ಧರ್ಮಶಾಲಾ: ಭಾರತ ಪ್ರವಾಸದಲ್ಲಿರುವ ಶ್ರೀಲಂಕಾ ತಂಡ ಮೊದಲ ಏಕದಿನ ಪಂದ್ಯದಲ್ಲಿ ಭರ್ಜರಿ ಜಯ ಗಳಿಸಿದೆ.
ಧರ್ಮಶಾಲಾದಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಶ್ರೀಲಂಕಾ 7 ವಿಕೆಟ್ ಗಳಿಂದ ಭರ್ಜರಿ ಜಯ ಗಳಿಸಿತು. ಲಂಕಾ ಪರ ತರಂಗಾ 49, ಮ್ಯಾಥ್ಯೂಸ್ ಅಜೇಯ 25, ಡಿಕ್ವೇಲ್ಲಾ ಅಜೇಯ 26 ರನ್ ಗಳಿಸಿ ತಂಡದ ಗೆಲುವಿನ ಪ್ರಮುಖ ಪಾತ್ರ ವಹಿಸಿದರು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾ ಮೊದಲ ಏಕದಿನ ಪಂದ್ಯದಲ್ಲಿ 38.2 ಓವರ್ ಗಳಿಗೆ ತನ್ನೆಲ್ಲಾ ವಿಕೆಟ್ ಗಳನ್ನು ಕಳೆದುಕೊಂಡು ಎದುರಾಳಿ ತಂಡಕ್ಕೆ 113 ರನ್ ಗಳ ಸುಲಭದ ಗುರಿ ನೀಡಿತು. ಲಂಕಾ ಮಾರಕ ಬೌಲಿಂಗ್ ಗೆ ತತ್ತರಿಸಿದ ಆರಂಭಿಕ ಆಟಗಾರರು ಕನಿಷ್ಠ 2 ಅಂಕಿಯ ರನ್ ಗಳನ್ನೂ ಗಳಿಸಲು ಸಾಧ್ಯವಾಗಲಿಲ್ಲ. ಆದರೆ ಮಹೇಂದ್ರ ಸಿಂಗ್ ಧೋನಿ ಲಂಕಾ ಆಟಗಾರರನ್ನು ಏಕಾಂಗಿಯಾಗಿ ಎದುರಿಸಿ 87 ಎಸೆತಗಳಲ್ಲಿ 65 ರನ್ ಗಳಿಸಿದರು.
ರೋಹಿತ್ ಶರ್ಮಾ (2), ಶಿಖರ್ ಧವನ್ (೦), ಶ್ರೇಯಸ್ ಅಯ್ಯರ್ (9) ದಿನೇಶ್ ಕಾರ್ತಿಕ್ (0) ಮನೀಷ್ ಪಾಂಡೆ (2) ಹಾರ್ದಿಕ್ ಪಾಂಡ್ಯ (10) ಭುವನೇಶ್ವರ್ ಕುಮಾರ್ (0) ಕುಲ್ದೀಪ್ ಯಾದವ್(19) ಜಸ್ಪ್ರೀಪ್ ಭೂಮ್ರಾ (0) ಯಜುವೇಂದ್ರ ಚಾಹಲ್(0) ರನ್ ಗಳನ್ನು ಗಳಿಸಿದ್ದಾರೆ.
ಲಂಕಾ ಪರ ಅತ್ಯುತ್ತಮ ಬೌಲಿಂಗ್ ಮಾಡಿರುವ ಸುರಂಗ ಲಕ್ಮಲ್ 13 ರನ್ ನೀಡಿ 4ವಿಕೆಟ್ ತೆಗೆದಿದ್ದಾರೆ.
Comments are closed.