ಬಿಗ್ ಬಾಸ್ ಮನೆಯಲ್ಲಿ ಕ್ಷಮೆ ಕೇಳುವ ಟಾಸ್ಕ್ ನೀಡಲಾಗಿತ್ತು. ಬಿಗ್ ಬಾಸ್ ಸ್ಪರ್ಧಿಗಳು ತಾವು ಮಾಡಿದ ತಪ್ಪನ್ನು ಎಲ್ಲರ ಮುಂದೆ ಹೇಳಿದ್ದಾರೆ. ಭೂಮಿ ಶೆಟ್ಟಿ ತನ್ನ ಮಾವನಿಗೆ ಹರ್ಟ್‌ ಮಾಡಿದ್ದೇನೆಂದು ಹೇಳಿ, ಅತ್ತಿದ್ದಾರೆ. ಈ ಮನೆಯಿಂದ ಹೊರಬಂದಮೇಲೆ ನನ್ನನ್ನು ಮಾತನಾಡಿಸು ಮಾವ ಅಂತ ಗೋಗರೆದಿದ್ದಾರೆ. ಜೈ ಜಗದೀಶ್ ಕೂಡ ತಮ್ಮ ದೊಡ್ಡ ಕೊರಗನ್ನು ಹೇಳಿ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ.
ಸಿನಿಮಾ ಮಾಡುತ್ತಿದ್ದಾಗ ಜೈ ಜಗದೀಶ್ ಹೇಗಿದ್ದರು?
ಜೈ ಜಗದೀಶ್ 600ಕ್ಕಿಂತಲೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆ ಕಾಲದಲ್ಲಿ ಅವರು ತುಂಬ ಬಹುಬೇಡಿಕೆಯ ನಟ. ಹೀಗಾಗಿ ಅವರ ಸಂಭಾವನೆ ಹೆಚ್ಚಿತ್ತು. ದುಡ್ಡು, ಸ್ಟೇಟಸ್ ಹೆಚ್ಚಿರುವ ಕಾರಣಕ್ಕೋ ಏನೋ ಅಹಂಕಾರ ಬಂದಿತ್ತು, ನನ್ನ ತಂದೆ ತಾಯಿಗೆ, ಅಕ್ಕತಂಗಿಯರಿಗೆ ಬೇಸರ ಮಾಡಿದ್ದೇನೆ, ಅವರಿಗೆಲ್ಲ ಕ್ಷಮೆ ಕೇಳುತ್ತೇನೆ. ಕಾರ್, ಕ್ಲಬ್ ಮೆಂಬರ್ ಆಗೋದು, ಮಜಾ ಮಾಡೋದು ಜಾಸ್ತಿಯಾಗಿತ್ತು ಎಂದಿದ್ದಾರೆ ಜೈ ಜಗದೀಶ್.
ವಿಜಯ ಲಕ್ಷ್ಮೀ ಸಿಂಗ್ ಅವರ ಪತಿ ಜೈ ಜಗದೀಶ್ ಎನ್ನೋದು ಎಲ್ಲರಿಗೂ ಗೊತ್ತಿರುವ ವಿಚಾರವೇ. ಆದರೆ ಜೈ ಜಗದೀಶ್ ಅವರಿಗೆ ಇದು ಎರಡನೇ ಮದುವೆ. ರೂಪಾ ಎಂಬ ಸುಂದರ ಯುವತಿಯನ್ನು ಜೈ ಜಗದೀಶ್ ಪ್ರೀತಿಸಿದ್ದರು, ನಟ ವಿಷ್ಣುವರ್ಧನ್ ಸಹಾಯ ಪಡೆದು ಮದುವೆಯಾಗಿ ಆರು ವರ್ಷ ಜೀವನ ನಡೆಸಿದ್ದರಂತೆ. ಈ ದಂಪತಿಗೆ ಒಂದು ಹೆಣ್ಣು ಮಗುವಿತ್ತು. ಆದರೆ ಜೈ ಜಗದೀಶ್ ಮತ್ತು ರೂಪಾ ನಡುವೆ ಭಿನ್ನಾಭಿಪ್ರಾಯ ಬಂದು ಇಬ್ಬರು ವಿಚ್ಛೇದನ ಪಡೆದರು.
ಆ ಮಗಳು ಈಗ ಏನು ಮಾಡುತ್ತಿದ್ದಾಳೆ?
ಜೈ ಜಗದೀಶ್ ಅವರ ಪತ್ನಿ ವಿಚ್ಛೇದನ ಪಡೆದ ನಂತರ ಮಗಳನ್ನು ಕರೆದುಕೊಂಡು ಹೊರಟು ಹೋದರಂತೆ. ಎಷ್ಟೋ ವರ್ಷಗಳ ಕಳೆದಮೇಲೆ ಆ ಮಗಳನ್ನು ಜಗದೀಶ್ ಅವರ ಮಗಳನ್ನು ಭೇಟಿ ಮಾಡಿದರಂತೆ. ಬಳಿಕ ಮಗಳಿಗೆ ಮದುವೆ ಮಾಡಲಾಯಿತಂತೆ. ಆದರೆ ಅಳಿಯ ಮದುವೆಯಾಗಿ ಏಳು ವರ್ಷವಾದರೂ ಮಗು ಬೇಡ ಎಂದರಂತೆ. ಈ ಮನಸ್ತಾಪದಿಂದ ಜೈ ಜಗದೀಶ್ ಮಗಳು ವಿಚ್ಛೇದನ ಪಡೆದರಂತೆ.
“ಅವಳಿಗೆ ಈಗ ಗಂಡ ಮತ್ತು ತಂದೆ ಇಬ್ಬರೂ ಜತೆಗಿಲ್ಲ. ಅಪ್ಪ- ಅಮ್ಮನ ಜಗಳದಿಂದ ಮಗಳು ಕಷ್ಟ ಪಟ್ಟಳು. ಅವಳೇನು ಮಾಡಿದ್ದಳು? ಅವಳಿಗೇಕೆ ಈ ಕಷ್ಟ?” ಎಂದು ನೊಂದು ನುಡಿದ ಜೈ ಜಗದೀಶ್, ”ಅವಳು ಸದಾ ಖುಷಿಯಾಗಿರಲಿ ಎಂದೇ ಪ್ರಾರ್ಥಿಸುತ್ತೇನೆ, ಧೈರ್ಯ ಹೇಳುತ್ತೇನೆ” ಎಂದು ಬಿಗ್ ಬಾಸ್ ಮನೆಯಲ್ಲಿ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ.
ಅವರ ಮಗಳೀಗ ತಾಯಿ ರೂಪಾ ಜೊತೆಗೆ ವಾಸವಿದ್ದಾರಂತೆ.
ವಿಜಯ ಲಕ್ಷ್ಮೀ ಸಿಂಗ್ ಜೊತೆ 2ನೇ ಮದುವೆ
ಮೊದಲ ಪತ್ನಿಯಿಂದ ದೂರಾದ ಬಳಿಕ ಜೈ ಜಗದೀಶ್ ನಿರ್ಮಾಪಕಿ, ನಿರ್ದೇಶಕಿ, ನಟಿ ವಿಜಯ ಲಕ್ಷ್ಮೀ ಸಿಂಗ್ ಜತೆ ವಿವಾಹವಾದರು. ಈ ದಂಪತಿಗೆ ವೈಭವಿ, ವೈಸಿರಿ, ವೈನಿಧಿ ಎಂಬ ಮೂವರು ಪುತ್ರಿಯರಿದ್ದಾರೆ.
Comments are closed.