ಆನ್ ಲೈನ್ ನಲ್ಲಿ ಕಾಂಡೋಮ್ ದಾಖಲೆಯ ಮಾರಾಟ!

ನವದೆಹಲಿ: ಆನ್ ಲೈನ್ ವ್ಯಾಪಾರ ಈ ದಿನಗಳಲ್ಲಿ ಭಾರೀ ಜನಪ್ರಿಯವಾಗಿದೆ ಎನ್ನುವುದಕ್ಕೆ ಇದು ಸಾಕ್ಷಿ. ಆನ್ ಲೈನ್ ನಲ್ಲಿ ಕಾಂಡೋಮ್ ಮಾರಾಟ ಮಳಿಗೆ ಪ್ರಾರಂಭಿಸಿದ ಕೇವಲ 69 ದಿನದಲ್ಲಿ ದಾಖಲೆಯ ಮೊತ್ತದ ಕಾಂಡೋಮ್ ಮಾರಾಟವಾಗಿದೆ!

69 ದಿನದಲ್ಲಿ 10 ಲಕ್ಷಕ್ಕೂ ಅಧಿಕ ಕಾಂಡೋಮ್ ಮಾರಾಟವಾಗಿದೆ ಎಂದು ವರದಿಯಾಗಿದೆ. ಈ ವರ್ಷ ಏಪ್ರಿಲ್ ನಲ್ಲಿ ಆನ್ ಲೈನ್ ಮೂಲಕ ಉಚಿತ ಕಾಂಡೋಮ್ ಮಾರಾಟ ಮಳಿಗೆ ಪ್ರಾರಂಭವಾಗಿತ್ತು. ಇದಾಗಿ 69 ದಿನಗಳಲ್ಲೇ 9.56 ಲಕ್ಷ ಕಾಂಡೋಮ್ ಗಳನ್ನು ಮಾರಾಟ ಮಾಡಿರುವುದಾಗಿ ಸಂಸ್ಥೆ ಹೇಳಿಕೊಂಡಿದೆ.

ಅದರಲ್ಲಿ 5.14 ಲಕ್ಷ ಸ್ವಯಂ ಸೇವೆ ಸಂಘಟನೆಗಳು, 4.41 ಲಕ್ಷ ಕಾಂಡೋಮ್ ಗಳನ್ನು ವೈಯಕ್ತಿಕವಾಗಿ ಜನರೇ ಖರೀದಿ ಮಾಡಿದ್ದಾರೆಂದು ತಿಳಿದುಬಂದಿದೆ. ಅದರಲ್ಲೂ ವಿಶೇಷವಾಗಿ ಕರ್ನಾಟಕ ಮತ್ತು ದೆಹಲಿ ಜನತೆ ಅತೀ ಹೆಚ್ಚು ಕಾಂಡೋಮ್ ಖರೀದಿ ಮಾಡಿದ್ದಾರಂತೆ. ಹೀಗೇ ಆದರೆ ಜನ ಸಂಖ್ಯೆ ಕಡಿಮೆಯಾಗುವುದು ಖಂಡಿತಾ ಎಂದು ಸಂಸ್ಥೆ ಲೆಕ್ಕಾಚಾರ ಹಾಕಿದೆ!