ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಲ್) ಟ್ವೆಂಟಿ-20 ಚಾಂಪಿಯನ್‌ಶಿಪ್ 11ನೇ ಆವೃತ್ತಿಗೆ ಕಾಲಿಡುತ್ತಿರುವಂತೆಯೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಚೊಚ್ಚಲ ಕಿರೀಟ ಗೆಲುವಿನ ಗುರಿಯನ್ನಿಟ್ಟುಕೊಂಡಿದೆ.
ಆರ್‌ಸಿಬಿ ಮೂರು ಬಾರಿ ಫೈನಲ್ ಪ್ರವೇಶಿಸಿದರೂ ಕಪ್ ಗೆಲ್ಲಲು ಸಾಧ್ಯವಾಗಲಿಲ್ಲ. ಆದರೆ ಐಪಿಎಲ್ 2018 ಆರಂಭಕ್ಕೂ ಮುನ್ನ ಅಭಿಮಾನಿಗಳ ಬಾಯಲ್ಲಿ ‘ಈ ಸಲ ಕಪ್ ನಮ್ದೆ’ ಎಂಬ ಮಾತು ಗುಣುಗುಡುತ್ತಿದೆ.
ಈ ಸಲ ಕಪ್ ನಮ್ದೆ ಎಂಬ ಅಭಿಯಾನ ಸಾಮಾಜಿಕ ತಾಲತಾಣದಲ್ಲಿ ಎಷ್ಟೊಂದು ಪರಿಣಾಮ ಬೀರಿದೆಯೆಂದರೆ ಇದೀಗ ಆರ್‌ಸಿಬಿ ಆಟಗಾರರು ಇದಕ್ಕೆ ಕೈಜೋಡಿಸಿದ್ದಾರೆ.
ಆರ್‌ಸಿಬಿ ಆಂತರಿಕ ವಿಷಯಗಳನ್ನು ಬಹಳಷ್ಟು ಹಾಸ್ಯ ಮಿಶ್ರಿತವಾಗಿ ಚರ್ಚಿಸುವ ಮಿಸ್ಟರ್ ನಾಗ್ಸ್ ಕಾರ್ಯಕ್ರಮದಲ್ಲಿ ನಾಯಕ ವಿರಾಟ್ ಕೊಹ್ಲಿ ‘ಈ ಸಲ ಕಪ್ ನಮ್ದೆ’ ಎಂದು ಉದ್ಘರಿಸಿದ್ದಾರೆ.
ಅತಿ ಹೆಚ್ಚು ಜನಪ್ರಿಯತೆಯನ್ನು ಸಾಧಿಸಿರುವ ನಾಗ್ಸ್ ಷೋ ಈ ಬಾರಿ ‘ನಾಗುಮೆಂಟ್ರಿ’ ಎಂಬ ಶೀರ್ಷಿಕೆಯಲ್ಲಿ ಅರಿಯಲ್ಪಡಲಿದೆ. ಈ ಸಂಬಂಧ ಆಕರ್ಷಕ ವಿಡಿಯೋವನ್ನು ಹೊರ ತಂದಿದೆ. ಇದರಲ್ಲಿ ಆರ್‌ಸಿಬಿ ಆಟಗಾರರು ಈ ಸಲ ಕಪ್ ನಮ್ದೆ ಎಂದು ಘೋಷಿಸಿದ್ದಾರೆ.
Comments are closed.