ನಟಿ ಪ್ರಿಯಾಂಕಾ ಚೋಪ್ರಾ ಅವರೀಗ ಸಂಭ್ರಮದಲ್ಲಿದ್ದಾರೆ. ಕಾರಣ, ನಿನ್ನೆಯಷ್ಟೇ (ಜು.18) 33ರ ಹರೆಯಕ್ಕೆ ಕಾಲಿಟ್ಟಿದ್ದಾರೆ. ಈ ಖುಷಿಯಲ್ಲೇ ಪ್ರಿಯಾಂಕಾ ತಾಯಿ ಅಚ್ಚರಿಯೊಂದನ್ನು ನೀಡಿದ್ದಾರೆ. ಶೂಟಿಂಗ್ನಲ್ಲಿದ್ದ ಪಿಗ್ಗಿ ವಾಪಾಸಾಗುವುದರೊಳಗೆ ಮನೆ ತುಂಬ ಬಂಧು ಮಿತ್ರರಿರುವಂತೆ ವ್ಯವಸ್ಥೆ ಮಾಡಿದ್ದಾರೆ. ಮಗಳಿಗೆ ವಿಶೇಷ ಔತಣ ನೀಡಬೇಕೆನ್ನುವ ಉದ್ದೇಶದಿಂದಲೇ ಅವರ ತಾಯಿ ಮಧು ಈ ಥರದ್ದೊಂದು ಪ್ಲಾನ್ ಮಾಡಿದ್ದರು.
ಇದರಿಂದ ಖುಷಿಯಾದ ಪ್ರಿಯಾಂಕಾ, ‘ನನ್ನ ಹುಟ್ಟುಹಬ್ಬವನ್ನು ಅಮ್ಮ ವಿಶೇಷವಾಗಿ ಆಯೋಜಿಸಿದ್ದರು. ಆದರೆ ನನಗೆ ಇದರ ಬಗ್ಗೆ ಯಾವುದೇ ಸುಳಿವಿರಲಿಲ್ಲ. ನನ್ನ ಎಲ್ಲ ಬಂಧುಗಳು, ಫ್ರೆಂಡ್ಸ್ ಬಂದಿದ್ದರು. ನನಗೀಗ ಅತೀವ ಸಂತಸವಾಗುತ್ತಿದೆ’ ಎಂದಿದ್ದಾರೆ. ಪ್ರಮುಖರಿಗಷ್ಟೇ ಆಹ್ವಾನವಿದ್ದ ಈ ಔತಣಕೂತದಲ್ಲಿ ನಿರ್ದೇಶಕರಾದ ಸಂಜಯ್ ಲೀಲಾ ಬನ್ಸಾಲಿ, ವಿಶಾಲ್ ಭಾರದ್ವಾಜ್, ಅನುರಾಗ್ ಕಶ್ಯಪ್, ವಿಕಾಸ್ ಬಾಹ್ಲ್, ನಟ ರಿತೇಶ್ ದೇಶ್ವುುಖ್, ಜೆನಿಲಿಯಾ, ಕಂಗನಾ ರಣೌತ್, ರಣವೀರ್ ಸಿಂಗ್ ಮುಂತಾದ ಬಾಲಿವುಡ್ ನಟರು ಪ್ರಿಯಾಂಕಾಗೆ ವಿಶ್ ಮಾಡಿದರು. ಸದ್ಯ ‘ಬಾಜಿರಾವ್ ಮಸ್ತಾನಿ’ ಚಿತ್ರದ ಶೂಟಿಂಗ್ನಲ್ಲಿ ಬಿಜಿಯಾಗಿರುವ ಅವರು, ‘ಗಂಗಾಜಲ್ 2’ನಲ್ಲಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಆ ಚಿತ್ರದ ಚಿತ್ರೀಕರಣವೂ ಭರದಿಂದ ಸಾಗುತ್ತಿದೆ. ಇದರ ಮಧ್ಯೆ ಅಮೆರಿಕದ ಕಿರುತೆರೆಯ ವಾಹಿನಿಯಲ್ಲಿ ಪ್ರಸಾರವಾಗುವ ‘ಕ್ವಾಂಟಿಕೋ’ ಧಾರಾವಾಹಿಯಲ್ಲೂ ಪಿಗ್ಗಿ ಕಾಣಿಸಿಕೊಂಡಿದ್ದಾರೆ. ಅಂದ್ಹಾಗೆ, ಪ್ರಿಯಾಂಕಾ ಹೊಸ ಮನೆ ಕೊಂಡುಕೊಂಡಿದ್ದಾರೆ. ಶೀಘ್ರದಲ್ಲೇ ಅಲ್ಲಿಗೆ ಸ್ಥಳಾಂತರವಾಗಲಿದ್ದಾರೆ.
