‘ನನ್ನ ತಾಯಿ ನಿನೆಟ್ ಪ್ರಭು ಬಲವಂತಕ್ಕೆ ಚರ್ಚ್‌ಗೆ ಹೋಗುತ್ತಿದ್ದೆ ಎಂದು ನಟಿ ಸಮಂತಾ ಹೇಳಿದ್ದಾರೆ. ಅವರು ಟ್ವಿಟ್ಟರ್‌ನಲ್ಲಿ ತಮ ಹಳೆ ದಿನಗಳನ್ನು ನೆನಪು ಮಾಡಿಕೊಂಡಿದ್ದಾರೆ. ಜತೆಗೆ ಚರ್ಚ್ ಒಂದರ ಮುಂದೆ ನಿಂತಿರುವ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ.
‘ನನ್ನ ಅಮ್ಮ ಚರ್ಚ್‌ಗೆ ಒತ್ತಾಯಪೂರ್ವಕವಾಗಿ ಕರೆದೊಯ್ಯುತ್ತಿದ್ದ ದಿನಗಳು ನೆನಪಾದವು. ವಾರದಲ್ಲಿ ಮೂರು ದಿನ, ಬುಧವಾರ, ಶನಿವಾರ, ಭಾನುವಾರ ಕರೆದುಕೊಂಡು ಹೋಗುತ್ತಿದ್ದರು. ಆಗದು ನನಗೆ ಇಷ್ಟವಾಗುತ್ತಿರಲಿಲ್ಲ. ಆದರೆ ಅವರ ಪ್ರಾರ್ಥನೆಗಳೇ ನನ್ನನ್ನು ಕಾಪಾಡಿದವು. ನನ್ನ ಅದ್ಭುತ ಅಮ್ಮ’ ಎಂದಿದ್ದಾರೆ.
ಮದುವೆಯ ಬಳಿಕವೂ ಸಮಂತಾ ಸಾಕಷ್ಟು ಚಿತ್ರಗಳಲ್ಲಿ ಬಿಜಿಯಾಗಿದ್ದಾರೆ. ತೆಲುಗಿನ ಎರಡು ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಎರಡೂ ಚಿತ್ರಗಳು ಬಿಗ್ ಬಜೆಟ್ ಎಂಬುದು ವಿಶೇಷ. ಒಂದು ರಾಮ್ ಚರಣ್ ನಾಯಕ ನಟನಾಗಿರುವ ‘ರಂಗಸ್ಥಲಂ’ ಹಾಗೂ ಇನ್ನೊಂದು ‘ಮಹಾನಟಿ’. ತಮಿಳಿನಲ್ಲೂ ಎರಡು ಚಿತ್ರಗಳಲ್ಲಿ ಬಣ್ಣಹಚ್ಚಿದ್ದಾರೆ.
Comments are closed.