ಮನೋರಂಜನೆ

ಬಿಗ್‌ಬಾಸ್‌ ನಿವೇದಿತಾ ಮದುವೆಯಾಗುವ ಹುಡುಗನಲ್ಲಿ ಏನೆಲ್ಲಾ ಗುಣಗಳು ಇರಬೇಕಂತೆ ಗೊತ್ತಾ..?

Pinterest LinkedIn Tumblr

ಬಿಗ್‌ಬಾಸ್‌ ಮನೆಯ ಪ್ರಮುಖ ಆಕರ್ಷಣೆಗಳಲ್ಲಿ ಬಾರ್ಬೀ ಡಾಲ್‌ ನಿವೇದಿತಾ ಗೌಡ ಕೂಡ ಒಬ್ಬರು. ಶುಕ್ರವಾರದ ಎಪಿಸೋಡ್‌ನಲ್ಲಿ ಈ ಗೊಂಬೆಯ ಮದುವೆ ವಿಚಾರವಾಗಿ ಒಂದಿಷ್ಟು ಇಂಟ್ರೆಸ್ಟಿಂಗ್‌ ಚರ್ಚೆ ನಡೆಯಿತು. ಈ ಚರ್ಚೆಯಲ್ಲಿ ಜೆಕೆ, ಜಗನ್‌, ಚಂದನ್‌ ಮತ್ತು ದಿವಾಕರ್‌ ಭಾಗವಹಿಸಿ, ಮಜವಾಗಿ ನಿವೇದಿತಾಳ ಕಾಲೆಳೆದರು.

ಮದುವೆಯಾಗುವ ಹುಡುಗ ಹೇಗಿರಬೇಕು ಎಂಬ ಪ್ರಶ್ನೆಗೆ ಉತ್ತರಿಸುತ್ತ ಹೋದ ನಿವೇದಿತಾ, ‘ನನ್ನನ್ನು ಹೆಚ್ಚು ಲವ್‌ ಮಾಡಬೇಕು. ಆಗಾಗ ಕ್ಯೂಟ್‌ ಗಿಫ್ಟ್‌ ಕೊಟ್ಟು ಸರಪ್ರೈಸ್‌ ಕೊಡುತ್ತಿರಬೇಕು. ನನ್ನ ಮದುವೆಯಾಗುವ ಹುಡುಗ ಎತ್ತರವಾಗಿರಬೇಕು. ಹೆಚ್ಚು ಫೇರ್‌ ಇರಬಾರ್ದು. ಸಿಕ್ಸ್‌ ಪ್ಯಾಕ್‌ ಬಾಡಿ ಇರಬೇಕಂತಿಲ್ಲ, ಅಚ್ಚುಕಟ್ಟಾದ ಮೈಕಟ್ಟಿದ್ದರೆ ಸಾಕು. ಒಳ್ಳೆಯ ಸಂಗೀತದ ಅಭಿರುಚಿ ಇರಬೇಕು’ ಎಂದು ಹೇಳಿದರು.

ಅಷ್ಟಕ್ಕೆ ಸುಮ್ಮನಾಗದ ಜೆಕೆ, ಚಂದನ್‌, ಜಗನ್‌ ಮತ್ತು ದಿವಾಕರ್‌ ಮತ್ತಷ್ಟು ವಿಷಯಗಳನ್ನು ಕೆದಕಿದರು. ಈ ವೇಳೆ ‘ ನನ್ನ ಮದುವೆಯಾಗುವ ಹುಡುಗ ಡಾಕ್ಟರ್‌ ಆಗಿರಬಾರದು. ಮುಂಜಾನೆ 8 ಗಂಟೆಗೆ ಹೋಗಿ ಸಂಜೆ 6.30ಕ್ಕೆ ಬರುವಂತಹ ಉದ್ಯೋಗದಲ್ಲಿರಬೇಕು. ಮೊದಲು ಯಾವುದೇ ಹುಡುಗಿಯನ್ನ ಲವ್‌ ಮಾಡಿರಬಾರದು’ ಅಂತೆಲ್ಲ ಹೇಳಿದರು ನಿವೇದಿತಾ. ಒಟ್ಟಾರೆ ಈ ಗೊಂಬೆಗೆ ರಿಚ್‌ ಹುಡುಗನೇ ಬೇಕು ಎಂದು ಅವರ ಮಾತಿನಲ್ಲೇ ಗೊತ್ತಾಯಿತು.

ನಿವೇದಿತಾ ಹೇಳಿದ ಗುಣಗಳ ಅನುಸಾರ ಟೀ ಅಂಗಡಿಯವನನ್ನ ಮದುವೆ ಆಗಿಬಿಡು, ಅವನೇ ನಿನಗೆ ಸೂಕ್ತ ಎಂದು ತಮಾಷೆಯಾಗಿ ಕಾಲೆಳೆದರು. ಅಷ್ಟೇ ಅಲ್ಲದೆ ‘ನಿನ್ನ ಮದುವೆಯಾಗೋ ಹುಡುಗನ ಸಂಬಳ ನೇಲ್‌ ಪಾಲಿಷ್‌ಗೆ ಖರ್ಚಾಗುತ್ತೆ. ಆಸ್ತಿ ಎಲ್ಲಾ ಮಾರಿ ಗಂಟು ಮೂಟೆ ಕಟ್ಟಿಕೊಂಡು ಹೋಗಬೇಕಾಗುತ್ತೆ. ಬೆಳ್ಳಗಿರೋದೆಲ್ಲ ಹಾಲಲ್ಲ ಎಂದು ಅವನಿಗೆ ತಿಳಿಯುತ್ತೆ’ ಎಂದು ಮಜವಾಗಿ ಕಾಡಿದರು.

Comments are closed.