ಕಣ್ಣಿನ ಭಾಷೆಯಲ್ಲೇ ಯುವಕರನ್ನು ಫಿದಾ ಮಾಡಿದ ಮಲಯಾಳಿ ಬೆಡಗಿ ಪ್ರಿಯಾ ಪ್ರಕಾಶ್ ವಾರಿಯರ್ ಬಗ್ಗೆಯೇ ಈಗ ಎಲ್ಲೆಲೂ ಮಾತುಕತೆ. ಟಿವಿ ಚಾನಲ್, ಫೇಸ್ಬುಕ್, ಟ್ವಿಟ್ಟರ್ ಎಲ್ಲಿ ನೋಡಿದರೂ ಪ್ರಿಯಾ ಪ್ರಿಯಾ ಧ್ಯಾನ. ಈಗ ಗೂಗಲ್ ಟ್ರೆಂಡ್ಸ್ನಲ್ಲಿ ಭಾರತದ ಎಲ್ಲಾ ಹಾಟ್ ತಾರೆಗಳಿಗಿಂತ ಮುಂದಿದ್ದಾರೆ. ಗೂಗಲ್ ಸರ್ಚ್ನಲ್ಲಿ ಇದುವರೆಗೆ ಅತ್ಯಧಿಕವಾಗಿದ್ದ ಬಾಲಿವುಡ್ ನಟಿ ಸನ್ನಿ ಲಿಯೋನ್ರನ್ನು ಪ್ರಿಯಾ ಪಕ್ಕಕ್ಕೆ ಸರಿಸಿರುವುದು ವಿಶೇಷ.
ಮಲಯಾಳಂನ ‘ಒರು ಅಡರ್ ಲವ್’ ಚಿತ್ರದ ‘ಮಾಣಿಕ್ಯ ಮಲರಾಯ ಪೂವಿ’ ಹಾಡಿನಲ್ಲಿ ತನ್ನ ಕಣ್ಣ ಹುಬ್ಬುಗಳನ್ನು ಬಾಣದಂತೆ ಮೀಟುತ್ತಾ ಮಾಡುವ ಮೋಡಿಯ ಮೂಲಕ ರಾತ್ರೋ ರಾತ್ರಿ ಪ್ರಿಯಾ ಪ್ರಕಾಶ್ ಯುವಕರ ಹೃದಯ ಕದ್ದಿದ್ದಾರೆ. ಸಾಮಾಜಿಕ ಮಾಧ್ಯಮಗಳಲ್ಲೂ ಸಿಕ್ಕಾಪಟ್ಟೆ ಟ್ರೆಂಡ್ ಆಗಿರುವ ಬೆಡಗಿ.
ಪ್ರಿಯಾ ಕಣ್ಣಲ್ಲೇ ಬಿಟ್ಟ ಹೂಬಾಣಕ್ಕೆ ಕತ್ರಿನಾ ಕೈಫ್, ಅನುಷ್ಕಾ ಶರ್ಮಾ, ದೀಪಿಕಾ ಪಡುಕೋಣೆ ಗೂಗಲ್ ಸರ್ಚ್ನಲ್ಲಿ ತೀರಾ ಹಿಂದೆ ಬೀಳುವಂತಾಗಿದೆ. ಕೇರಳದ ತ್ರಿಶೂರ್ ಮೂಲದ 18 ವರ್ಷಗಳ ಪ್ರಿಯಾ ವೈರಲ್ ವೀಡಿಯೋದಲ್ಲಿ ಎಲ್ಲರನ್ನೂ ಕಣ್ಣ ಸಲಿಗೆಯಲ್ಲೇ ಬೀಳಿಸುವ ಮೂಲಕ ಸೆಲೆಬ್ರಿಟಿಯಾಗಿ ಬದಲಾಗಿದ್ದು ಗೊತ್ತೇ ಇದೆ.
Comments are closed.