ಮನೋರಂಜನೆ

ಅಕ್ಟೋಬರ್‌ ತಿಂಗಳಲ್ಲಿ ಬಾಲಿವುಡ್ ನಟಿ ಪ್ರಿಯಾಂಕ ಚೋಪ್ರಾ ಮದುವೆ

Pinterest LinkedIn Tumblr


ಕಳೆದ ಶನಿವಾರ ಮುಂಬಯಿನಲ್ಲಿ ನಿಕ್‌ ಜೊನಾಸ್‌ ಜೊತೆ ಸಾಂಪ್ರದಾಯಿಕ ರೀತಿಯಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿರುವ ನಟಿ ಪ್ರಿಯಾಂಕ ಚೋಪ್ರಾ ಅಕ್ಟೋಬರ್‌ನಲ್ಲಿ ಮದುವೆಯಾಗಲಿದ್ದಾರೆ ಎಂದು ತಿಳಿದು ಬಂದಿದೆ. ಮದುವೆಯ ದಿನಾಂಕ ಇನ್ನೂ ಅಂತಿಮಗೊಂಡಿಲ್ಲ. ಪ್ರಿಯಾಂಕ ಮತ್ತು ನಿಕ್‌ ಕೂಡಾ ಡೆಸ್ಟಿನೇಷನ್‌ ವೆಡ್ಡಿಂಗ್‌ಗೆ ಆದ್ಯತೆ ನೀಡುತ್ತಿದ್ದು, ವಿದೇಶದಲ್ಲಿರುವ ಸುಂದರ ತಾಣದಲ್ಲಿ ಸತಿಪತಿಯಾಗುವ ಸಾಧ್ಯತೆ ಇದೆಯಂತೆ.

ತಮ್ಮ ಹೆತ್ತವರ ಸಮ್ಮುಖದಲ್ಲಿ ಪ್ರಿಯಾಂಕರಿಗೆ ಎಂಗೇಜ್‌ಮೆಂಟ್‌ ರಿಂಗ್‌ ತೊಡಿಸಿದ ನಿಕ್‌ ಜೊನಾಸ್‌, ಮದುವೆಗೂ ಭರ್ಜರಿ ಪ್ಲಾನಿಂಗ್‌ ಹಾಕಿಕೊಂಡಿದ್ದಾರಂತೆ. ಎಂಗೇಜ್‌ಮೆಂಟ್‌ ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಾಕಿರುವ ಈ ಜೋಡಿ, ಎಂಗೇಜ್‌ಮೆಂಟ್‌ ಪಾರ್ಟಿಗೆ ಕೆಲವೇ ಕೆಲವು ಆತ್ಮೀಯರನ್ನು ಆಹ್ವಾನಿಸಿದ್ದರು. ಪ್ರಿಯಾಂಕರ ಕಸಿನ್‌ ಪರಿಣಿತಿ ಚೋಪ್ರಾ, ಸಲ್ಮಾನ್‌ ಖಾನ್‌ ತಂಗಿ ಅರ್ಪಿತಾ ಖಾನ್‌, ಆಲಿಯಾ ಭಟ್‌, ಸಂಜಯ್‌ ಲೀಲಾ ಭನ್ಸಾಲಿ, ಅಂಬಾನಿ ಕುಟುಂಬ, ವಿಶಾಲ್‌ ಭಾರಧ್ವಾಜ್‌ ಮುಂತಾದವರು ಪಾಲ್ಗೊಂಡಿದ್ದರು

Comments are closed.