ಸಲಿಂಗಿ ಪಾತ್ರದಲ್ಲಿ ನಟಿ ನಿತ್ಯಾ ಮೆನನ್?

ಹೊಸ ತರಹದ ಪಾತ್ರಗಳೆಂದರೆ ನಟಿ ನಿತ್ಯಾ ಮೆನನ್‌ಗೆ ತುಂಬಾ ಇಷ್ಟವಂತೆ. ಹಾಗಾಗಿಯೇ ರೆಗ್ಯುಲರ್ ಪಾತ್ರಗಳಿಂದ ಅವರು ತುಂಬಾ ದೂರ ಉಳಿದಿರುತ್ತಾರೆ. ಅವರ ಕೈಲಿ ಕಡಿಮೆ ಪಾತ್ರಗಳಿದ್ದರೂ ಅವೆಲ್ಲವೂ ವೈವಿಧ್ಯಮಯ ಎಂಬುದು ವಿಶೇಷ. ಇದೀಗ ಇನ್ನೊಂದು ಪ್ರಯೋಗಕ್ಕೆ ನಿತ್ಯಾ ಮೆನನ್ ಸಿದ್ಧವಾಗುತ್ತಿದ್ದಾರೆ.

ಚಿತ್ರವೊಂದರಲ್ಲಿ ಅವರು ಸಲಿಂಗಿ ಪಾತ್ರವನ್ನು ಪೋಷಿಸಲಿದ್ದಾರಂತೆ. ಟಾಲಿವುಡ್ ಸಿನಿಮಾ ಒಂದರಲ್ಲಿ ಅವರು ಈ ರೀತಿಯ ಪಾತ್ರ ಪೋಷಿಸುತ್ತಿದ್ದಾರೆ ಎನ್ನುತ್ತವೆ ಮೂಲಗಳು. ಮತ್ತೊಬ್ಬ ನಾಯಕಿ ಜತೆಗೆ ಲಿಪ್ ಲಾಕ್ ಮಾಡಿದ್ದಾರಂತೆ. ಆ ನಾಯಕಿ ಯಾರು, ಸಿನಿಮಾದ ಏನು ಎತ್ತ ಎಂಬ ವಿವರಗಳು ಇನ್ನಷ್ಟೇ ಗೊತ್ತಾಗಬೇಕು.

ಸದ್ಯಕ್ಕೆ ನಿತ್ಯಾ ಮೆನನ್ ‘ಅ’ ಎಂಬ ತೆಲುಗು ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಆ ಚಿತ್ರದಲ್ಲಿ ಇನ್ನಿಬ್ಬರು ಹೀರೋಯಿನ್‌ಗಳಿದ್ದಾರೆ. ಒಬ್ಬರು ರೆಜೀನಾ ಹಾಗೂ ಇನ್ನೊಬ್ಬ ಬೆಡಗಿ ಕಾಜಲ್ ಅಗರ್ವಾಲ್. ಬಹುಶಃ ಈ ಚಿತ್ರದಲ್ಲೇ ನಿತ್ಯ ಹೊಸ ಪ್ರಯೋಗ ಇರುತ್ತದೆ ಎಂಬ ಸುದ್ದಿ ಇದೆ. ಈ ರೀತಿಯ ಸನ್ನಿವೇಶಗಳಿಗೆ ಸೆನ್ಸಾರ್ ಅನುಮತಿ ಕೊಡುತ್ತಾ ಎಂಬುದನ್ನು ಕಾಡುನೋಡಬೇಕು.