ಮದುವೆಯಾದ ನಂತರ ಪತಿ-ಪತ್ನಿಯ ನಡುವೆ ಮುನಿಸು, ಸಾಮಾನ್ಯ, ಜಗಳ ತಾರಕಕ್ಕೇರಿದರೇ ವಿಚ್ಛೇದನ ನೀಡುವರೆಗೂ ಹೋಗುತ್ತದೆ. ಆದರೆ ಚೀನಾದಲ್ಲೊಂದು ಕುಟುಂಬದ 11 ಜನರು ಒಂದು ತಿಂಗಳಿನೊಳಗೆ 23 ಬಾರಿ ಮದುವೆಯಾಗಿ ಡಿವೋರ್ಸ್ ನೀಡಿದ ಪ್ರಕರಣ ಬೆಳಕಿಗೆ ಬಂದಿದೆ.
ಬೀಚಿಂಗ್ನಲ್ಲಿ ವಾಸವಾಗಿರುವ ಕುಟುಂಬವೊಂದರ 11 ಜನರು ಆಪಾರ್ಟ್ವೊಂದನ್ನು ಪಡೆಯಲು ಈ ರೀತಿಯ ಉಪಾಯವೊಂದನ್ನು ಮಾಡಿದ್ದಾರೆ. ಚೀನಾದ ಸರ್ಕಾರ ಅಲ್ಲಿನ ಜೇಜಿಯಾಂಗ್ ಪ್ರದೇಶದಲ್ಲಿರುವ ಅಪಾರ್ಟ್ಮೆಂಟ್ವೊಂದನ್ನು ನೆಲಸಮ ಮಾಡಿತ್ತು. ಹಾಗಾಗಿ ಆ ಪ್ರದೇಶದಲ್ಲಿ ವಾಸಿಸುವ ಜನರಿಗೆ ಸರ್ಕಾರ 40 (s.f) ಸ್ವಾರ್ ಫೀಟಿನ ಅಪಾರ್ಟ್ಮೆಂಟ್ ನೀಡುವುದಾಗಿ ಹೇಳಿತ್ತು. ಇದನ್ನು ಪಡೆಯಲು ಕುಟುಂಬವೊಂದು 23 ಬಾರಿ ಮದುವೆಯಾಗಿ ಡಿವೋರ್ಸ್ ನೀಡಿದ್ದಾರೆ.
ಮದುವೆಯಾದ 11 ಜನರು ಜೇಜಿಯಾಂಗ್ ಪ್ರದೇಶದ ನಿವಾಸಿಗಳಾಗಿದ್ದು, ಪನ್ರೇ ಎಂಬ ವ್ಯಕ್ತಿ ತನ್ನ ವಿಚ್ಛೇದಿತ ಪತ್ನಿ ಶ್ರೀಯನ್ನು ಮತ್ತೊಮ್ನೆ ಮದುವೆಯಾಗಿದ್ದಾರೆ. ಪನ್ರೇ ದಂಪತಿಗಳು 2011ರಲ್ಲಿ ಡಿವೋರ್ಸ್ ನೀಡಿದ್ದರು. ಆದರೆ ಆಕೆಯನ್ನು ಪನ್ರೇ ಮಾರ್ಚ್ 6 ರಂದು ಮತ್ತೊಮ್ಮೆ ಮದುವೆಯಾಗಿದ್ದಾನೆ. ಮದುವೆಯಾದರೆ ಅಪಾರ್ಟ್ಮೆಂಟ್ ಆಕೆಯ ಹೆಸರಿಗೆ ಬರುತ್ತಂತೆ ಎಂದು ಮದುವೆಯಾಗಿದ್ದಾನೆ. ನಂತರ ಇಬ್ಬರು ವಿಚ್ಛೇದನ ತೆಗೆದುಕೊಂಡಿದ್ದಾರೆ.
ಪನ್ರೇ ಅದೇ ತಿಂಗಳಿನಲ್ಲಿ ನಾದಿನಿಯನ್ನು ಮತ್ತು ಆಕೆಯ ಸಹೋದರಿಯನ್ನು ಮದುವೆಯಾಗಿ ಡಿವೋರ್ಸ್ ನೀಡಿದ್ದಾನೆ. ಪನ್ರೇ ತಂದೆ ಮಾತ್ರವಲ್ಲದೆ ಸಹೋದರ, ಸಹೋದರಿಯರು ಕೂಡ ಬೇರೆಯವರೊಂದಿಗೆ ಮದುವೆಯಾಗಿ ವಿಚ್ಛೇಧನ ನೀಡಿದ್ದಾರೆ. ಮಾಹಿತಿಯೊಂದರ ಮೇಲೆ ಆ ಕುಟುಂಬರ ಸಂಬಂಧಿಕರೆಲ್ಲರು ಸೇರಿದಂತೆ ಒಟ್ಟು 11 ಜನರು 23 ಬಾರಿ ಮದುವೆಯಾಗಿ ವಿಚ್ಛೇಧನ ನೀಡಿದ್ದಾರೆ ಎಂದು ತಿಳಿದುಬಂದಿದೆ.
Comments are closed.