ಬೆಂಗಳೂರು: ರಾಜಧಾನಿಯಕಂಟೈನ್ಮೆಂಟ್‌ ಝೋನ್ಪಾದರಾಯನಪುರದ ಕೊರೊನಾ ಸೋಂಕಿತ ಇಬ್ಬರು ಮಹಿಳೆಯರು ಮೂರು ಮಕ್ಕಳಿಗೆ ಶನಿವಾರ ಜನ್ಮ ನೀಡಿದ್ದಾರೆ. 20 ವರ್ಷದ ಮಹಿಳೆ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದರೆ, 34 ವರ್ಷದ ಮಹಿಳೆಗೆ ಹೆಣ್ಣು ಮಗು ಜನಿಸಿದೆ.
ಶನಿವಾರ ಆರೈಕೆ ಕೇಂದ್ರದಲ್ಲಿ 20 ವರ್ಷದ ಮಹಿಳೆ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಬಿಬಿಎಂಪಿ ರ‍್ಯಾಂಡಮ್‌ ಸ್ಯಾಂಪ್ಲಿಂಗ್‌ ಪರೀಕ್ಷೆಯಲ್ಲಿ ಕೊರೊನಾ ದೃಢಪಟ್ಟಿದ್ದ 34 ವರ್ಷದ ಮಹಿಳೆ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಮೂರು ಮಗುಗಳನ್ನು ವಾಣಿ ವಿಲಾಸ್‌ ಆಸ್ಪತ್ರೆಯಲ್ಲಿ ಇಡಲಾಗಿದೆ.
ಇಬ್ಬರು ತಾಯಂದಿರ ಆರೈಕೆ ಕೇಂದ್ರದ ಸಿ-ಸೆಕ್ಷನ್‌ನಲ್ಲಿ ನಿಗಾ ಇರಿಸಲಾಗಿದೆ. ಮಕ್ಕಳನ್ನು ಕೊರೊನಾ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ ಎಂದು ಬೆಂಗಳೂರು ಮೆಡಿಕಲ್‌ ಕಾಲೇಜ್‌ ಮತ್ತು ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ನ ಮುಖ್ಯಸ್ಥ ಮತ್ತು ನಿರ್ದೇಶನ ಡಾ.ಸಿ.ಆರ್‌.ಜಯಂತಿ ಹೇಳಿದ್ದಾರೆ.
ಮೇ 7ರಂದು ವಾಣಿ ವಿಲಾಸ್‌ ಆಸ್ಪತ್ರೆಗೆ 20 ವರ್ಷದ ತುಂಬು ಗರ್ಭಿಣಿ ಬಂದಿದ್ದರು. ಅವರು ಕಂಟೈನ್ಮೆಂಟ್‌ ಝೋನ್‌ನ ನಿವಾಸಿ ಎಂದು ಮಾಹಿತಿ ನೀಡಿರಲಿಲ್ಲ. ನಾವು ಕೊರೊನಾ ಪರೀಕ್ಷೆ ಮಾಡಿದಾಗ ಮೇ 8ರಂದು ಪಾಸಿಟಿವ್‌ ಎಂಬ ವರದಿ ಬಂದಿದೆ. ಆ ನಂತರ ಮಹಿಳೆಯನ್ನು ಪ್ರಶ್ನಿಸಿದ ನಂತರ ಪಾದರಾಯನಪುರ ನಿವಾಸಿ ಎಂದು ಹೇಳಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.
ಶುಕ್ರವಾರ ಸಂಜೆ ಕೊರೊನಾ ಐಸೊಲೇಷನ್‌ ಆಸ್ಪತ್ರೆಯ ಆರೈಕೆ ಕೇಂದ್ರಕ್ಕೆ ಅವರನ್ನು ಶಿಫ್ಟ್‌ ಮಾಡಲಾಯಿತು. ರೋಗಿಗಳು ಗಂಭೀರ ಮಾಹಿತಿಯನ್ನು ಬಚ್ಚಿಡುತ್ತಿರುವುದು ಆರೋಗ್ಯ ಸಿಬ್ಬಂದಿಗೆ ಕಾರ್ಯನಿರ್ವಹಿಸುವುದು ಬಹಳ ಸಮಸ್ಯೆ ಆಗುತ್ತದೆ ಎಂದು ವಾಣಿ ವಿಲಾಸ್‌ ಆಸ್ಪತ್ರೆಯ ವೈದ್ಯರು ಹೇಳಿದ್ದಾರೆ.
ಇನ್ನು, ಅವಳಿ ಮಕ್ಕಳ ತಂದೆಯೂ ಕೂಡ ಕೊರೊನಾ ಪಾಸಿಟಿವ್‌ ರೋಗಿಯಾಗಿ ಅದೇ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಮಕ್ಕಳಿಗೆ ಕೊರೊನಾ ವೈರಸ್‌ ಪಾಸಿಟಿವ್‌ ಬರಲ್ಲ ಎಂಭ ಭರವಸೆಯಲ್ಲಿ ವೈದ್ಯರು ಇದ್ದಾರೆ. ಇಬ್ಬರು ಮಹಿಳೆಯರು ಕೊರೊನಾ ರೋಗ ಲಕ್ಷಣಗಳನ್ನು ಹೊಂದಿದ್ದಿಲ್ಲ ಎಂಬುದು ತಿಳಿದು ಬಂದಿದೆ.
Comments are closed.