ಫ್ಲೋರಿಡಾ: ತಮ್ಮ ಬಾಲ್ಯದ ಗೆಳೆಯನನ್ನು ಕೋರ್ಟ್ ಕಟಕಟೆಯಲ್ಲಿ ಅಪರಾಧಿಯಾಗಿ ಕಂಡ ಜಡ್ಜ್‌ವೊಬ್ಬರು ಭಾವುಕರಾದರು. ಆ ಗೆಳೆಯನೂ ತನ್ನ ಪರಿಸ್ಥಿತಿಗೆ ಪರಿತಪಿಸಿ ಬಿಕ್ಕಿ ಬಿಕ್ಕ ಅತ್ತ. ಇದು ಫ್ಲೋರಿಡಾದಲ್ಲಿ ನಡೆದಿದ್ದು. ಈ ಅಪರೂಪದ ಸನ್ನಿವೇಶದವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಫ್ಲೋರಿಡಾದ ನ್ಯಾಯಾಧೀಶೆ ಮಿಂಡ್ಲಿ ಗ್ಲೇಸರ್ ಅವರು ಕಳ್ಳತನ ಪ್ರಕರಣವೊಂದರ ವಿಚಾರಣೆ ನಡೆಯುವಾಗ ಆರೋಪಿ ಆರ್ಥರ್ ಬೂತ್ ಎಂಬಾತನನ್ನು ಗುರುತು ಹಿಡಿದು ಹೇಗಿದ್ದೀ? ನೀನ್ಯಾಕೆ ಹೀಗಾದೆ? ಎಂಬೆಲ್ಲಾ ಪ್ರಶ್ನೆಗಳನ್ನು ಕೇಳಿದ್ದಾರೆ.
ವಿಚಾರಣೆ ಪ್ರಾರಂಭವಾಗುತ್ತಲೇ ಆರೋಪಿಯ ಮುಖ ನೋಡಿದ ಗ್ಲೇಸರ್ ಅವರು, ”ಲೇ ನೀನ್ಹೇಗೋ ಇಲ್ಲಿಗೆ ಬಂದೆ? ನಾವಿಬ್ರೂ ಚಿಕ್ಕಂದಿನಲ್ಲಿ ಫುಟ್ಬಾಲ್ ಆಡ್ತಿದ್ವಿ ಅಲ್ವಾ?,” ಎಂದಾಗ ಆತ ಬಿಕ್ಕಿ ಬಿಕ್ಕಿ ಅತ್ತ.
”ಬಾಲ್ಯದಲ್ಲಿ ಬೂತ್ ನೀನೊಬ್ಬ ಒಳ್ಳೆಯ ಹುಡುಗನಾಗಿದ್ದೆ. ನೀನು ಈ ಕಳ್ಳತನ ಮಾಡಿದ್ದೀಯ ಎಂದರೆ ನಂಬಲೇ ಆಗುತ್ತಿಲ್ಲ ಎಂದರು. ಈ ಪ್ರಕರಣದಲ್ಲಿ ನೀನು ಹೊರಬಂದು, ಕಾನೂನುಬದ್ಧ ಜೀವನ ನಡೆಸುವ ಆಶಯ ನನ್ನದು ಎಂದು ಶುಭ ಹಾರೈಸಿದರು.
