣಿಸಿಕೊಂಡರು.
ಸದ್ಯಕ್ಕೆ ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ದಿವಂಗತ ಜಯಲಲಿತಾ ಬಯೋಪಿಕ್‌ನಲ್ಲಿ ನಟಿಸುತ್ತಿದ್ದಾರೆ. ‘ದಿ ಐರನ್ ಲೇಡಿ’ ಎಂಬ ಶೀರ್ಷಿಕೆ ಇಡಲಾಗಿದ್ದು ಈ ಸಿನಿಮಾದಲ್ಲಿ ಜಯಲಲಿತಾ ಪಾತ್ರದಲ್ಲಿ ಕಾಣಿಸಲಿದ್ದಾರೆ ನಿತ್ಯಾ ಮೆನನ್. ಈಗಾಗಲೆ ಈ ಚಿತ್ರದ ಫಸ್ಟ್ ಲುಕ್ ಸಹ ರಿಲೀಸ್ ಆಗಿದೆ.
ಈ ಸಿನಿಮಾ ಹಾಗೂ ಜಯಲಲಿತಾ ಬಗ್ಗೆ ತಮಿಳುನಾಡಿನ ಜನಪ್ರಿಯ ದೈನಿಕವೊಂದು ಲೇಖನ ಬರೆದಿದ್ದು “ಶ್ರೀಮತಿ ನಿತ್ಯಾ ಮೆನನ್” ಎಂದು ಶೀರ್ಷಿಕೆ ನೀಡಿರುವುದು ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಶ್ರೀಮತಿ ಅಂತ ಮದುವೆಯಾದವರನ್ನು ಮಾತ್ರ ಸಂಬೋಧಿಸುತ್ತಾರೆ. ಆದರೆ ಜನಪ್ರಿಯ ದಿನಪತ್ರಿಕೆ ಶ್ರೀಮತಿ ಎಂದು ಬರೆದದ್ದು ಯಾಕೆ ಅಂತ ಚರ್ಚೆ ನಡೆಯುತ್ತಿದೆ. ಬಹುಶಃ ನಿತ್ಯಾ ಮೆನನ್ ಗುಟ್ಟಾಗಿ ಮದುವೆಯಾಗಿದ್ದಾರೆ ಎಂಬ ಗುಸುಗುಸು ಹಬ್ಬಿದೆ.
ದಕ್ಷಿಣದ ಜನಪ್ರಿಯ ತಾರೆಗಳಾದ ರಾಧಿಕಾ ಆಪ್ಟೆ, ಶ್ರೀಯಾ ಶರಣ್, ಇಲಿಯಾನಾ ಗುಟ್ಟಾಗಿ ಮದುವೆಯಾದವರು. ಬಾಯ್‌ಫ್ರೆಂಡ್‌ಗಳ ಜತೆಗೆ ಮದುವೆಯಾದ ಸ್ವಲ್ಪ ವರ್ಷಗಳ ನಂತರ ಮದುವೆ ಸಂಗತಿ ತಿಳಿಸಿದವರು. ಇಲಿಯಾನಾ ಅಂತೂ ಮದುವೆಯಾಗಿ ವಿಚ್ಛೇದವನ್ನೂ ಪಡೆದಿದ್ದಾರೆ. ಹಾಗಾಗಿ ನಿತ್ಯಾ ಮೆನನ್ ವಿಚಾರದಲ್ಲೂ ಹೀಗೆಯೇ ಆಗಿರಬಹುದು ಎಂಬ ಚರ್ಚೆ ನಡೆಯುತ್ತಿದೆ.
ಟೆಲಿವಿಷನ್ ಪ್ರೊಡ್ಯೂಸರ್, ನಿರ್ದೇಶಕರಾದ ಆಲಿವರ್ ಕಲ್ಹೌನ್ ಜತೆಗಿನ ಫೋಟೋಗಳನ್ನು ಈಗಾಗಲೆ ನಿತ್ಯಾ ಮೆನನ್ ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡಿದ್ದಾರೆ. Oneness University ಯಲ್ಲಿ ಶಿಕ್ಷಣ ಪಡೆಯುವಾಗಲೇ ಆಲಿವರ್ ತನಗೆ ಬೆಸ್ಟ್ ಫ್ರೆಂಡ್ ಎಂದಿದ್ದರು. ಹಾಗಾಗಿ ನಿತ್ಯಾ ಮದುವೆ ಬಗ್ಗೆ ಇನ್ನಷ್ಟು ಗಾಸಿಪ್‌ಗಳು ಹಬ್ಬಿವೆ. ಈ ಬಗ್ಗೆ ನಿತ್ಯಾ ಮೆನನ್ ಪ್ರತಿಕ್ರಿಯಿಸದೆ ಹೊರತು ಅನುಮಾನಕ್ಕೆ ಬ್ರೇಕ್ ಬೀಳಲ್ಲ.
Comments are closed.