ವಾಷಿಂಗ್ಟನ್: ಬ್ರಿಟಿಷ್ ಅಪ್ರಾಪ್ತೆ ಮೇಲೆ ಸತತ 13 ತಿಂಗಳು ಅತ್ಯಾಚಾರ ನಡೆಸಿದ 12 ಮಂದಿಗೆ ವೆಸ್ಟ್ ಯಾರ್ಕ್ ಶೈರ್ ನ ಬ್ರಾಡ್ ಫೋರ್ಡ್ ಕ್ರೌನ್ ಕೋರ್ಟ್ 140 ವರ್ಷ ಜೈಲು ಶಿಕ್ಷೆ ವಿಧಿಸಿದೆ.
ಸುಮಾರು 13 ತಿಂಗಳ ಕಾಲ ಅಂದರೆ 2011 ರಿಂದ 2012 ರವರೆಗೆ ಅಪ್ರಾಪ್ತೆ ಮೇಲೆ ಕಾರು ಪಾರ್ಕಿಂಗ್, ಚರ್ಚ್ ನ ಸ್ಮಶಾನ ಸೇರಿದಂತೆ ವಿವಿಧ ಸ್ಥಳಗಳಲ್ಲಿ ಆಕೆಯ ಮೇಲೆ ದೌರ್ಜನ್ಯವೆಸಗಲಾಗಿತ್ತು.
ದಕ್ಷಿಣ ಏಷ್ಯಾ ಮೂಲದವರಾದ ಈ 12 ಮಂದಿಯಲ್ಲಿ 11 ಮಂದಿಗೆ ಜೈಲುವಾಸ, ಮತ್ತೊಬ್ಬ ಅಪರಾಧಿಗೆ ಕಠಿಣ ಶಿಕ್ಷೆ ವಿಧಿಸಲಾಗಿದೆ. ಈತ 16 ವರ್ಷ ಒಳಗಿನ ಮತ್ತೊಬ್ಬ ಬಾಲಕಿ ಜೊತೆ ಸೆಕ್ಸ್ ಮಾಡಿದ್ದ ಹಿನ್ನೆಲೆಯಲ್ಲಿ ಈತನಿಗೆ ಕಠಿಣ ಶಿಕ್ಷೆ ವಿಧಿಸಲಾಗಿದೆ.
ಈ ಗ್ಯಾಂಗ್ ನ ಮಾಸ್ಟರ್ ಮೈಂಡ್ ಬಾಂಗ್ಲಾ ದೇಶಕ್ಕೆ ಪರಾರಿಯಾಗಿದ್ದಾನೆ ಎಂದು ವರದಿ ತಿಳಿಸಿದೆ. ಇನ್ನು ಈ ಗ್ಯಾಂಗ್ ನ ಹಲವು ಮಂದಿ ಮಕ್ಕಳ ಅಪಹರಣ, ಸೇರಿದಂತೆ ಹಲವು ಅಪರಾಧ ಕೃತ್ಯಗಳಲ್ಲಿ ಭಾಗಿಯಾಗಿರುವುದಾಗಿ ಕೋರ್ಟ್ ಹೇಳಿದೆ.
